Halit

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Halit

Halit dari Citakan:Ill, Małopolskie, Polandia
Umum
Kataguri Mineral halida
Rumus kimia NaCl
Klasifikasi Strunz 3.AA.20
Simetri kristal FmCitakan:Overlinem
Sel unit a = 5,6404(1) Å; Z = 4
Identifikasi
Massa molekul 58,433 g/mol
Warna Tak berwarna atau putih
Parawakan Dominan kubus dan di lapisan sedimen masif, tapi juga granular, fibrous dan kompak
Sistem kristal Kubik
Balahan Sempurna {001}, kubik tiga arah
Pacahan Konkoidal
Sifat dalam Rapuh
Kakarasan (Skala Mohs) 2,0 - 2,5
Kilap Seperti kaca
Gores Putih
Diafaneitas Transparan
Berat jenis 2,17
Sifat optik Isotropik
Indeks bias n = 1,544
Kalarutan Larut dalam air
Sifat lain Asin, berfluoresensi
Referensi [1][2][3]

Halite (cara manyambat: /ˈhælaɪt/ atawa /ˈheɪlaɪt/), biasanya dipinandui sabagai uyah batu, adalah sabuting jenis uyah, bentuk mineral (alami) matan natrium klorida (NaCl). Halit mambantuj karistal isomerik.[4] Mineral ngini biasanya kada bawarna atawa putih, tapi kawa jua bawarna biru anum, biru tuha, ungu, habang anum, habang, jingga, kuning atawa abu-abu tagantung jumlah wan janis kakadamurnian [en] nang ada. Bamulanya biasanya lawann deposit mineral evaporit lainnya nang kaya sapalihan sulfat, halida, wan borat.

Asal Muasal[babak | babak asal mulanya]

Balok halit matan deposit Stassfurt Potash, Saxony-Anhalt, Jerman (ukuran: 6.7 × 1.9 × 1.7 cm)

Halit tadapat di lapisan mineral evaporit batuan sedimen mang luas, nang dihasilakan matan pangaringan danau, playa, wan laut tatutup. Lapisan uyah kawa sakandal ratusan mitir wan maliputi dairah nang luas. Di Amirika Sarikat wan Kanada, lapisan bawah tanah nang luas nang mahagar matan cekungan Appalachian di barat New York lewat sapalihan Ontario wan di bawah sapalihan ganal Lembah Michigan. Panyimpanan nang lain baandak di Ohio, Kansas, New Mexico, Nova Scotia wan Saskatchewan. Tambang uyah Khewra adalah panyimpanan ganal halit di parak Islamabad, Pakistan. Di Inggeris ada talu tambang; nang taganal di Winsford [en], Cheshire nang mahasilakan rata-rata satu juta ton per tahun.

Kubah uyah [en] adalah diapir vertikal atawa massa garam nang kaya pipa nang pada dasarnya "diparah" matan dasar lapisan uyah oleh mubilisasi gara-gara barat batuan di atasnya. Kubah uyah bajsi anhidrit [en], gipsum, wan belerang nativ, laim pada halit wann silvit [en]. Buhannya ngini marpakan hal biasa di sapanjangan pantai Teluk Texas wan Louisiana wan rancak dikaitakan lawan panyimpananminyak bumi. Jerman, Spanyol, Belanda, Rumania wan Iran baisi jua kubah garam. Gletser garam [en] nang ada di Iran nang gersang di mana uyah sudah manambus parmukaan pada katinggian wan mangalir manuruni bukit. Pada samunyaan kasus ini, halit disambat baisi sifat nang kaya rheid [en].

Halit nang baisi alur kada biasa, ungu, basarat ditamuakan di Parancis wan sapalihan tampat lainnya. Kristal halit nang disambat kristal hopper nang wujudnya kaya "kerangka" matan batu nang khas, lawan adanya pinggiran wan tikinan babantuk anak tangga di parmukaan atawa labih tepatnya di dalam satiap muka kristal. Dalam lingkungan pangkaristalan hancap, pinggiran-pinggiran batu tumbuh talaju pada pusatnya. Kristal halit tabantuk hancap banar di sapalihan danau nang lakas manguap jadinya mahasilakan artefak modern basalut atawa bakarak karistal halit.[5] Bunga halit adalah stalaktit langka matan serat kariting halit nang ditamuakan di sapalihan guha gersang di Dataran Nullarbor Australia. Stalaktit wan karak halit dilaporkan jua di tambang tambaga nativ [en] Quincy di Hancock, Michigan [en].

Halit rancak dipakai gasan kaparluan rumah tangga atawa kuta gasan mangalola es. Oleh karena brine (larutan air wan garam) bais titik beku nang tarandah pada banyu murni, panambahan garam atawa banyu masin pada es nang mamaraki suhu 0 °C (32 °F) pacangan maulah inya maleleh. (Efek ini dingarani depresi titik beku [en].) Hal ngini marupakan masalah umum bagi ampin rumah di iklim dingin gasan manyabarakan uyah ka trotoar wan kartak masuk buhannya imbah badai salju gasan malunuhakan es. Kada parlu mamakai banyak uyah supaya es bujur-bujur lunuh; sadikit uyah haja kawa malunuhakan es jadi es tanyakan dilapas lawa cara nang lain. Lain pada ngitu, banyak kota nang manyebarkan campuran pasir dan garam di jalan salwas wan wan badai salju gasan manaikakan traksi. Lain pada pancairan es, uyah batu kadang-kadang dipakaiakan di pahumaan. Cuntuh matan hal ngini adalah gasan mainduksi tikinan uyah gasan manikin partumbuhan tahunan ilalang dalam produksi gambut.

Garam dipakai jua sacara ekstensif gasan mamasak gasan manambah rasa wan gasan maawetakan bamacam jenis makanan nang kaya bacon wan iwank.[6] Tatakan nang taganal kawa digiling di gilingan uyah atawa diparuiakan di makanan matan pengocok uyah sabagai uyah meja.

Sapalihan budaya, tartama di Aprika, hakun mamilih bamacam-macam uyah batu gasan bamacam masakan. Uyah murni dihindari gara-gara warna sapalihan uyah manampaiakan adanya kakadamurnian nang balain. Banyak contoh resep nang mamakai bamacam jenis uyah batu, wan uyah murni impor nang rancak ditambahakan gasan manyasuaikan lawan selera lokal.[7]

Galeri[babak | babak asal mulanya]

Lihat jua[babak | babak asal mulanya]

  • Uyah
  • Uyah tektonik [en]

Referensi[babak | babak asal mulanya]

  1. ^ http://rruff.geo.arizona.edu/doclib/hom/halite.pdf Handbook of Mineralogy
  2. ^ Mindat.org
  3. ^ Webmineral data
  4. ^ Bonewitz, Ronald Louis (2012). Rocks and Minerals. DK Publishing. hlm. 110. ISBN 978-0-7566-9042-7. 
  5. ^ "HALITE (Sodium Chloride)". Galleries.com. Diakses tanggal 2015-12-16. 
  6. ^ Bitterman, Mark (2010). Salted: A Manifesto on the World's Most Essential Mineral, With Recipes. Ten Speed Press. hlm. 267–270. ISBN 978-1-58008-262-4. 
  7. ^ Kurlansky, Mark (2003). Salt: A World History.