Asura
Hari Asura (basa Arab: عَاشُورَاء) ialah salah sabuting hari raya umat Islam. Asura dalam basa Arab artinya sapuluh. Maksutnya, hari kasapuluh dalam pananggalan Islam, yaitu tanggal 10 Muharram[1] di bulan awal almanak Hijriah.[2][3]
Hari Asura ngini takanal karana gasan kalangan Suni wan Syiah jadi hari bakabungnya Husain bin Ali maninggal sacara syahid, cucu matan Nabi Muhammad saw. pas Partampuran Karbala wayah 61 H (680 M)[4][5], tagal Suni mayakini, Nabi Musa as. bapuasa pas wayahitu gasan maungkapakan parasaan himungnya lawan Tuhan karana Bani Israil hudah bibas matan Firaun (Exodus).[6][7] Ujar tradisi Suni, Nabi Muhammad bapuasa pas wayahitu bajumlah dua hari nang batujuan kada manyamai umat Yahudi[8] wan Nasrani, wan maminta urang-urang gasan bapuasaan jua.[9][10][11][12]
Pas wayah pra-Islam (jaman sabalumnya), Asura diparingati sawagai hari raya rismi urang Arab. Wayahitu, urang-urang bapuasaan wan basyukur manyambut Asura. Bubuhannya marayakan hari ngitu lawan hibak sukacita sawagaimana hari Nawruz nang dijadii hari raya di Iran.[13]
Dalam sajarah Arab, hari Asura (nang batapatan 10 Muharram) ngini ialah hari raya basajarah. Pas wayahitu, saban suku maadakan parayaan lawan mamakai baju hanyar wan mahiasi kuta-kuta bubuhannya. Sakalumpuk urang Arab, nang dikanal sawagai kalumpuk Yazidi, marayakan hari raya ngitu sawagai hari sukacita.[13]
Maumpati tradisi umat Islam, Nabi Muhammad manggawi puasa Asura mula'i di Makkah marga puasa Asura hudah jadi amalan masarakat nang ada di sana. Wayah Inya hijrah ka Madinah, Inya maitihi bubuhan Yahudi umpat puasa jua di hari Asura (gasan bubuhan Yahudi, Yom Kippur nang hari kasapuluh jua). Wayahitu, Inya masahakan wan manyariatakannya. Ibnu Hajar Al-Asqalani dalam panyataan inya gasan Sahih Bukhari manyambat, syariat puasa hudah dijadiakan bulan Ramadan satahun imbah ngitu. Damini, umat Islam manggawi puasa wayah 10 Muharram gasan amalan sunah haja wan kada jadi kawajiban.
Asura Suni
[babak | babak asal-mulanya]Sabalum Islam ada, hari Asura hudah jadi hari paringatan nang rancak dirayakan babarapa urang Makkah lawan manggawi puasa. Wayah Nabi Muhammad hijrah ka Madinah, Inya kanal, Yahudi di dairah ngitu bapuasaan pas hari Paskah Yahudi atawa dalam tradisi Yahudi ngitu sawagai hari Yom Kippur.[14] Wayahitu, Nabi Muhammad manyataakan, Muslim kawa bapuasaan wayah hari-hari ngitu.[15]
Hari Asura dirayaakan balain-lain caranya di Indunisia. Di kalangan urang Banjar nang marupakan kabanyakan Muslim Suni di Kalimantan, wan Acéh di dairahnya saurang, hari Asura dirayakan lawan iksprisi kahimungan lawan maulah bubur Asura[16] nang taulah matan baras wan campuran 41 macam bahan nang baasal matan sayuran, gumbili-gumbilian, wan kacang-kacangan.[17][18][19] Bubur Asura ngitu akan disurungakan sawagai hidangan babuka puasa sunah di hari Asura.[20][21][22]
Asura Syi'ah
[babak | babak asal-mulanya]Husain bin Ali Maninggal
[babak | babak asal-mulanya]Pas 10 Muharram 61 H atawa 10 Uktubur 680 M marupakan Hari Partampuran Karbala nang tajadi di Karbala, Irak (wahini). Partampuran ngini tajadi antara pasukan Bani Hasyim nang dipimpin ulih Husain bin Ali nang baanggutakan sakitar 70-an urang malawan pasukan panghianat panduduk Kufah nang dipimpin ulih Umar bin Sa'ad matan parintah Gubarnur Kufah, Ibnu Ziyad.
Pas wayahitu, hampir sabarataan pasukan Husain bin Ali, tamasuk Husain saurang maninggal tabunuh, kacuali bubuhan bibinian, jua anak Husain nang garing bangaran Ali Zainal Abidin bin Husain. Lalu, bubuhannya dibawa ka muha Khalifah Ibnu Ziyad di Damaskus, wan nang salamat dibulikakan ka Madinah.
Paringatan Husain bin Ali Maninggal di Indunisia
[babak | babak asal-mulanya]Tabut marupakan upacara tradisiunal arak-arakan masarakat Bangkulu gasan mangganang tarait kisah kapahlawanan wan cucu Muhammad, Husain bin Ali maninggal. Di Pariaman, Sumatra Barat, upacara tradisiunal ngini dikanal jua lawan istilah Tabuik. Upacara ngini sakalian sawagai bukti sajarah, Syiah hudah lawas masuk ka Indunisia biar pangaruhnya masih balum kuat.
Paristiwa di Asura
[babak | babak asal-mulanya]Hari Asura marupakan paringatan hal-hal nang diparcayai Muslim Suni tajadi wayah 10 Muharram wan banyak kajadian-kajadian panting di dalamnya, di antaranya:[23]
- Hari panambaian Allah manciptaakan alam;
- Hari panambaian Allah manurunakan rahmat;
- Hari panambaian Allah manurunakan hujan;
- Allah manciptaakan Arasy;
- Allah manciptaakan Lauh Mahfuz;
- Allah manciptaakan Malaikat Jibril;
- Nabi Adam as. diciptaakan hari ngitu;
- Diampuni dusa Nabi Adam as. imbah inya batahun-tahun mancatu ampun marga malanggar tangatan Allah;
- Nabi Idris as. diangkat darjahnya ulih Allah wan Malaikat Izrail mambawa sidin ka langit, surga;
- Disalamatakan Nabi Nuh as. wan paumpat inya matan ba'ah ganal salawas anam bulan wan bahtera inya salamat balabuh di puncak Pagunungan Judi[15][24];
- Nabi Ibrahim as. diranakakan di kawasan padalaman wan salamat matan buruan Raja Namrud;
- Nabi Ibrahim as. disalamatakan Allah matan api Raja Namrud;
- Nabi Yusuf as. dibibasakan matan panjara imbah tujuh tahun;
- Nabi Yakub as. hudah wigas picak matanya wayah anak inya, Yusuf bulik wan batamuan di hari ngitu;
- Nabi Ayub as. diwigasakan matan panyakit inya[25];
- Nabi Musa as. hudah disalamatakan matan tantara Fir'aun wan kajadian Laut Habang balah[2][26][27];
- Allah manurunakan kitab Taurat gasan Nabi Musa as;
- Nabi Yunus as. salamat kaluar matan parut iwak paus imbah 40 hari 40 malam;
- Kasalahan Nabi Daud as. diampuni Allah;
- Nabi Sulaiman as. dikaruniaakan Allah karajaan nang ganal wan manguasai bumi;
- Nabi Isa as. diangkat ka langit (surga) wayah diburu ulih tantara Rumawi nang handak manangkap wan manyalib inya;
- Husein bin Ali hudah syahid maraga dibunuh kajam di Karbala ulih tantara khalifah Bani Umaiyyah, yaitu Khalifah Yazid.
Jujuhutan
[babak | babak asal-mulanya]- ↑ "Niat Puasa Asyura dan Tasu'a Beserta Waktu Pelaksanaannya". Bank Mega Syariah. 2024-07-10. Diakses tanggal 2026-03-02.
- 1 2 "Ternyata Ini Keutamaan Hari Asyura - Wakaf Salman". Ternyata Ini Keutamaan Hari Asyura - Wakaf Salman (dalam bahasa Inggris). Diakses tanggal 2026-03-02.
- ↑ "Puasa Asyura 10 Muharram: Tata Cara, Niat, Waktu, dan Keutamaan". BSI Maslahat (dalam bahasa Indonesia). 2023-07-28. Diakses tanggal 2026-03-02.
- ↑ "Majelis Masyayikh | Hari Asyura: Sejarah Umat Islam dan Tradisi Pondok Pesantren Indonesia". www.majelismasyayikh.id. Diakses tanggal 2026-03-02.
- ↑ "Tahun Baru Hijriyah". Muslim Pro. Diakses tanggal 2026-03-02.
- ↑ "Asyura pada tahun 2026 jatuh pada tanggal 25 Juni, Kamis". TrueCalendar (dalam bahasa Indonesia). Diakses tanggal 2026-03-02.
- ↑ Khaeron, Riza Aslam (2025-06-30). "Sejarah Puasa Asyura 10 Muharam, dari Zaman Nabi Musa sampai Rasulullah SAW". Metro TV. Diakses tanggal 2026-03-02.
- ↑ "Keutamaan Puasa 'Asyura – mahadaisyah" (dalam bahasa Inggris). Diakses tanggal 2026-03-02.
- ↑ Sahih Bukhari 1900; Sahih Muslim 1130
- ↑ "The Fast". www.renaissance.com.pk. Diakses tanggal 2026-03-02.
- ↑ "Doa Asyura yang Dianjurkan Dibaca di Hari Penuh Ampunan". baznas.go.id (dalam bahasa Indonesia). Diakses tanggal 2026-03-02.
- ↑ "Asyura: Arti, Sejarah, dan Hikmah Hari Ke-10 Bulan Muharram". baznas.go.id (dalam bahasa Indonesia). Diakses tanggal 2026-03-02.
- 1 2 Ayyatullahi, Sayyid Mehdi (2005). Sayyidina Husain bin Ali bin Abi Thalib. Jakarta: Penerbit Al-Huda. ISBN 979-3515-42-2.
- ↑ Moghul, Haroon (2015-10-21). "Why Muslims celebrate a Jewish holiday | CNN". CNN (dalam bahasa Inggris). Diakses tanggal 2026-03-02.
- 1 2 "Keutamaan dan Sejarah Puasa Asyura". Lembaga Dakwah Islam Indonesia (dalam bahasa Inggris). 2025-06-27. Diakses tanggal 2026-03-02.
- ↑ "Hypeabis - Sejarah & Makna Bubur Asyura, Dihidangkan Tiap 10 Muharam". Hypeabis (dalam bahasa Indonesia). Diakses tanggal 2026-03-02.
- ↑ "Bubur Asyura Masih Mentradisi di Kalsel". suaramerdeka.com. Diarsipkan dari versi asli tanggal 2012-02-13. Diakses tanggal 2026-03-02.
- ↑ "Sejarah Bubur Asyura, Berikut Resep dan Cara Membuatnya". liputan6.com (dalam bahasa Indonesia). 2024-07-16. Diakses tanggal 2026-03-02.
- ↑ "Tradisi Masak Bubur Asyura di Aceh". Sekretariat Majelis Adat Aceh: Pemerintahan Aceh. 2023-07-31. Diakses tanggal 2026-03-02.
- ↑ "Hmmm...Nikmatnya Bubur Asyura". Tribunnews.com. Diakses tanggal 2026-03-02.
- ↑ "Bagikan Bubur Asyura, Mengenang Wafatnya Imam Hussein". liputan6.com (dalam bahasa Indonesia). Diakses tanggal 2026-03-02.
- ↑ "Simpel dan Mudah, Ini Bahan Bubur Asyura dan Cara Membuatnya di Rumah". Rosebrand. Diakses tanggal 2026-03-02.
- ↑ "'Asyura: Hari Kasih Sayang Umat Islam". Al Ashriyyah Nurul Iman Islamic Boarding School (dalam bahasa Indonesia). 2013-10-27. Diakses tanggal 2026-03-02.
- ↑ Zuhdi, M. Hilmi (2025-07-14). "Arti Asyura: Makna Istilah dan Signifikansinya bagi Muslim". BAZNAS Indonesia (dalam bahasa Indonesia). Diakses tanggal 2026-03-02.
- ↑ "Peristiwa 10 Muharram: Sejarah dan Hikmah di Baliknya". baznas.go.id (dalam bahasa Indonesia). Diakses tanggal 2026-03-02.
- ↑ Ridha, Muhammad (2024-07-16). "Meningkatkan Ketakwaan dengan Puasa Tasu'a dan Asyura, Serta Keutamaannya!". Telkom University (dalam bahasa Indonesia). Diakses tanggal 2026-03-02.
- ↑ Anggel, Rada Dhe. "Sejarah Hari Asyura 10 Muharram dan Peristiwa-peristiwa Pentingnya". detiksulsel (dalam bahasa Indonesia). Diakses tanggal 2026-03-02.