Capil ka isi

Urang Malayu

Tumatan Wikipidia Banjar, kindai pangatahuan
Urang Malayu
Suku Melayu
Orang Melayu
اورڠ ملايو
Populasi total
± 27.000.000
Banua lawan jumbelah panduduk nang banyak
 Malaysia 20.749.378 [1]
 Indunisia 8.789.585 [2][3]
 Thailand 5.354.475 [4]
Filipina 2.000.000
Singapura 1.003.449 [5]
 Brunei 501.902 [6]
Bahasa

Malayu, Indunisia, Arab, Inggris

Bubuhan etnis taparak

Banjar, Jawa, Sunda, Minangkabau, Kerinci, Aceh, Dayak

Urang Malayu (bahasa Malayu: Orang Melayu; Jawi: ملايو) marupakan kalompok etnis wan agama Austronesia nang baasal matan Samananjung Malayu, Sumatera timur, pasisir Kalimantan, wan pulau-pulau halus nang baandak di antara lokasi-lokasi ngini nang dipinandui sabagai Nusantara Riau. Basa Malayu marupakan anggota matan rumpun basa Austronesia. Wilayah-wilayah ngini wayah ini marupakan bagian matan nagara-nagara Malaysia, Indunisia (Sumatera timur wan selatan, Kapulauan Bangka Belitung, Kalimantan Barat, Kapulauan Riau, wan pasisir Kalimantan Timur), bagian salatan Thailand (Pattani, Satun, Songkhla, Trang, Krabi, Yala, wan Narathiwat), Singapura, Brunai, wan ujung salatan Myanmar (Tanintharyi).

P. Ramlee

Bahkan, banyak komunitas Minangkabau, Mandailing, wan Dayak nang pindah ka pantai timur Sumatera wan pantai barat Kalimantan, mangaku sabagai urang Malayu. Salain di Nusantara, urang Malayu jua ada di Sri Lanka, Kapulauan Cocos (Keeling) (Cocos Malays), wan Aprika Salatan (Cape Malays).

Pakambangan wan didirian Kasultanan Malaka pas abad ka-15 manyababakan revolusi ganal dalam sajarah bangsa Malayu. Hal ngitu tajadi karana kasultanan ngitu mambawa parubahan nang sangat signifikan pada tata kabudayaan wan kasultanan ngitu mandapatakan kajayaan pada masa ngitu.

Sapanjang sajarahnya, urang-urang Malayu dipinandui sabagai komunitas padagangan pasisir nang baisi ciri-ciri budaya nang baubah.[7][8] Buhannya manyerap, mambagi wan manyampaiakan banyak ciri budaya dari kalompok etnis lokal lainnya, nang kaya Minangkabau wan Aceh.

Etimologi

[babak | babak asal-mulanya]
Urang Malayu Malaka
Lukisan cat banyu Portugis matan urang Malayu di Malaka, sakitar tahun 1540, ditampaiakan dalam Códice Casanatense
Sepasang urang Malayu
Ilustrasi pasangan Malayu, dari Reise nach Batavia, antara tahun 1669 wan 1682
Tari manari joget Malayu
Tari Joget nang baasal matan masa Kasultanan Malaka, banyak aspek budaya Malayu baasal matan wilayah Malaka

Kata Melayu pada mulanya marupakan ngaran tampat (toponim), nang marujuk pada sabuah lokasi di Sumatera. Imbah abad ka-15 istilah Malayu mulai diguna'akan gasan marujuk pada ngaran suku (etnonim).[9]:3

Sastra Sajarah Malayu, mahubungakan asal etimologis "Melayu" lawan sabuah sungai halus bangaran Sungai Malayu di Sumatera, Indunisia. Epos tasalah manyambat bahwa sungai ngini mangalir ka Sungai Musi di Palembang, padahal sabujurnya sungai ngini mangalir ka Sungai Batang Hari di Jambi.[10]:298 Babarapa urang bapandapat bahwa istilah ngitu baasal matan sabuah kata nang baasal matan basa Malayu, yaitu "melaju" nang baasal dari awalan 'me' wan akar kata 'laju', nang manggambarakan kakuatan arus di sungai ngitu.[11]

Candi Muaro Jambi di Jambi, dihubungakan lawan keberadaan karajaan Melayu pra-Islam. Candi-candi biasanya dibangun di tangah-tangah pusat karajaan

Sabagai ngaran tampat (toponim)

[babak | babak asal-mulanya]

Istilah "Malayu" dan palafalan nang sama sajak abad ke-15 adalah sabuah toponim kuno nang umumnya mangacu pada daerah-daerah di selat Malaka.[12]

Tengku Abdu Aziz, Pangeran dari Tarangganu nang mamakai pakaian khas Melayu formal wayah itu (sekitar 1920)
  • Malaya Dwipa, "Malaya Dwipa", kaya nang tacatat dalam bab 48 Bayupurana, wilayah Malaka marupakan sabuah provinsi di laut timur nang sugih banar lawan amas wan perak. Babarapa ahli jua mamasukakan wilayah Sumatera ka dalam istilah ngitu.[13] Tagal, bubuhan ahli dari India parcaya bahua istilah ini hanya marujuk pada samananjung Malayu nang tadiri matan banyak gunung, sadangkan Sumatera labih marujuk pada gambaran di dalam Suvarnadvipa.[14][15][16][17][18]
  • Maleu-kolon – sabuah lokasi di Samananjung Amang, nang tacatat dalam karya Klaudius Ptolemaeus (90–68 M), Geographia mancatat sabuah tanjung di Aurea Chersonesus (Samananjung Malayu) nang bangaran Maleu-kolon, nang diyakini barasal matan Basa Sanskerta, malayakolam atawa malaikurram.[19] [20]
  • Mo-lo-yu – dikisahakan ulih Yijing, saurang biarawan Buddha matan dinasti Tang nang bakunjangan ka Asia tenggara pada tahun 688–695. Manurut Yijing, karajaan "Mo-Lo-Yu" bajarak 15 hari balayar matan Bogha (Palembang), ibu kota Sribhoga (Sriwijaya). Kerajaan ngitu jua jaraknya 15 hari palayaran dari Ka-Cha (Kadah), sahingga kawa dikatahui bahwa kerajaan Mo-Lo-Yu baandak di tangah jarak antara kaduanya.[21] Teori populer mahubungakan ka'ada'an "Mo-Lo-Yu" lawan situs Kuil Muaro Jambi di Sumatera,[22] tagal ka'ada'an Jambi sangat balawanan lawan parnyaraan Yi Jinh nang manyambat bahwa inya ba'andak di tangah-tangah Ka-Cha (Kedah) lawan Bogha (Palembang)". Di antara masa akhir dinasti Yuan (1271–1368) wan masa awal dinasti Ming (1368–1644), kata Ma-La-Yu rancak disambat dalam teks-teks kuno Tiongkok gasan manyambat wilayah nang baandak di laut salatan.

Sabagai ngaran suku (etnonim)

[babak | babak asal-mulanya]

Sastra Malayu Klasik manggambarakan urang Malayu dalam arti nang tahalus daripada interpretasi mudirin. Hikayat Hang Tuah (sakitar tahun 1700, manuskrip sakitar tahun 1849) hanya mangidentifikasi suku Malayu sabagai subyek Kasultanan Malaka; Brunai pada waktu itu kada dianggap sabagai Malayu. Hikayat Patani (sakitar 1876) kada manyabutakan Patani wan Brunai sabagai Malayu, istilah itu hanya digunaakan gasan Johor. Kedah kada tamasuk sabagai suku Malayu dalam Hikayat Kedah/Hikayat Merong Mahawangsa (sakitar 1821). Hikayat Aceh (sakitar 1625, naskah nang ada sakitar 1675) mahubungakan etnis Malayu lawan Johor, tagal kada manyabutakan Aceh atawa Deli sabagai Malayu.[23][24]

Agama

[babak | babak asal-mulanya]
Masigit Sultan Omar Ali Saifuddin di Brunai wayah malam Ramadan. Karajaan nang sugih ngini mangadopsi Melayu Islam Beraja (Monarki Islam Malayu) sabagai filosofi nasional sajak kamardikaannya pada tahun 1984.

Masyarakat Malayu awal sabagian besar animis, percaya akan keberadaan semangat (roh) dalam sagala hal.[25] Sakitar pambukaan era umum, Hinduisme wan Budhisme diperkenalkan ulih padagang Asia Selatan ka Kapulauan Malaya, di mana buhannya bakambang sampai abad ka-13, sabalum datangnya Islam nang dibawa ulih padagang Muslim Arab, Asia Salatan wan Cina.

Pada abad ka-15, Islam matan sekte Sunni ortodoks bakembang di dunia Malayu di bawah Kasultanan Malaka. Bida lawan Hinduisme, nang sacara superfisial maubah masyarakat Malayu awal, Islam kawa disambat sudah sacara pinuh baintegrasi ka dalam kahidupan sahari-hari panduduk.[26] Sajak era ngini, urang-urang Malayu dianggap sabagai kalompok etnis wan agama wan sacara tradisiunal mamiliki identifikasi erat dangan Islam[27] wan mereka kada mangubah agama mereka sajak ngitu.[26] Identitas ngini sangat kuat sampai-sampai dipadahakan bahwa manjadi Muslim adalah masuk Melayu (masuk Malayu).[28]

Namun, kepercayaan awal baisi akar nang labih dalam, buhannya mampartahanakan diri malawan anathema Islam – wan jua mistisisme Sufisme sudah bahubungan antara urang Malayu, lawan roh-roh dunia animistik awal wan babarapa unsur Hinduisme.[29] Imbah tahun 1970-an, kabangkitan Islam (disambat jua re-Islamisasi[30]) di saluruh dunia Muslim, banyak tradisi nang dianggap manyalahi ajaran Islam wan mangandung unsur-unsur syirik ditinggalakan ulih urang Malayu di Malaysia, sadangkan di kalangan urang Malayu di Indunisia, tradisi ngini kada dianggap sabagai takhayul wan mangandung unsur-unsur syirik. Di antara tradisi nginih adalah festival mandi safar (mandi Safar), sebuah festival mandi gasan mancapai kamurnian spiritual, nang kawa dilihat ciri-cirinya mirip lawan babarapa matan Durga Puja di India.[31]

Kabanyakan etnis Malayu modern adalah panganut Islam Sunni[32] wan festival Malayu nang paling panting adalah festival asal Islam — Hari Raya Aidilfitri, Hari Raya Aidiladha, Awal Muharram, wan Maulidur Rasul. Di Malaysia wan Brunai, urang-urang Malayu dianggap murtad apabila bapindah agama matan Islam. Tagal, ada babarapa etnis Malayu nang badiam di luar nagara-nagara ngini jua sudah manarima agama lain sacara legal di bawah hukum.

Arsitéktur

[babak | babak asal-mulanya]
See also: Rumah Malayu
Rūmah tradisional Malayu di Kadah, dihiasi lawan panel ukiran khas dari Samananjung Malayu utara.

Rumah Malayu marujuk pada wadah tinggal urang Malayu, sabuah kalompok etno-linguistik nang bagana di Sumatera, pasisir Kalimantan wan Samananjung Malayu.

Bentuk arsitéktur tradisional, nang kaya atap tropis nang sasuai wan proporsi harmonis lawan elemen dekoratif dianggap masih baisi nilai budaya nang ganal oleh banyak urang di wilayah ngitu. Namun, bangunan-bangunan ngini mamarluakan pangurusan nang signifikan dibandingakan lawan konstruksi modern; nang kaya tantangan dalam malestarikan bahan utamanya, kayu, dari efek marusak cuaca tropis wan jua infestasi rayap. Kaahlian pambangunan tradisional ngini sacara bertahap hilang di Malaysia lantaran kayu alami manjadi langka lantaran deforestasi wan industrialisasi,[33] samantara di Indunisia rumah tradisional nang kaya itu masih batahan di daerah dusun. Walaupun parubahan parkotaan di Singapura sudah mahapus hampir sabarataan lingkungan parkotaan Malayu, babarapa rumah nang manampaiakan arsitektur lokal ini masih batahan, tarutama di pulau Pulau Ubin.

Upaya gasan manyimpan gaya arsitektur asli kapulauan Indunisia sudah dilakuakan malalui dokumentasi wan panciptaan replika di paviliun paropinsi di Taman Mini Indonesia Indah, Jakarta. Pemilik banyak rumah tradisional Malaysia nang masih ada jua menyewa'akan rūmah-rūmah itu gasan studio produksi sabagai wadah pambuatan pélém wan iklan, wan rumah tamu, sabagai sumber pandapatan tambahan.[33]

Basa

[babak | babak asal-mulanya]
Prasasti Kedukan Bukit nang ditulis dalam aksara Pallawa. Baasal matan tahun 683, ngini adalah salah satu artefak tulisan Malayu nang paling tuha nang masih ada.
Artikal utama: Basa Malayu
See also: Tulisan Jawi

Basa Malayu marupakan salah satu basa nang paling tarkanal di dunia, tarutama basa Austronesia. Varian wan dialek Malayu dipakai sabagai basa rasmi di Brunai, Indunisia, Malaysia wan Singapura. Basa ini jua dituturakan di Thailand salatan, Kapulauan Cocos, Pulau Natal, Sri Lanka. Basa ini dituturakan sabagai basa asli ulih sakitar 33 juta urang di saluruh Kapulauan Malayu wan dipakai sabagai basa kadua ulih sakitar 220 juta urang.[34]

Bentuk basa Malayu nang paling tuha baasal matan basa Proto-Malayo-Polinesia nang dituturakan ulih panduduk Austronesia nang paling awal di Asia Tanggara. Bantuk ngini kamudian bakambang manjadi Malayu Lawas pas budaya wan agama India mulai manambus wilayah ngitu. Basa Malayu Kuno baisi babarapa istilah sampai wahini, tapi tatap kada kawa dipahami ulih pamandir mudirin, samantara basa mudirin sudah banyak ta'akui dalam tulisan Malayu Klasik, nang bantuknya paling tuha ba'asal matan tahun 1303 M.[35] Basa Malayu bakambang manjadi Basa Malayu Klasik malalui panambahan kata-kata Arab wan Parsia nang barandak pas Islam datang ka wilayah ngitu, wan baubah sacara signifikan dalam prosesnya. Awalnya, Malayu Klasik marupakan sakalompok dialek nang bamacam-macam, mancarminakan asal-usul karajaan-karajaan Malayu di Asia Tenggara. Salah satu dialek ngini, nang dikambangakan dalam tradisi sastra Kasultanan Malaka pas abad ka-15, akhirnya manjadi dominan.

Era Malaka ditandai lawan parubahan basa Malayu manjadi basa Islam, nang mirip lawan bahasa Arab, Persia, Urdu wan Swahili. Tulisan Arab nang diadaptasi disambat Jawi dipakai gasan manggantiakan tulisan Kawi, istilah-istilah agama wan budaya Islam banyak disamakan, manyingkirakan banyak kata-kata Hindu-Buddha, wan basa Malayu jadi basa media pandidikan wan panyabaran Islam di saluruh wilayah Asia Tenggara. Di puncak kakuasaan Malaka pada abad ka-15, basa Malayu Klasik manyabar diluar dunia panutur[36] basa Malayu tradisiunal wan manyabapakan sabuah lingua franca nang disambat Bahasa Melayu pasar ("Basa Malayu Bazaar") atawa Bahasa Melayu rendah ("Basa Malayu Randah") sabagai balawanan Bahasa Melayu tinggi ("Basa Malayu Tinggi") di Malaka.[37] Umumnya diyakini bahwa Basa Malayu Bazaar marupakan basa pidgin wan pangambangan nang paling panting adalah bahwa bahasa pidgin manjadi kreol, manciptakan babarapa basa hanyar nang kaya Basa Malayu Ambon, Basa Malayu Manado wan Basa Betawi.[38]

Panulis-panulis Irupa abad ka-17 wan ka-18, nang kaya Tavernier, Thomassin wan Werndly manggambarakan Basa Malayu sabagai "basa urang-urang nang balajar di sabarataan India, nang kaya basa Latin di Eropa".[39] Basa ngini jua nang paling banyak diguna'akan salawas era kolonial Inggris wan Walanda di Kapulauan Malayu.[40] Kabalikannya tajadi di Hindia Timur Spanyol, di mana Latinisasi massal kapulauan sapanjang tahun-tahun kolonial manyababakan coup de grâce basa Malayu di Pilipina.

Dialek Kasultanan Johor, panerus langsung matan Malaka, manjadi basa standar di kalangan urang Malayu di Singapura wan Malaysia, wan marupakan dasar asli gasan basa Indunisia standar.[36][41][42][43]

Salain matan basa Malayu standar, nang dikambangakan di dalam lingkup Malaka-Johor, bamacam dialek Malayu lokal ada. Misalnya, urang Bangka, urang Brunai, urang Jambi, urang Kalantan, urang Kadah, urang Nagari Sambilan, urang Palimbang, urang Pattani, urang Sarawak, urang Tarangganu, wan banyak lainnya.

Basa Malayu sacara historis ditulis dalam aksara Pallawa, Kawi wan Rencong. Imbah datangnya Islam, tulisan Jawi nang badasarkan basa Arab diadopsi wan masih diguna'akan sampai wahini sabagai salah satu dari dua aksara rasmi di Brunai wan sabagai aksara alternatif di Malaysia.[44] Mulai abad ka-17, sabagai hasil kolonisasi Inggris wan Walanda, aksara Jawi sacara batahap digantikan ulih tulisan Rumi[45] nang badasarkan Latin nang akhirnya manjadi tulisan moderen rasmi gasan basa Malayu di Malaysia, Singapura, wan Indunisia, wan tulisan ko-resmi di Brunai.

Musik

[babak | babak asal-mulanya]
Artikal utama: Musik Malayu

Musik Malayu adalah sabuting janis musik tradisional nang barasal wan bakambang di pasisir timur Sumatera, Kalimantan, wan Samananjung Malaya.[46] Musik ngini biasanya dinyanyikan ulih urang-urang matan suku bangsa Malayu nang kada jarang diumpati jua lawan tarian khas Malayu satampat misalnya tarian parsembahan dalam pajuangan atawa pesta adat, panambaian tamu kahormatan, wan dalam kagiatan kaagamaan.[47][48]

Sairing lawan pakambangan zaman musik Malayu mangalami kabingungan gaya musik misalnya saja mangalami paduan lawan aliran musik pop, musik rock, wan dangdut. Aliran ngini kawa ditamui di nagara-nagara kaya Malayu, nang kaya Indunisia, Malaysia, Singapura, wan Brunai.

Pada pamulaan parkambangan alat musik nang digunaakan labih didominasi ulih tingkatan rebana nang disambat Kompang matan Ponorogo, petikan gambus, gesekan biola, picitan akordion, tingkatan gong/kanung, wan tiupan sarunai. Hal ngini dipangaruh ulih budaya matan tanah Arab dan Irupa tradisional. Sairing bakambangnya teknologi, bubuhannya digantiakan lawan alat musik elektronik dalam bantuk keyboard.

Dalam kiprahnya aliran ngini sampat populer di era '80an bahkan mamasuki era "puncak kahangatan" di era '90an. Hal ngini ditandai lawan makin banyaknya panyanyi & grup band Malayu, wan pandatang hanyar nang muncul lawan lagu-lagu andalan masing-masing.

Seni pamentasan

[babak | babak asal-mulanya]
Pamentasan Joget Gamelan, 1937

Urang Malayu baisi bamacam-macam musik wan igal nang marupakan gabungan matan pangaruh budaya nang balainan. Genre nang khas mulai matan tarian rakyat tradisional Malayu nang kaya drama Mak Yong sampai tarian Zapin nang bapangaruh Arab. Gerakan koreografi jua bamacam-macam mulai matan langkah-langkah wan lagu-lagu sederhana di Dikir barat sampai gerakan nang rumit di Joget Gamelan.

Musik tradisional Malayu pada dasarnya marupakan musik perkusi. Macam-macam kanung manyadiakan irama gasan banyak tarian. Ada jua drum bamacam-macam ukuran, mulai matan rebana ubi ganal nang dipakai gasan menandai acara-acara penting sampai gendang-rebana kecil (frame drum) nang dipakai gasan mengiringi bacaan vokal dalam upacara kaagamaan.[49]

Sabuting bubuhan dari penari Malayu Siam nang manampailakan Mak Yong (sakitar abad ka-19). Pada tahun 2005, buku ngini mandapat pangakuan sabagai salah satu karya agung warisan lisan wan nang kada talihat umat manusia ulih UNESCO.

Musik Nobat manjadi bagian matan Royal Regalia dari pangadilan Malayu sajak datangnya Islam pada abad ka-12 wan hanya dimainkan dalam upacara pangadilan nang penting. Orkestrenya tamasuk instrumen sakral wan nang dihormati banar nang kaya nehara (drum ketel), babun (drum kepala ganda), nafiri (trumpet), sarunai (oboe), wan kadang-kadang gong berkunci wan sapasang simbal.[50]

Pangaruh India kuat dalam pamainan bayangan tradisional nang dipinandui sabagai Wayang Kulit nang mana kisah-kisah matan epik Hindu; Ramayana & Mahabharata mambantuk repertoar utama. Ada ampat macam teater wayang bayangan nang kawa ditamui di Samananjung Malaya; Wayang Gedek, Wayang Purwa, Wayang Melayu wan Wayang Siam.[51][52][53] Tatapi, seni wan kisah-kisah Wayang Purwa wan Wayang Siam manunjukakan pangaruh wilayah nang bagabung lawan basa Jawa wan Siam masing-masing, samantara Wayang Melayu wan Wayang Gedek mancaritakan bentuk wan gaya Malayu nang labih asli.

Kesenian-kesenian Malayu nang terkenal lainnya adalah; teater Bangsawan, balada cinta Dondang Sayang wan tari Mak Inang matan Kasultanan Malaka, teater Jikey wan Mek Mulung matan Kadah, tari Asyik wan drama tari Menora matan Patani wan Kalantan, tari Ulek mayang wan Rodat matan Tarangganu, teater Boria matan Penang, tari Canggung matan Pirlis, lagu-lagu naratif Mukun matan Brunai wan Sarawak,[54][55] Gending Sriwijaya matan Palembang, tari Serampang Dua Belas matan Serdang.[55] Zapin Api tarian api matan Riau wan Dikir barat Singapura matan Singapura.

Seni visual

[babak | babak asal-mulanya]
Burung Petala Indra, burung mitos raksasa nang diulah gasan parada sunat agung pangeran Kalantan

Ukiran kayu marupakan bagian matan seni visual Malayu klasik. Urang Malayu sacara tradisional manghias monumen, parahu, sanjata, makam, instrumen musik, wan pakakasnya lawan motif flora, kaligrafi, geometri, wan fitur kosmik. Seni ngini diulah lawan cara mahapus kayu lawan mamakai alat-alat nang tajam wan maumpati pola, komposisi wan urutan tartentu. Bentuk sani, nang dipinandui sabagai ukir, disambat sabagai tindakan pangabdian matan para pangrajin kepada pencipta wan hadiah gasan sasama manusia.[56]

Bentuk kesenian ngini tarutama dikaranakan banyaknya kayu di Kapulauan Malayu wan jua karana kaahlian tukang-tukang kayu nang mamungkinakan urang-urang Malayu mapraktekkan ukiran kayu sabagai karajinan. Lingkungan tropis alami di mana flora wan fauna banyak nang mengilhami motif nang digambarakan dalam bentuk abstrak atawa distilasi ka dalam papan kayu. Dengan datangnya Islam, bentuk kaligrafi geometris wan Islam diparkanalakan dalam ukiran kayu. Kayu nang diguna'akan biasanya dari spesies kayu keras tropis nang diketahui tahan lama wan kawa tahan sarangan jamur, kumbang sapatu-sapatu listrik wan rayap.[57]

Rumah atawa masigit tradisional Malayu nang khas pasti dihiasi lawan labih matan 20 bagian nang diukir. Ukiran di dinding wan panel mamungkinakan angin masuk wan kaluar bangunan sacara efektif wan kawa mamungkinakan sinar matahari mancahaya bagian dalam struktur. Pada saat nang sama, bayangan nang dibuang ulih panel jua akan meulah bayangan badasarkan motif nang manambah kaindahan di lantai. Jadi, bagian-bagian nang diukir manjalankan tujuan fungsional wan estetika.

Liat jua

[babak | babak asal-mulanya]

Rujukan

[babak | babak asal-mulanya]
  1. ↑ Economic Planning Unit (Malaysia) 2010
  2. ↑ Badan Pusat Statistika Indonesia 2010
  3. ↑ Figure obtained based on the percentage of Malays in 2000 census and the total Indonesian population in 2010 census
  4. ↑ CIA World Factbook 2012
  5. ↑ CIA World Factbook 2012
  6. ↑ CIA World Factbook 2012
  7. ↑ Milner 2010, hlm. 131.
  8. ↑ Barnard 2004, hlm. 7, 32, 33 & 43.
  9. ↑ Timothy P. Barnard (2004). Contesting Malayness: Malay identity across boundaries. Singapore: Singapore University press. ISBN 9971-69-279-1.
  10. ↑ Reid, Anthony (Uktubir 2001). "Understanding Melayu (Malay) as a Source of Diverse Modern Identities". Journal of Southeast Asian Studies. 32 (3): 295–313.
  11. ↑ Melebek & Moain 2006, hlm. 9–10.
  12. ↑ Barnard 2004, hlm. 3.
  13. ↑ Deka 2007, hlm. 57.
  14. ↑ Pande 2006, hlm. 266.
  15. ↑ Gopal 2000, hlm. 139.
  16. ↑ Ahir 1995, hlm. 612.
  17. ↑ Mukerjee 1984, hlm. 212.
  18. ↑ Sarkar 1970, hlm. 8.
  19. ↑ Gerolamo Emilio Gerini (1974). Researches on Ptolemy's geography of eastern Asia (further India and Indo-Malay archipelago. Munshiram Manoharlal Publishers. hlm. 101. ISBN 81-70690366.
  20. ↑ Gerini 1974, hlm. 101.
  21. ↑ I Ching 2005, hlm. xl–xli.
  22. ↑ Melayu Online 2005.
  23. ↑ Milner, Anthony (2011). The Malays. John Wiley & Sons. hlm. 91–92. ISBN 9781444391664.
  24. ↑ Untuk usia manuskrip, lihat Malay Concordance Project.
  25. ↑ Zaki Ragman 2003, hal. 1–6
  26. 1 2 Syed Husin Ali 2008, hal. 57
  27. ↑ Johns & Lahoud 2005, hlm. 157.
  28. ↑ Andaya & Andaya 1984, hlm. 55.
  29. ↑ Winstedt 1925, hlm. 125.
  30. ↑ Burgat 2003, hlm. 54.
  31. ↑ Bolton & Hutton 2000, hlm. 184.
  32. ↑ "The Malay of Malaysia". Bethany World Prayer Center. Diarsipkan dari versi asli tanggal 10 Uktubir 2012. Diakses tanggal 7 Juli 2026.
  33. 1 2 Hadi Azmi (16 Mai 2026). "Guest houses, film sets: Traditional Malay houses in demand with new lease of life". Letter From... The Straits Times. hlm. B7.
  34. ↑ Wright 2007, hlm. 492.
  35. ↑ Teeuw 1959, hlm. 149.
  36. 1 2 Sneddon 2003, hal. 59
  37. ↑ Sneddon 2003, hlm. 84.
  38. ↑ Sneddon 2003, hlm. 60.
  39. ↑ Sweeney 1987.
  40. ↑ Van der Putten & Cody 2009, hlm. 55.
  41. ↑ Wong 1973, hlm. 126.
  42. ↑ Clyne 1992, hlm. 413.
  43. ↑ Brown & Ogilvie 2009, hlm. 678.
  44. ↑ "Kedah MB defends use of Jawi on signboards". The Star. 2008. Diarsipkan dari versi asli tanggal 29 Uktubir 2012.
  45. ↑ "Malay (Bahasa Melayu / بهاس ملايو)". Omniglot. Diarsipkan dari versi asli tanggal 26 Juni 2019. Diakses tanggal 7 Juli 2026.
  46. ↑ Sahputra, T. W. H., Martarosa, & Warhat, Z. (2019). Musik jazz Melayu dalam kajian kreativitas. Melayu Arts and Performance Journal, 2(2), 191–200.
  47. ↑ Purba, Junaidi; Putri, Sabrina Maulidia; Nelson, Ricky; Silaban, Cahyani Yesika br; Ridho, Muhammad Habibur; Andika, Riki; Sitorus, Christina Harianti; Sa, Maulidha; Dardanila. TRANSFORMATION OF TRADITIONAL ARTS: RESPONDING TO THE CHALLENGES OF THE TIMES. Mawadra Lestari Enterprise. hlm. 62. ISBN 978-629-95611-1-8.
  48. ↑ Asbullah, Habib; Rizkia, Ayu; Batrisya; Julianto, Deldi; Pangestu, Dimas; Rania, Dinda Safira; Miranti, Dwi; Afrillia, Ega; Irianto, Ega Deni. Mengabadikan Riau: Buku I: Antologi Esai Kebudayaan (dalam bahasa Indonesia). Penerbit Pustaka Rumah C1nta. hlm. 95. ISBN 978-623-7961-67-3.
  49. ↑ Moore 1998, hlm. 48.
  50. ↑ Marshall Cavendish 2007, hlm. 1220.
  51. ↑ Srinivasa 2003, hlm. 296.
  52. ↑ Ghulam Sarwar Yousof 1997, hlm. 3.
  53. ↑ Matusky 1993, hlm. 8–11.
  54. ↑ Marzuki bin Haji Mohd Seruddin 2009.
  55. 1 2 Ahmad Salehuddin 2009
  56. ↑ Said 2005.
  57. ↑ Said 2002.
Dijumput matan "https://bjn.wikipedia.org/w/index.php?title=Urang_Malayu&oldid=113389"