Sarudung
Sarudung adalah samacam kakamban nang manukupi sapalih ganal atawa sapalih atas kapala wan rambut bibinian. Sarudung kawa dipakai marga babagai tujuan, nang kaya gasan dapat kahangatan, gasan kabarasihan, gasan fesyen, atawa jatidiri unik; alasan ka'agamaan, manabunakan lungur, gasan kasantunan, atawa alasan-alasan nang lain.
Janis
[babak | babak asal-mulanya]Sarudung kawa jadi suatu nang bahubungan lawan ka'agamaan. Bibinian Yahudi Ortodoks nang sudah kawin, misalnya, diwajibakan manutupi rambutnya, rancak tuh pakai sarudung nang dipinandui lawan ngaran tiche atawa snood, sasuai lawan aturan tata adab tzniot.
Sarudung bahari dipakai jua ulih bibinian Kerestén nang sudah kawin di Éropa abad partangahan, bahkan dipakai jua ulih bibinian nang balum kawin. Kabiasaan menutupi rambut ngini disambat wimple dalam Bahasa Inggris.
Sarudung wan jilbab paling rancak dipakai ulih bibinian Muslim. Pakaian Islam antara lain burkak, cadar, nikab, dupatta, wan lain-lain. Kata hijab dalam Basa Arab, nang marujuk pada sipat wan pakaian santun, rancak diguna'akan gasan manjalasakan sarudung nang dipakai oléh bibinian Muslim.
Itihi jua
[babak | babak asal-mulanya] |
Wikimedia Commons baisi tumbung pasal Headscarves |