Rumah Panggung Betawi
Rumah Panggung Betawi adalah salah satu janis struktur rumah adat urang Betawi nang lantainya diangkat tumatan tanah, nang alasannya marasukakan kundisi lingkungan di mana rumah ngitu didiriakan.[1][2][3] Pamilihan konsep rumah panggung pada masyarakat Betawi utamanya marga kaadaan alam wilayah itu.[4][5] Rumah Panggung Betawi biasanya dibangun di wilayah pasisir nang berawa wan di dairah aliran sungai.[6] Di wilayah pasisir, panggung diulah cagar mahindari banyu laut pasang, nangkaya pada Rumah si Pitung nang andakannya di Marunda Pulo, Jakarta Utara.[7][8][9] Sadangakan pada dairah aliran sungai pamakaian konsep panggung adalah gasan mahindari banyu sungai nang baah[10] atawa sahibar malanjutakan tradisi buhannya sabagai masyarakat kumunitas sungai.[11] Ada jua hunian Betawi di pinggiran Jakarta nang rumahnya bapanggung marga alasan kaamanan gasan panghuninya, maingat bahari di lingkungan buhannya bakaliaran binatang-binatang pangganggu.[12]
Latar balakang
[babak | babak asal-mulanya]Urang Betawi lahir tumatan akulturasi antar suku nusantara dan mancanegara, nangkaya suku-suku tumatan Jawa, Bali, Makassar, Bugis, Ambon, Sumbawa, Malaka, Tionghoa, Arab, India wan Portugis.[13][14] Bubuhannya mambawa budaya masing-masing, limbah itu mamangaruhi kabudayaan Betawi, mulai matan bahasa, pakaian dairah, kasanian, hingga arsitektur rumah urang Betawi.[15] Hal itu baalasan, maingat kuta Batavia marupakan dairah pasisir nang baisi palabuhan antarabangsa.[16]
Rujukan
[babak | babak asal-mulanya]- ^ Swadarma (2014), hlm. 50 : “. Struktur rumah Betawi kawa dibidaakan manjadi dua janis, yaitu rumah darat wan rumah panggung ...".
- ^ Mustika (2008), hlm. 13-14 : “Masyarakat Betawi sabujurnya bagana di habitat nang baragam, tumatan pasisir hingga padalaman. Bahkan, wayah ini bagana di wilayah urban racap panduduk di tangah kuta Jakarta. Inilah nang manyababakan rumah panggung bukan satu-satunya sistim rumah adatnya. Arsitektur rumah Betawi gin mulai manganal rumah "darat” ...".
- ^ Sardjono (2006), hlm. 24 : “Sacara umum, bantuk panggung diulah lawan maangkat lantai rumah tumatan tanah ...".
- ^ Suwardi (2009), hlm. 14 : “. Arsitektur kada talepas matan kaadaan masyarakat nang manciptaakannya maupun kaadaan lingkungan nang mamangaruhinya ...".
- ^ Swadarma (2014), hlm. 15 : “Sabujurnya pamakaian sulungan pada rumah Betawi kada samata-mata badasarakan pambagian wilayah Betawi pasisir, tangah wan pinggiran haja, tapi labih marga kaadaan alam wilayah itu ...".
- ^ Swadarma (2014), hlm. 50 :"Babida lawan rumah panggung nang struktur bangunannya harus marasukakan lawan kundisi alam di sakitarnya nang parak lawan banyu, baik laut maupun sungai ...".
- ^ Salim (2015), hlm. 397 : “Di wilayah Betawi tahaga rumah adat nang basulung tinggi, nangkaya rumah Si Pitung di Marunda. Atap babantuk bapang, joglo, wan sabagainya ...".
- ^ Swadarma (2014), hlm. 15 : “Rumah Betawi Pasisir umumnya basulung tinggi gasan mahindari air laut pasang...".
- ^ Swadarma (2014), hlm. 16 : “Bila barada di parak aliran sungai, maka rumah Betawi Pinggiran akan basulung randah, tapi kada basulung amun jauh matan sungai ...".
- ^ Swadarma (2014), hlm. 26 : “Hanya fungsinya bukan gasan mambabat tarnak, tapi gasan mahindari banyu sungai nang baah...".
- ^ Swadarma (2014), hlm. 15 : “Jadi fungsi sulungan nang randah itu hanya sahibar malastariakan sisa-sisa budaya rumah sungai itu ...".
- ^ Nur (2016), hlm. 20 : “Alasannya, biasanya adalah alasan kaamanan hutan wan lingkungan nang bahari masih banyak dihuni ulih binatang pangganggu, maulah kaarifan masyarakat tradisional maakalinya lawan bantuk rumah panggung ...".
- ^ Leo, dkk (2019), hlm. 10 : “Urang Betawi asalnya tumatan hasil parkawinan antarsuku wan bangsa pada masa lalu ...".
- ^ Swadarma (2014), hlm. 9 : “Sabagai dairah pasisir nang baisi palabuhan antarabangsa, masyarakat nang bagana di kawasan Batavia bahari banyak baintaraksi lawan padagang matan babagai macam banua, nangkaya Jawa, Makassar, Bugis, Malaka, Tionghoa, Arab, India, wan Portugis. ...".
- ^ Swadarma (2014), hlm. 16 : “Baragamnya suku, baik nang asalnya tumatan kawasan Nusantara maupun mancanegara manyababakan rumah Betawi maninggalakan jajak nang khas sarta hibak lawan pangaruh budaya nang babida-bida ...".
- ^ Swadarma (2014), hlm. 9 : “Sabagai dairah pasisir nang baisi palabuhan antarabangsa, masyarakat nang bagana di kawasan Batavia bahari banyak malakukan interaksi lawan padagang matan babagai macam banua, nangkaya Jawa, Makassar, Bugis, Malaka, Tionghoa, Arab, India, wan Portugis...".
Daptar pustaka
[babak | babak asal-mulanya]Buku
[babak | babak asal-mulanya]- Swadarma, Doni; Aryanto, Yunus (2014). Rumah Etnik Betawi. Jakarta: Griya Kreasi. ISBN 978-979-661-212-3.
- Mustika, Arniz (2008). Adopsi Budaya Pada Arsitektur Betawi. Bandung: PT. Cipta Sastra Salura. ISBN 978-979-17433-2-7.
- Sardjono, Agung Budi (2006). Aneka Desain Rumah Bertingkat. Griya Kreasi. ISBN 9792636080.
Jurnal ilmiah
[babak | babak asal-mulanya]- Alamsyah P., Suwardi (2009). "Arsitektur Tradisional Rumah Betawi". Patanjala. Prodi Desain Interior, Fakultas Seni Rupa dan Desain, Universitas Tarumanagara. 1 (1). doi:10.30959/patanjala.v1i1.225. Diarsipkan dari versi asli tanggal 2023-09-27. Diakses tanggal 2019-05-11.
- Nur, Desiana (2016). "Analisis Filsafat Seni Filosofi Rumah Tradisional Masyarakat Bekasi Atau Melayu Betawi Sebagai Artefak Seni Yang Dihasilkan Oleh Pola Pikir Adat Dan Budaya Masyarakatnya" (PDF). Jurnal Teknologi. 5 (2). ISSN 2088-3315.