Basa asi

Tumatan Wikipidia Banjar, kindai pangatahuan

Basa asi atawa basa rasmi adalah basa nang dipakai dalam kumunikasi rasmi, kaya dalam parundang-undangan wan surat-manyurat dinas, wan diakui sabagai sarana intaraksi nang bahubungan lawan palaksanaan guna sabuting jabatan.[1] Sacara hukum, basa rasmi marupaakan basa nang dibari satatus ligal husus ulih sabuah nagara, nagara palihan, atawa wilayah lawan yurisdiksi tatantu. Basa rasmi rancaknya basa nang dipakai dalam administrasi pamarintahan (tamasuk pangadilan wan parlamin).[2] Marga "maksut iksprisi saikung urang kada kawa diubah ulih hukum apa haja", istilah "basa rasmi" rancaknya kada marujuk ka basa nang dipakai ulih saikung urang atawa sabuah nagara, tagal ulih pamarintahnya.[3][4]

Di samunyaan dunia 178 nagara baisi sadikitnya sabuting basa rasmi wan 101 di antaranya maakui labih matan sabuting basa. Banyak kunstitusi di dunia manyambatakan sabuting atawa labih basa rasmi wan/atawa basa nasiunal.[5][6] Babarapa nagara mamakai panyambatan basa rasmi gasan mambardayaakan masarakat adat lawan mambariakan bubuhannya aksis ka pamarintahan dalam basa asli bubuhannya. Di nagara-nagara nang kada mampurmalakan pamanyambatan basa rasmi, sabuting basa nasiunal de facto rancaknya bakambang. Basa Inggris adalah basa rasmi parancaknya lawan satatusnya diakui di 51 negara. Bahasa Arab, Prancis, wan Spanyol jua diakui luas.

Sabuting basa rasmi nang ju adalah basa pribumi dikiau endoglossic san basa rasmi wan lain basa pribumi dikiau exoglossic.[7] Jadi cuntuh, Nigeria baisi talu basa rasmi endoglossic. Lawan cara ngini, nagara batujuan malindungi basa pribumi, saupama wayah damini nang sama maakui basa Inggris sebagai lingua franca-nya.

  1. ^ "Arti kata bahasa". Kamus Besar Bahasa Indonesia (KBBI) Online. Diakses tanggal 06-06-2016. 
  2. ^ McArthur, Tom (1998). "Official Language". Concise Oxford Companion to the English Language (dalam bahasa bahasa Inggris). Oxford University Press. doi:10.1093/acref/9780192800619.001.0001. ISBN 9780192800619. ((Perlu berlangganan (help)). 
  3. ^ Muñiz-Arguelles, Luis (1986). "The Status of Languages in Puerto Rico" (pdf) (dalam bahasa bahasa Inggris). University of Puerto Rico. hlm. 466. Diakses tanggal 23-11-2012. 
  4. ^ Pueblo v. Tribunal Superior, 92 D.P.R. 596 (1965). Terjemahan diambil dari teks berbahasa Inggris, 92 P.R.R. 580 (1965), hlm. 588-589. Lihat pula LOPEZ-BARALT NEGRON, "Pueblo v. Tribunal Superior: Español: Idioma del proceso judicial", 36 Revista Juridica de la Universidad de Puerto Rico. 396 (1967), dan VIENTOS-GASTON, "Informe del Procurador General sobre el idioma", 36 Rev. Col. Ab. (P.R.) 843 (1975).
  5. ^ "Constitute". The Comparative Constitutions Project (CCP) (dalam bahasa bahasa Inggris). Diakses tanggal 28-03-2016. 
  6. ^ Jacques Leclerc. "L'aménagement linguistique dans le monde: page d'accueil". CEFAN & Université Laval (dalam bahasa bahasa Prancis). Québec. Diakses tanggal 2016-03-28. 
  7. ^ Arti endoglossic Archived 2016-04-10 at the Wayback Machine dan exoglossic Archived 2016-07-18 at the Wayback Machine pada OxfordDictionaries.com.