Pamaksinan Covid-19 di Indunisia
Pamaksinan Covid-19 di Indunisia adalah parugram nang digawi ulih pamarintah Indunisia dalam mangurangi panyabaran panyakit koronavirus marga pandemi Covid-19 nang tajadi mula 2020. Matan 269,5 juta ikung masarakat Indunisia wayah 2019, pamarintah manyasarakan parugram pamaksinan cagar tuntung wayah 2021 lawan jumlah urang nang cagar dipaksin mancapai labih matan 75 parsin panggana atawa kikira 208 juta ikung. Jumlah ngitu baraitan lawan sarat nang musti dihandaki gasan manciptaakan herd immunity atawa kataguhan garumbung.[1]
Sampai 2 Agustus 2021, jumlah urang Indunisia nang sudah dipaksin gasan takaran (dosis) panambaian hanyar mancapai 47.847.179 urang atawa 22,97 parsin matan sabarataan panggana Indunisia. Matan jumlah ngitu, hanyar 21.071.096 urang atawa 10,12 parsin nang sudah dipaksin sabanyak dua kali.[2]
Janis paksin[babak | babak asal-mulanya]
Gasan manyuksisakan parugram pamaksinan Covid-19, pamarintah Indunisia mamadahakan gasan mamakai 7 janis paksin babida. Hal ngitu ditatapakan badasarakan Keputusan Menteri Kesehatan Nomor HK.01.07/Menkes/12758/2020. Paksin SinoVac (Coronavac) matan Tiongkok jadi janis paksin panambaian nang dipakai. Samantara paksin lainnya adalah paksin ulahan PT Bio Farma, Sinopharm, Novavax, Pfizer-BioNTech, Oxford-AstraZeneca, wan Moderna.[3][4]
| Paksin | Pasatujuan | Pamakaian | Parugram pamaksinan |
|---|---|---|---|
| Sinovac |  Ya
|
Ya
|
Parugram pamarintah[5] |
| AstraZeneca | Ya
|
Ya
|
Parugram pamarintah[5] |
| Sinopharm | Ya
|
Ya
|
Gotong royong[6] |
| Moderna | Ya
|
Ya
|
Gotong royong[6] wan booster tanaga kawigasan[7] |
| Pfizer–BioNTech | Ya
|
 Kada
|
Parugram pamarintah[5] |
| Novavax | Balum diputusakan | Kada
|
Parugram pamarintah[5] |
| Sputnik V | Balum diputusakan | Kada
|
N/A |
| CanSino | Balum diputusakan | Kada
|
Parugram pamarintah[6] |
Pahualan[babak | babak asal-mulanya]
Sawagai salah saikung tukuh awam nang mandapatakan paksin, Raffi Ahmad mandapat pahualan marga wayah malamnya imbah pamaksinan, inya mandatangi sabuah aruh kadada mahatiakan parutukul kawigasan. Bubuhan istana imbah ngitu manangati tindakannya. Kaisukan harinya, Raffi mancatu maap wan bajanji gasan labih disiplin lagi dalam manarapakan parutukul kawigasan.[8]
Jujuhutan[babak | babak asal-mulanya]
- ^ Farisa, Fitria Chusna (13 Juli 2021). "Pemerintah Tingkatkan Target Minimal Vaksinasi Jadi 208 Juta Penduduk". Kompas.com (dalam bahasa Indonesia). Diakses tanggal 2021-07-14.
- ^ "Update perkembangan vaksinasi COVID-19 di Indonesia, per tanggal 2 Agustus 2021 pukul 18.00 WIB". Twitter Kementerian Kesehatan Republik Indonesia (dalam bahasa Indonesia). 2 Agustus 2021. Diakses tanggal 2021-08-03.
- ^ Ratriani, Virdita (2021-01-11). "Inilah 7 vaksin Covid-19 yang akan digunakan di Indonesia". Kontan (dalam bahasa Indonesia). Diakses tanggal 2021-03-14.
- ^ Anwar, Firdaus (26 Januari 2021). "Update 5 Jenis Vaksin COVID-19 dan Harganya di Indonesia". detikHealth (dalam bahasa Indonesia). Diakses tanggal 2021-03-14.
- ^ a b c d Bona, M.F. "Vaksinasi Covid-19 Program Pemerintah Hanya Gunakan Tiga Jenis Vaksin". beritasatu.com (dalam bahasa Indonesia). Diakses tanggal 2021-08-03.
- ^ a b c Azizah, N. (2021-06-16). "Ini Jenis Vaksin yang Dipakai untuk Vaksinasi Gotong Royong". mediaindonesia.com (dalam bahasa Indonesia). Diakses tanggal 2021-08-03.
- ^ "Terkait Booster Moderna, Menkes: Prioritaskan Nakes karena Merekalah Tentara Kita". KOMPAS.tv (dalam bahasa Indonesia). Diakses tanggal 2021-08-03.
- ^ Nugraheny, Dian Erika (2021-01-15). "Kelalaian Raffi Ahmad Setelah Disuntik Vaksin Covid-19 yang Berujung Teguran Istana Halaman all". KOMPAS.com (dalam bahasa Indonesia). Diakses tanggal 2021-03-14.