Apam Barabai

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

Apam barabai nangini tamasuk wadai nang khas dari barabai nang di diulah dari galapung baras IR42, karana baras janis nang ini nang cucuk gasan bahan pambuatannya jar urang tu baras karau, mun baras lambi kada baik kaina kada mapau kamirannya. salain itu bahan nang digunakan adalah gula habang dari puhun hanau nang masih banyak tumbuh di daerah kabupaten Hulu sungai tangah, selain itu jua ditambah lawan tapai gumbili nang sudah di param (permentasi) lawan ragi. satalah semunya'an bahan nangini dicampur lalu di aduk dan di tampa-tampa supaya bahannya marata tacampur, imbah nangintu di gana'akan samalaman.

setelah kamiran mapau lalu di sumap sampai masak, apam barabai nangini mangguna'akan tuangan daun dadap lawan di ulah tipis tipis, apam nangini tamasuk tahan lawas kada lakas basi lawan rasanya manis nang kaya acil nang maulahnya (bagayaan ja cil lah). apam barabai nangini tamasuk wadai nang mandapat parhatian husus dari pemerintah kabupaten hulu sungai tangah, lawan diulahan pasar nang diberi nama pasar apam. tapi sadikit disayangkan wayah hini kualitas apam barabai kada dijaga, mungkin handak mahimat biaya pambuatannya supaya haraganya kawa murah lawan menggunakan pemanias buatan, tapi malah marusak cita rasanya nang khas.

saat ini apam nang masih asli dapat di tamui (sapangatahuan ulun) di daerah simpang 4 bulau. apamnya kandal-kandal lawan rasanya manis dan gurih. jar urang rasa kada ka barabai mun kada marasai atau mambawa uleh-uleh apam nangini.