Papaian pahinakan

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Sabuting gambar nang manjalasakan cara mancagah pajangkitan panyakit malalui papaian pahinakan di tampat layanan kawigasan. Gambar ngini dimaksutakan gasan dipasang di luar ruangan pagaring nang maharit panyakit manjangkit nang kawa manyabar malalui papaian pahinakan.[1]

Papaian pahinakan (basa Inggris: respiratory droplet) adalah papaian cacahar atawa lihir nang dikulihakan ulih sistim pahinakan. Janis papaian ngini adalah midia pajangkitan virus matan urang garing ka urang wigas. Sumbar papaian babibit matan muntung wan hidung. Papaian tajadi wayah sasaurang rahatan bapandir, batuk atawa wahin. Papaian kawa mancapai satu sampai dua mitir wan kawa tahirup ulih urang lain nang ada di paraknya.[2] Papaian pahinakan kawa jua dikaluarakan salawas pagaring mangalami runtutan pahiutan cacahar wan jua bronkoskopi.[3] Ukuran papaian pahinakan nang ganal baisi diamitir kikira antara 1–5 μm wan wastu kawa batahan salawas babarapa jam sampai babarapa hari imbah dikulihakan.[4]

Papaian pahinakan kawa dikulihakan sacara ulahan malalui tata cara kadukturan nang mangulihakan aerosol, malalui jamban simbur, atawa gawian rumah tangga lainnya. Papaian pahinakan babida matan inti butir halus (basa Inggris: droplet nuclei), nang ukurannya tahalus matan 5 μm wan kawa tatap malayang di udara gasan pariuda waktu nang laqas. Inti butir halus kawa jadi parantara gasan panyakit nang dijangkitakan malalui udara.

Bagantung lawan runtutan pambantukannya, papaian pahinakan mungkin jua manian uyah, sel, jamur, kuman, wan partikel virus.[5] Tampat asal papaian pahinakan kawa mampangaruhi isinya. Kaadaan kawigasan sasaurang mampangaruhi jua tianan nang ada di papaian pahinakan.[6]

Jujuhutan[babak | babak asal mulanya]

  1. ^ "Transmission-Based Precautions". U.S. Centers for Disease Control and Prevention (dalam bahasa Inggris). 2016-01-07. Diakses tanggal 2020-03-31. 
  2. ^ Sutaryo, dkk. (2020). Buku Praktis Penyakit Virus Corona 19 (Covid-19). Sleman: Gadjah Mada University Press. hlm. 7–8. ISBN 978-602-386-871-1. 
  3. ^ Akib, dkk. (2008). Pedoman Pencegahan dan Pengendalian Infeksi di Rumah Sakit dan Fasilitas Pelayanan Kesehatan lainnya (PDF). Jakarta: Departemen Kesehatan Republik Indonesia. hlm. B–3. ISBN 979-9254-08-6. 
  4. ^ Irwan (2017). Epidemiologi Penyakit Menular (PDF). Bantul: CV. Absolute Media. hlm. 88. ISBN 978-602-1083-64-2. 
  5. ^ Atkinson, James; Chartier, Yves; Pessoa-Silva, Carmen Lúcia; Jensen, Paul; Li, Yuguo; Seto, Wing-Hong (2009). Respiratory droplets (dalam bahasa Inggris). World Health Organization. 
  6. ^ Gralton, Jan; Tovey, Euan; McLaws, Mary-Louise; Rawlinson, William D. (2011-1). "The role of particle size in aerosolised pathogen transmission: A review". The Journal of Infection. 62 (1): 1–13. doi:10.1016/j.jinf.2010.11.010. ISSN 0163-4453. PMC 7112663alt=Dapat diakses gratis. PMID 21094184.