Baah Kalimantan Selatan 2021

Tumatan Wikipidia Banjar, kindai pangatahuan

Ba'ah Kalimantan Selatan adalah sabuting bancana alam barupa baah nang di'umpati rumbih nang malanda babarapa kabupatin wan kuta di Kalimantan Selatan, antara lain: Kuta Banjarmasin,[1] Kabupatin Tanah Laut,[2] Kabupatin Banjar,[3] Kabupatin Tapin, Kuta Banjarbaru, Kabupatin Hulu Sungai Tengah,[4] Kabupatin Barito Kuala, wan Kabupatin Balangan.[5] Dalamnya banyu bamacam-macam mula matan 50 sintimitir,[6] 2 mitir,[7] sampai 3 mitir.[5] Wilayah Kalimantan Selatan basatatus tanggap darurat banjir matan 14 Januari 2021 sampai 10 Pibuari 2021.[8]

Panyabab[babak | babak asal-mulanya]

Baah diajin disababakan ulih intinsitas curah hujan tinggi wan ma'ulah limpasan sungai nang sudah dimulai matan 9 Januari 2021.[5] Tagal, Diriktur Wahana Lingkungan Hidup Indonesia Kalimantan Selatan, Dwi Cahyono, bapandapat bahua baah dimarga'akan ulih digradasi lingkungan barupa ratusan luang panambangan nang kada diriklamasi wan parak lima puluh parsin matan 3,7 yuta hiktar lahan dikuasa'i bubuhan pausahaan tambang wan kalapa sawit.[3][9]

Dampak wan kurban[babak | babak asal-mulanya]

Data Badan Nasiunal Pananggulangan Bancana (BNPB) mancatat 112.709 warga baugah samantara wan 27.111 rumah tarandam marga baah ngini.[10][11]

Jalan lintas parupinsi jua tarandam maulah aktipitas ikunumi taganggu.[12] Jambatan di Jalan Ahmad Yani pal 55, Mataraman, Banjar, tapagat jua marga ditarajang baah.[13]

Palaksana Tugas Kapala Disa Hantakan, Sri Wanda, malapurakan bahua lima mayat didapat ulih bubuhan warga di Hantakan, Hantakan, Hulu Sungai Tengah.[4]

Hujan nang turun tarus jua maulah tanah rumbih di Tungkaran, Pelaihari, Tanah Laut, wan saikung dinyataakan tatimbun.[14] Saikung balita didapatakan mati imbah tapair baah di Banjarbaru wayah 14 Januari 2021.[15]

Pahualan[babak | babak asal-mulanya]

Warganit Indunisia mahual kurangnya pahabaran midia nasiunal pasal baah. Parisidin Joko Widodo mangirim di midia susial lamun damini Indunisia mahadapi dua bancana alam: tanah rumbih Sumedang 2021 wan lindu Sulawesi Barat 2021, tagal kada manyambatakan pasal baah. Marga ngitu, tagar "#KalselJugaIndonesia" masuk di barisan suhur damini di Twitter sawagai hualan matan kurangnya cakupan pamarintah.[16][17]

Bantuan[babak | babak asal-mulanya]

Pasawat C-130 Hercules ditarabangakan ulih TNI Angkatan Udara malalui Lapangan Tarabang Antarabangsa Halim Perdanakusuma ka Lapangan Tarabang Antarabangsa Syamsudin Noor wayah hari Saptu, 16 Januari 2021, wan jua Pasawat A-1330 matan Skadron Udara 33 gasan manulakakan alutsista wan parsunil. Pasawat A-1327 matan Skadron Udara 31 diumpatakan gasan mambawa parahu karit wan parsunil nang lain.[18]

Hubnur Kalimantan Tangah, Sugianto Sabran, mangaduakan lamun bubuhannya manulakakan Tim Reaksi Cepat Penanggulangan Bencana, sakarilawan, wan mambariakan barang pasanguan, wan dana kapalipitan.[19] Paawakan Nasiunal Pananggulangan Bancana mandatangakan jua Tim Reaksi Cepat wan umpat manyalurakan barang pasanguan.[20]

Bank Rakyat Indonesia (BRI) mandiriakan tinda di babarapa tampat gasan maunjuk bantuan barupa bantuan tanggap darurat.[21] PT Pelabuhan Indonesia III mangirimakan pakit sambaku gasan kikira 350 kapala kulawarga di Teluk Selong, Martapura Barat, Banjar.[22] Perusahaan Listrik Negara (PLN) manyalurakan bantuan sambako kapada bubuhan kurban di Kabupatin Banjar.[23]

Referensi[babak | babak asal-mulanya]

  1. ^ "Banjir di Banjarmasin Kalsel Meluas, Warga Mulai Mengungsi". CNN Indonesia. 15 Januari 2021. Diakses tanggal 15 Januari 2021. 
  2. ^ Adilah, Rifa Yusya (15 Januari 2021). "21.990 Jiwa Terdampak Banjir di Kalimantan Selatan". Merdeka.com. Diakses tanggal 15 Januari 2021. 
  3. ^ a b Saptoyo, Rosy Dewi Arianti (15 Januari 2021). Hardiyanto, Sari, ed. "Banjir Kalsel, Meluasnya Lahan Sawit, dan Masifnya Pertambangan..." Kompas.com. Diakses tanggal 15 Januari 2021. 
  4. ^ a b "Dari Atap Rumah Warga Melihat Korban Melambaikan Tangan Minta Tolong Saat Terseret Banjir". JPNN.com. 16 Januari 2021. Diakses tanggal 16 Januari 2021. 
  5. ^ a b c Idham, Addi M (14 Januari 2021). "Info Banjir Kalsel Terbaru 2021: Penyebab & Daftar Daerah Terendam". Tirto.id. Diakses tanggal 15 Januari 2021. 
  6. ^ "Banjir Kalsel, Netizen Teriak Tolong Bantu Korban". CNN Indonesia. 15 Januari 2021. Diakses tanggal 15 Januari 2021. 
  7. ^ Haryanto, Alexander (14 Januari 2021). "Berita Banjir di Kalsel: Air Capai 2 Meter, Warga Butuh Pertolongan". Tirto.id. Diakses tanggal 15 Januari 2021. 
  8. ^ Raharjo, Dwi Bowo; Aranditio, Stephanus (15 Januari 2021). "Jokowi Ditantang ke Kalsel Lihat Banjir Akibat Investasi Serampangan". Suara.com. Diakses tanggal 16 Januari 2021. 
  9. ^ "Banjir Kalsel, Walhi Ingatkan soal Kerusakan Lingkungan". CNN Indonesia. 16 Januari 2021. Diakses tanggal 16 Januari 2021. 
  10. ^ Kasalahan pangutipan: Tag <ref> tidak sah; tidak ditemukan teks untuk ref bernama republika20210116
  11. ^ Kasalahan pangutipan: Tag <ref> tidak sah; tidak ditemukan teks untuk ref bernama kompas20210116tewas
  12. ^ "Banjir di Kalsel Rendam Jalan Lintas Provinsi". detik.com. 16 Januari 2021. Diakses tanggal 16 Januari 2021. 
  13. ^ "Jembatan di Kalimantan Selatan Putus Diterjang Banjir". Republika. 15 Januari 2021. Diakses tanggal 16 Januari 2021. 
  14. ^ Haswar, Andi Muhammad (15 Januari 2021). "Banjir di Kalsel Juga Sebabkan Longsor, Satu Orang Tertimbun". Kompas.com. Diakses tanggal 16 Januari 2021. 
  15. ^ Haswar, Andi Muhammad (14 Januari 2021). "Bermain Air Saat Banjir, Seorang Balita di Banjarbaru Kalsel Tewas Tenggelam". Kompas.com. Diakses tanggal 16 Januari 2021. 
  16. ^ "Presiden Jokowi Diprotes Netizen, Tagar Kalsel Juga Indonesia Langsung Membahana di Twitter". Banjarmasin Post. 15 Januari 2021. Diakses tanggal 16 Januari 2021. 
  17. ^ "Banjir di Kalsel: Warganet Minta Tolong Lewat Tagar #KalselJugaIndonesia, Tanggap Darurat Ditetapkan". Tribunnews.com. Diakses tanggal 16 Januari 2021. 
  18. ^ Kamil, Irfan (16 Januari 2021). "Kirim Bantuan Logistik untuk Korban Banjir, TNI AU Terbangkan Pesawat ke Kalsel". Kompas.com. Diakses tanggal 16 Januari 2021. 
  19. ^ Muhammad, Hiru (16 Januari 2021). "Pemprov kalteng Bantu Atasi Banjir di Kalsel". Republika. Diakses tanggal 16 Januari 2021. 
  20. ^ "BNPB kerahkan personil TRC untuk mendukung penanganan banjir di Kalimatan Selatan". Kontan.co.id. 16 Januari 2021. Diakses tanggal 17 Januari 2021. 
  21. ^ "BRI Dirikan Posko dan Berikan Bantuan untuk Korban Banjir Kalimantan Selatan". Pikiran Rakyat. 16 Januari 2021. Diakses tanggal 16 Januari 2021. 
  22. ^ "Pelindo III Salurkan Paket Sembako untuk Korban Banjir Kalimantan Selatan". WartaEkonomi.co.id. 16 Januari 2021. Diakses tanggal 16 Januari 2021. 
  23. ^ "Peduli Warga Terdampak Banjir, PLN Salurkan Bantuan Sembako". Radar Banjarmasin. 16 Januari 2021. Diakses tanggal 16 Januari 2021.