Birutė Galdikas

Tumatan Wikipidia basa Banjar, insiklupidia bibas
Malacung ka napigasi, gagai

Citakan:Infobox scientist Birutė Marija Filomena Galdikas (lahir di Wiesbaden, Jérman, 10 Mai 1946; umur 71 tahun), adalah ahli primatologi, aktivis palastarian alam, wan panulis tumatan babarapa buku pasal ancaman kapunahan urangutan khususnya urangutan Kalimantan. Galdikas dipinandui sabagai tukuh pamimpin di wilayah panelitian parimata modérn tautama urangutan. Birute Galdikas suah mahaga panghargaan kalpataru matan Pamarintah Indonésia gasan usahanya di bidang palastarian alam.[1] Sabalum panalitiannya, ilmuwan kada tapi tahu pasal spésiés urangutan.[2]

Awal kahidupan dan pandidikan[babak | sunting sumber]

Galdikas diranakakan pada tanggal 10 Mai 1946 di Wiesbaden, Jérman. Kuitannya, Antanas wan Filomena Galdikas, adalah pangungsi Lituania nang sasah tumatan pa-ambilalihan Soviet limbah Perang Dunia II. Wayah Galdikas bausia dua tahun, kulawarganya pindah ka Kanada wayah Antanas manandatangani kuntrak gasan bagawi di partambangan tambaga di Quebec. Tahun dudinya, inya pindah ka Toronto, wadah Galdikas tumbuh. Abahnya bagawi sabagai panambang wan kontraktor. Sabagai kanakan anum, kapala Galdikas dihibaki lawan humbayang akan hutan nang jauh wan makhluk eksotis. Buku panambaian nang diiinjamnya matan Parpustakaan Umum Toronto adalah sabuting kisah pasal saikung warik halus mucil bangaran Curious George. Wayah inya batambah umur, inya tasapu ulih patualangan National Geographic matan Jane Goodall wan Dian Fossey.[3] Inya baisi dua ading lalakian wan saurang ading babinian.[4][5]

Pada tahun 1962 kulawarga Galdikas pindah pulang, panambaian ka Vancouver limbah itu ka California salatan. Galdikas mandaptar di University of California, Los Angeles, wadah inya balajar psikologi, arkéologi, dan antropologi. Pada tahun 1966, inya mahaga galar sarjana di bidang psikologi dan zoologi, nang dianugerahi baimbai ulih UCLA wan University of British Columbia. Inya mahaga galar magister antropologi matan UCLA pada tahun 1969. Salawas studi pascasarjana di UCLA, Galdikas badapat lawan ahli paleoantropologi Louis Leakey, nang inya paraki gasan inya mampalajari urangutan di habitat alami buhannya. Leakey wan National Geographic Society sapakat gasan mandiriakan fasilitas panalitian di Kalimantan.[4][6] Panalitiannya manjadi dasar studi doktoralnya, dan inya maraih galar doktor dalam bidang antropologi matan UCLA pada tahun 1978.[4]

Sumbar[babak | sunting sumber]

  1. ^ Galdikas-Brindamour, Birutė, "Orangutans, Indonesia's "People of the Forest"", pp. 444–473.
  2. ^ de Waal, Frans, "[(Bahasa Inggris) The New York Times The Loneliest of Apes]".
  3. ^ Pfeiff, Margo(1993). "Mother to the Apes". Reader's Digest143 No 855: 127-132.
  4. ^ a b c "Profile: Biruté Galdikas". 2015. http://www.science.ca/scientists/scientistprofile.php?pID=7&pg=3. 
  5. ^ Gallardo,Evelyn(1993). Among the Orangutans: The Birute Galdikas Story. Chronicle Books. hlm. 8–9. ISBN 0811804089. https://books.google.com/books?id=DOsIGAljuGsC&pg=PA8&dq=%22Birute+Galdikas%22+lithuanian&hl=en&sa=X&ved=0CEAQ6AEwB2oVChMIupDc0aqpxwIVBBw-Ch31XgDl#v=onepage&q=%22Birute%20Galdikas%22%20lithuanian&f=false. Diakses pada August 14, 2015. 
  6. ^ Gallardo,Evelyn(1993). Among the Orangutans: The Birute Galdikas Story. Chronicle Books. hlm. 9–10. ISBN 0811804089. https://books.google.com/books?id=DOsIGAljuGsC&pg=PA8&dq=%22Birute+Galdikas%22+lithuanian&hl=en&sa=X&ved=0CEAQ6AEwB2oVChMIupDc0aqpxwIVBBw-Ch31XgDl#v=onepage&q=%22Birute%20Galdikas%22%20lithuanian&f=false. Diakses pada August 14, 2015.