Lompat ke isi

Sri Mulyani

Tumatan Wikipidia Banjar, kindai pangatahuan
Sri Mulyani tahun 2010

Sri Mulyani Indrawati, S.E., M.Sc., Ph.D (ranak di Bandar Lampung, Lampung, 26 Agustus 1962; umur sidin 58 tahun wayah ngini)

Sidin adalah bibinian salajur urang Indunisia panambaian nang manjabat jad Diriktur Palaksana Bank Dunia. Jabatan ngini diambannya mulai 1 Juni 2010 sampai sidin dikiau pulang lawan Parisidin Joko Widodo gasan manjabat jadi Menteri Keuangan manggantiakan Bambang Brodjonegoro, sidin manjabat pulang mulai 27 Juli 2016. Sabalumnya, sidin manjabat Menteri Keuangan Kabinet Indonesia Bersatu. Pas sidin jadi Direktur Pelaksana Bank Dunia maka sidin maninggalakan jabatan sidin sabagai mantari kauangan ngitu. Wayah rahatan balum jadi mantari kauangan, sidin manjabat sawagai Mantari Nagara Parancanaan Pambangunan Nasiunal/Kapala Bappenas matan Kabinet Indonesia Bersatu. Sri Mulyani sabalumnya dipinandui sawagai pangamat ikunumi di Indunisia. Sidin manjabat jadi Kapala Lambaga Panyalidikan Ikunumi wan Masarakat Pakultas Ikunumi Universitas Indonesia (LPEM FEUI) matan Juni 1998. Wayah 5 Disimbir 2005, pas Parisidin Susilo Bambang Yudhoyono maumumakan parumbakan kabinet, Sri Mulyani diugahakan jadi Mantari Keuangan manggantiakan Jusuf Anwar. mulai matan tahun 2008, sidin manjabat Palaksana Tugas Mantari Koordinator Bidang Perekonomian, imbah Menko Perekonomian Dr. Boediono dilantik jadi Hubnur Bank Indonesia.