Gargadil
 Gargadil nang isinya sayur duwa daging | |
| Jenis | Wadai |
|---|---|
| Sajian | Papuluran |
| Tempat asal | Indunisia |
| Suhu penyajian | Hangat |
Gargadil adalah ngaran wadai nang bantukannya melengkung nangkaya bulan sabit, higanya baulir wan bagalumbang halus-halus di kulitnya. Gargadul diulah matan galapung gandum gasan kulitnya nang disanga mamakai minyak lamak nang tabanyak pada biasanya. Isinya bisa daging giling, kiju mozzarella, suwiran ayam duwa kiju, sampai undang, sayur, suun lawan intalu bajarang.
Wadai ngini baisi ngaran lain di Sulawesi Utara, yaitu Panada nang isiannya iwak cakalang nang hudah disuwir halus-halus wan dimasak duwa bawang habang, daun limau, kamangi, lumbuk habang duwa daun prai. [1]
Sajarah[babak | babak asal-mulanya]
Gargadil dikikira asalnya matan makanan nang dibawa ulih buhan Spanyol duwa Portugal. Marga di banua sana ada juwa makanan nang bangaran Pastel de nata yaitu wadai nangkaya wadai bahintalu (egg tart) has Portugal nang dibarubuii bubuk kayu manis. Lamunnya di Spanyol, pastel ngitu sambatan gasan wadai umum duwa papuluran lainnya.Tagal ada juwa teori lain nang mamadahakan gargadil atawa pastel ngini asalnya matan empanada, ruti isi iwak tuna, sardin, atawa chorizo has Spanyol nang hudah ada matan 1520 di Galicia. [2]
Wadai ngini asalnya matan banua Mediterania, Timur Tengah sampai India nang dikanalakan panambayan di Eropa Selatan wayah ada panyarbuan ulih Bangsa Moor ka Bangsa Eropa rahatan Perang Salib. Imbah ngitu bubuhan Eropa mamulai memodifikasi wadai ngini wan mambarii ngaran "Empanada", nang asalnya matan kata empanar nang berarti mantel dalam ruti.[1]
Jujuhutan[babak | babak asal-mulanya]
- ^ a b Eka, Intan (2023-01-02). "Pastel, Kue Khas Timur Tengah yang Gurih". Jember Inews (dalam bahasa Indonesia). Diakses tanggal 2023-07-10.
- ^ Rahmawati, Andi Annisa Dwi. "Pastel, Jajanan Indonesia yang Diadaptasi dari Empanada". detikfood (dalam bahasa Indonesia). Diakses tanggal 2023-07-10.