Pantai Takisung
Pantai Takisung adalah pantai yang andakannya di Desa Takisung, Kecamatan Takisung,Kabupaten Tanah Laut, Pruvinsi Kalimantan Selatan. Pantai ngini jauhnya sakitaran 22 Kilometer dari Kuta Pelaihari (Ibu kuta Tanah Laut), lawan sakitaran 87 kilometer dari Kuta Banjarmasin. Wisata Pantai Takisung ialah salah sabuting tempat wisata andalan gasan Kabupaten Tanah Laut. Pantai Takisung beisi sarana lawan prasarana nang ada di situ antara lain: jalannya baaspal pas handak menuju kasananya, ada wc umum jua, kamar mandi ada jua, andakan tempat parkiran, di pasarnya ada urang bejualan iwak lawan babuahan, ada urang bejualan makanan, minuman, bajualan cendera mata, panggung ada jua, tempat mehadang bis, pos polisi, ada tempat gasan betaduh jua, warung makan atau yang rancak di sambat tu rest0ran lawan jua tempat gasan bamainan
wisata Pantai Takisung nih baisi luas tempatnya tu sakitaran 0,65 ha jua baisi batas panjangnya 85 meter lawan lebar 80 meter mulai dari pinggiran pantai. Kawasan pantai Takisung tamasuk tipologi pantai berpasir.
Pasilitas[babak | babak asal-mulanya]
Pangalulaan ubjek wisata Pantai Takisung nih salain mandapatkan parhatian ulih Pamarintah, masyarakat jua umpat mendangani dalam mangalula ubjek wisata Pantai Takisung nih, lawan manyadiakan macam-macam pasilitas gasan di sewakan jua lawan wisatawan yang baelang ka pantai. Ada macam-macam pasilitas yang tasadia antara lain:
- Speed buat
- Banana buat (Parahu pisang)
- Mutur ATV
- Payung pantai
- Parahu karet
- Tenda-tenda
- Warung makan lawan minuman
Pariwisata[babak | babak asal-mulanya]
Lokawisata Pantai Takisung sangat tarkanal lawan sangat rami di kunjungi babuhan masyarakat Kalimantan Selatan, tarutama babuhan Tanah Laut, Banjarmasin, Banjarbaru dan sakitarnya. Kabaradaan Pantai Takisung nih ialah destinasi wisata yang ada pas acara-acara tatantu ja nangkaya tahun baru, sasudah lebaran atawa jua liburan sekolah rancak manjadi tujuan barwisata. Walau jua Pantai Takisung nih andakannya di Laut Jawa, tatapi umbaknya tu kada ganal nang kaya di pantai selatan pulau Jawa. Sahingga aman gasan wisata atawa manjadi pamukiman.[1]
Jujuhutan[babak | babak asal-mulanya]
- ^ "Pantai Takisung, Objek Wisata Populer di Kalimantan Selatan - Wisata Kalimantan". web.archive.org. 2018-03-04. Archived from the original on 2018-03-04. Diakses tanggal 2023-09-10.