Patih Masih
| Riwayat | |
|---|---|
| Alkah | Alkah Sultan Suriansyah |
Agama (id)  | Islam |
| Gawian | |
| Gawian |
Pejabat pemerintahan (id) |
 | |
Patih Masih adalah sa'urang mantri/mangkubumi sawayah Sultan Suryanullah. Patih (mhy: patis) adalah sambatan gasan kapala kampung, wayahini disambat pambakal. Patih Masih adalah kapala kampung Banjarmasih. Patih Masih lawan ampat patih marajakan Raden Samudra. Pamulaannya Patih Masih manjadi mangkubumi, limabah nitu Aria Taranggana nang dijadikan mangkubuminya Sultan Suryanullah, maka Patih Masih diturunkan pangkatnya manjadi deputi mangkubumi (mantri pangiwa), wan ampat patih lainnya dijadikan jaksa yaitu Patih Balit, Patih Kuwin, Patih Balitung, Patih Muhur. Tugas panting Patih Masih di wayah tatambayan Pangeran Samudra dijadikan raja, sidin jadi cucuk perang (panglima perang) malawan Pangeran Tumanggung, raja Nagara Daha.
Katarangan Hikayat Banjar
[babak | babak asal-mulanya]Barikut ini adalah kutipan matan Hikayat Banjar nang ada manyambat ngaran sidin:
Sudah itu - banyak tiada tarsebut - alkisah maka tarsebut parkataan Raden Samudra itu barang tampatnya diam: adakalanya diam di Sarapat, adakalanya diam di Balandean, adakalanya diam di Sungai Muhur, adakalanya diam di Tamban, adakalanya diam di Kuwin, adakalanya diam di Banjar, adakalanya diam di Sungai Balitung. Salamanya zaman Maharaja Mangkubumi manjadi raja sampai kapada zaman Pangeran Tumanggung manjadi raja masih disuruh cari itu, handak dibunuh ulih Pangeran Tuamanggung itu. Tetapi tiada dapat. Ada bartamu, nang disuruh itu tiada pinandu, sangkanya lain itu. Maka Raden Samudra itu tahu ia manyamarkan dirinya, tahu ia marandahkan dirinya. Jaka baroleh malunta, mana nang tua-tua di kampung itu dibarinya. Maka itu nang mambari baras; ada nang mambari tapih, ada nang mambari kain, ada nang mambari buntil. Sagala nang malihat itu kasih dan sayang. Maka Raden Samudra itu sudah taruna ada nang handak mangambil minantu tetapi Raden Samudra itu tiada mau baristeri. Hatta barapa lamanya Raden Samudra nang manyamarkan dirinya itu maka tarsebut Patih Masih nang urang basarnya di Banjar itu. Maka barnama Banjarmasih karana nama urang basarnya di Banjar itu nama Patih Masih itu.