Puki

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Anatomi Puki

Puki[1] atawa bahasa halusnya Adapan(BK)[1]/Hadapan[1] atawa Vagina atawa kalantit (tumatan basa Latin nang makna literalnya "palindung" atawa "selongsong") adalah saluran babantuk tabung nang mahubungakan uterus ka bagian luar awak di mamalia wan marsupilia bini, atawa ka kloaka di burung bink, monotrem, wan sapalihan macam reptil. Sarangga wan sapalihan invertebrata gin ba'isi puki/vagina, nang marupakan bagian pahabisan matan oviduct. Puki/vagina marupakan alat reproduksi di mamalia bini, nangkaya halnya butuh di mamalia laki.

Balain lawan mamalia laki nang biasanya baisi sabuting lubang hadapan wara, mamalia bini biasanya baisi dua buting lubang hadapan, yaitu, uretra wan vagina. Lubang vagina jauh taganal pada lubang uretra, wan kadua lubang dilindungi ulih saturuktur kulit panutup nang disambat labia.[2][3] Di amfibi, burung, reptil, wan monotremata, sacara umum saluran riperoduksi hiwan bini ulih buhan ahli zoologi disambat lawan ngaran kloaka; di mana pada sapisies-sapisies ngitu pinanya tadapat fungsi tambahan yaitu sabagai saluran usus wan saluran pangamihan.

Tikstur dinding vagina kawa maulah gisikan pada butuh haratan basakian wan marangsang tajadinya ejakulasi, nang mamungkinakan tajadinya pembuahan.[4] Bamacam infeksi nang ditularakan sacara seksual wan gangguan nang lain kawa mampengaruhi puki.[5][6] Maraga risiko panularan panyakit-panyakit ngitu, lambaga kasihatan nang kaya Organisasi Kesehatan Dunia (WHO) atawa badan-badan kasihatan nang lainnya rancak manyaranakan paraktik seks nang aman.[5][7]

Satruktur

Satruktur umum

Puki baasal matam pangambangan duktus Muller di embrio.[8] Puki manusia marupakan sabuting saluran otot nang maumat nang mamanjang mata gulu rahim sampai ka vulva.[9] Warna puki lawan bagian dalam vulva adalah habang jambu kahabangan, wan vagina mahubungakan vulva supervisial lawan gulu rahim (serviks) matan uterus di subalah dalam. Puki, nang baandak di balakang (posterior) uretra wan kandung kamih, sacara superior mancapai perineum wan sacara posterior manuju gulu rahim; gulu rahim wan vagina tahubung malalui sudut nang babelok, yaitu sakitar 90 darajat.[10]

Lapisan internal vagina tadiri matan epitel skuamosa berlapis.[11] Di bawah lapisan ngini adalah lapisan otot polos, nang kawa maulah puki kontraksi salawas basakian wan haratan baranak. Di bawah otot adalah lapisan jaringan ikat nang disambat adventitia.[12]

Ukuran vagina manusia

Maskipun ukuran puki bamacam-macam di wadah binian, tapi ukuran panjangnya bakisar matan 6 sampai 7,5 cm (2,5 - 3 inchi) maliputi dinding anterior, wan 9 cm (3,5 inchi) gasan panjang nang maliputi dinding posterior.[13] Haratan rangsangan seksual, ukuran panjang wan lkbar vagina pacangan banaim.[14] Kaunyatan puki kawa mangganii parosis dalam hubungan seksual, wan lain pada itu mangganii haratan proses baranak.

Catatan Batis

  1. ^ a b c Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006
  2. ^ Clinical pediatric urology: A. Barry Belman, Lowell R. King, Stephen Alan Kramer (2002)
  3. ^ Kinetics, Human (15 May 2009). Health and Wellness for Life. Human Kinetics 10%. hlm. 221. ISBN 978-0-7360-6850-5. Diakses tanggal 30 July 2013. 
  4. ^ David B. Jacoby, R. M. Youngson (2004). Encyclopedia of Family Health. Marshall Cavendish. hlm. 964. ISBN 0761474862. Diakses tanggal April 25, 2014. 
  5. ^ a b Dianne Hales (2008). An Invitation to Health Brief 2010-2011. Cengage Learning. hlm. 269–271. ISBN 0495391921. Diakses tanggal August 29, 2013. 
  6. ^ William Alexander, Helaine Bader, Judith H. LaRosa (2011). New Dimensions in Women's Health. Jones & Bartlett Publishers. hlm. 211. ISBN 1449683754. Diakses tanggal August 29, 2013. 
  7. ^ "Global strategy for the prevention and control of sexually transmitted infections: 2006–2015. Breaking the chain of transmission" (PDF). World Health Organization. 2007. Diakses tanggal November 26, 2011. 
  8. ^ Cai Y (2009). "Revisiting old vaginal topics: conversion of the Müllerian vagina and origin of the "sinus" vagina". Int J Dev Biol 2009; 53:925-34. 53 (7): 925–34. 
  9. ^ Snell, Richard S. (2004). Clinical Anatomy: An Illustrated Review with Questions and Explanations. Lippincott Williams & Wilkins. hlm. 98. ISBN 978-0-7817-4316-7. Diakses tanggal 19 February 2014. 
  10. ^ Mulhall, John P. (2011). John P. Mulhall, Luca Incrocci, Irwin Goldstein, Ray Rosen, ed. Cancer and Sexual Health. Springer. hlm. 13–22. ISBN 1-60761-915-6. Diakses tanggal February 21, 2014. 
  11. ^ Wylie, Linda (2005). Essential Anatomy and Physiology in Maternity Care. Elsevier Health Sciences. hlm. 157–158. ISBN 0-443-10041-1. Diakses tanggal 19 February 2014. 
  12. ^ Young, B, ed. (2006). Wheater's Functional Histology: A Text and Colour Atlas (edisi ke-5th). Elsevier. hlm. 377. ISBN 978-0443068508. 
  13. ^ Gray's Anatomy
  14. ^ "The sexual response cycle". EngenderHealth. Diakses tanggal 2007-10-13.