Rumah Bubungan Lima

Rumah Bubungan Lima adalah rumah adat has parupinsi Bengkulu, tamasuk janis rumah panggung. Bubungan Lima sabujurnya dijanak pada hatap matan rumah panggung ngitu. Salain Bubungan Lima, rumah panggung has Bengkulu ngini baisi tawas hatap nang lain, kaya bubungan limas, bubungan haji, atawa bubungan jambatan. Rumah Bubungan Lima lawan jua janis rumah adat nang lainnya di Bengkulu marupaakan rumah nang baguna husus, yaitu digunaakan gasan acara ranakan, manyambut tamu, bakawinan, atawa kamatian. Rumah Bubungan Lima adalah salah sabuting purwarupa rumah nang tahan baah. Hal ngini manampaiakan nilai-nilai kaaripan lukal di masarakat Bengkulu.

Bahan tatambaian nang digunaakan adalah kayu medang kemuning atawa surian balam nang lambut, tagal tahan lawas. Lantainya diulah matan papan, hatapnya diulah matan haduk hanau atawa sirap. Samantara di palataran, ada tangga gasan naik-turun rumah nang jumlahnya ganjil (kaitannya lawan nilai adat).

Rumah Bubungan Lima pada umumnya ada babarapa palihan, yaitu atas, tangah, wan bawah.

Palihan Atas

1. Hatap, diulah matan haduk hanau, paring, atawa sing nang tadiri matan babarapa macam
2. Lalangitan, diulah matan papan atawa palupuh
3. Pera, yaitu baluk-baluk nang palihan atas nang mahubungakan tihang-tihang palihan atas
4. Kap, yaitu karangka gasan marikitakan kasau
5. Ring gasan marikitakan hatap
6. Kasau, gasan marikitakan ring
7. Listplang, suyuk, penyunting.

Palihan Tangah

1. Kusen, gasan karangka lawang lawan lalungkang
2. Lawang, rancakny batawas ram
3. Lalyngkang, rancaknya batawas ram
4. Tawing, diulah matan papan atawa palupuh
5. Luang angin. Rancaknya ada di atas lawang lawan lalungkang nang diulah macam-macam hias
6. Tihang panjuru
7. Tihang panjuru palataran
8. Tihang tangah
9. Panggar, baluk nang bahalang sapanjangan tawing.

Palihan Bawah

1. Lantai, diulah matan papan, paring, atawa palupuh
2. Galadak, diulah matan papan nang libar 50 cm, dipasang sapanjangan tawing luar di atas baluk
3. Kijing, adalah tutukup baluk pinggir nang panjang ka muka
4. Talian, baluk nang sadang nang gunanya gasan wadah marikitakan lantai
5. Blandar, panahan talian
6. Bedu, balok nang andakannya di atas gasan wadah maandak ril
7. Palupuh kamar guring, sajajar lawan papan lantai (di atas bidai)
8. Lapik tihang, kuda-kuda tihang rumah
9. Tangga muhara lawan tangga balakang.