Capil ka isi

Bubur gunting Banjar

Tumatan Wikipidia Banjar, kindai pangatahuan
Bubur gunting
Samangkuk bubur gunting
Ngaran lainBubur sagu gunting
Banua asalIndunisia
DairahKalimantan Selatan
Diulah ulihSuku Banjar
Bahan utamaSagu, gula habang, santan, intalu
Bahan nang umum dipakaiBanyu putih duwa uyah

Bubur gunting adalah salah sabuting makanan matan Indonesia nang tiba Kalimantan Selatan. Bubur gunting biasanya babantuk panjang kicul duwa tarasa kinyul wan rancak disajikan pas rahatan babuka puasa.[1]

Cara maulahnya[babak | babak asal-mulanya]

Makanan ini diulah matan sagu sapasial nang disambat 'sagu gunting'.[2] Pamulaan sagu dipajal saganggam, imbah itu dijarang sampai satangah masak. Adunan sagu ini lalu diinginakan wan ditikin-tikin sampai jadi lambaran kandal. Lambaran ngini imbah itu ditatak pakai gunting saukuran buku jariji.[3]

Kuahnya diulah matan campuran gula habang, gula putih, intalu, uyah, santan, daun pandan wan banyu putih. Cara mamasak kuahnya adalah manjarang gula wan banyu dahulu, bila sudah manggurak lalu ai ditambah santan wan intalu nang sudah diguncang.[1]

Jujuhutan[babak | babak asal-mulanya]

  1. ^ a b Nisa, Khairun (2023-11-05). "Bubur Gunting Khas Banjarmasin, Si Manis Gurih yang Siap Manjakan Lidah". PojokBanua.com (dalam bahasa Indonesia). Diakses tanggal 2023-11-25. 
  2. ^ Garmina, Rina (2018-04-13). "Membuat Sendiri Penganan Khas Banjar, Bubur Gunting". MerahPutih. Diakses tanggal 2023-11-25. 
  3. ^ Rahmawati, Neni; R, Syarifuddin (2014). Makna Simbolik dan Nilai Budaya Kuliner "Wadai Banjar 41 Macam" Pada Masyarakat Banjar Kalsel. Yogyakarta: Kepel Press. hlm. 60–61. ISBN 978-602-1228-94-4.