Zygomycota

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
?Zygomycota
Sporangium Phycomyces sp.
Sporangium Phycomyces sp.
Klasifikasi ilmiah
Karajaan: Fungi
Divisi: Zygomycota
Moreau 1954 (technically invalid)
Kelas: Zygomycetes
Ordo

Mucoromycotina: Endogonales
Mucorales
Mortierellales

Kickxellomycotina:
Asellariales
Kickxellales
Dimargaritales
Harpellales

Entomophthoromycotina:
Entomophthorales

Zoopagomycotina:
Zoopagales

Zygomycota (disambat zi-go-mi-ko-ta) adalah cendawan nang baisi ciri dengan hifa nang kada bahalat-bahalat (aseptae) haratan kundisi normal/vegetatif. Cendawan ngini baisi sipat coenocytic (selnya bainti banyak) wan kawa mambantuk struktur dorman basipat satumat nang disambat zigospora. Dalam klasifikasi lawas, Zygomycota dimasukakan bagabung wan baimbai Mastigomycota ka dalam kelas Phycomycetes ("jamur ganggang") badasarakan ciri khasnya ngitu, tagal sakalinya kaduanya imbahnya katahuan manampaiakan banyak ciri nang balain, nang kaya andakan bagana wan banyaknya flagel haratan tahap zoospora sahingga diandak sacara tapisah.Zygomycota baisi angguta kurang labih 600 spesies.[1] Sapalih ganal marupakan organisme darat[2] nang bagana di tanah atawa di tumbuhan wan binatang nang mamburuk.[3]Jamur dalam divisi Zygomycota kawa mahasilakan spora.[4]

Babarapa cuntuh jamur nang tarmasuk dalam divisi Zygomycota adalah:

  • Murcer Mucedo ; hidup sabagai saprofit di sisa tumbuhan wan binatang, nangkaya, kotoran hewan wan wadai buruk. Matan miselium diandakan subtratnya cungul banang-banang tagak lawan sporangium di ujungnya. Sporangium ngini baisi spora. Lamunnya sporangium sudah masak, akan pacah sahingga spora akan tasabar kaluar. Spora akan tumbuh manjadi miselium hanyar. Perkembangbiakan sacara seksual dilakukan lawan gametangium.
  • Murcor Javanicus; baisi peran dalam paulahan tapai karana jamur ngini tadapat dalam ragi tapai. Jamur ngini tamasuk makhluk hidup nang baisi daya hagan maubah galapung jadi gula.
  • Rhizopus sp ; nang tadapat di ragi tempe ngini baisi daya hagan mamacah putih hintalu wan lamak. Ulih karana ngitu, inya baisi peran dalam paulahan tempe wan oncom putih. Jamur tempe baisi hifa nang tapakai hagan manyarap makanan matan kacang kedelai. Dalam waktu duwa sampai tiga hari, garumbungan hifa nangitu akan mambungkus kedelai nang imbahnya disambat tempe. Selain pada tempe, jamur ngini jua kawa tumbuh di tempat-tempat nang lembap.[5]

Ciri-ciri[babak | babak asal mulanya]

Anggota kalas ngini kabanyakan badiam di darat wan di dalam tanah atawa lawan bagian tumbuhan wan binatang nang buruk. Parkambangbiakan jamur dalam kelas ngini adalah parkambangbiakan seksual lawan gametangiogami matan duwa hifa nang sasuai saikung surang lawan mahasilakan zigospora, sadangkan perkembangbiakan aseksual dilakukan lawan maulah spora kada berflagel nang barupa sporangiospora atawa konidia. Zygomycota baisi hifa senositik, naitu hifa nang mangandung banyak inti wan kada baisi halangan malintang, jadi hifa babentuk sabuting tabung halus nang mangandung protoplast lawan banyak inti. Nangkaya halnya jamur lain, zygomycota mamproduksi dinding sel nang mangandung zat kitin,buhannya tumbuh sabagai miselia atawa banang-banang nang disambat hifa.Jamur dalam kelas ngini disambat lawan jamur paling tinggi dibandingakan lawan kelas Ascomycota wan Basidiomycota.Jamur dalam kelas ngini jua kawa hidup sabagai saprofit.[5]

Angguta[babak | babak asal mulanya]

  • Rhizopus oligosporus (jamur tempe)
  • Rhizopus oryzae
  • R. stolonifer
  • Mucor mucedo

Referensi[babak | babak asal mulanya]

  1. ^ Ferdinand P, Fictor; Ariebowo, Moekti (2009). Praktis Belajar Biologi untuk kelas X Sekolah Menengah Atas/Madrasah Aliyah (PDF). Jakarta: Pusat Perbukuan Departemen Pendidikan Nasional. hlm. 57. ISBN 978-979-068-824-7. 
  2. ^ Pramono, Shidiq (2009). Biologi Untuk Kelas X SMA dan MA (PDF). Jakarta: Pusat Perbukuan Departemen Pendidikan Nasional. hlm. 72. ISBN 978-979-068-835-3. 
  3. ^ Anshori, Moch; Martono, Joko (2009). Biologi untuk Siswa Sekolah Menengah Atas (SMA) Madrasah Aliyah (MA) Kelas X (PDF). Jakarta: Pusat Perbukuan Departemen Pendidikan Nasional. hlm. 135. ISBN 978-979-068-130-9. 
  4. ^ Kistinnah, Idun; Sri Lestari, Endang (2009). Biologi 1 Makhluk Hidup dan Lingkungannya Untuk SMA/MA Kelas X (PDF). Jakarta: Pusat Perbukuan Departemen Pendidikan Nasional. hlm. 158. ISBN 978-979-068-131-6. 
  5. ^ a b Sulistyorini, Ari (2009). Biologi 1 untuk Sekolah Menengah Atas/Madrasah Aliyah Kelas X (PDF). Jakarta: Pusat Perbukuan Departemen Pendidikan Nasional. hlm. 107–108. ISBN 978-979-068-132-3. 

Pranala luar[babak | babak asal mulanya]

Pustaka tambahan[babak | babak asal mulanya]