One Direction

Tumatan Wikipidia Banjar, kindai pangatahuan
One Direction
One Direction batampai di Glasgow dalam On the Road Again Tour, Uktubir 2015. Matan kiwa ka kanan: Louis Tomlinson, Niall Horan, Liam Payne, wan Harry Styles
Latar balakang
AsalLondon, Inggris
Genre
Tahun aktif2010–2016
Label
Artis taraitFinalis The X Factor 2010
Situs webonedirectionmusic.com
Mantan angguta

One Direction adalah grup panyanyi lalakian matan Inggris-Irlandia nang tatawas di London matan tahun 2010. Grup ngini ba'anggutaakan Niall Horan, Liam Payne, Harry Styles, wan Louis Tomlinson. One Direction dikuntrak ulih Syco Records, labal rakaman ampun Simon Cowell, imbah jadi juara katiga dalam turai pancarian bakat The X Factor musim ka-7 matan tahun 2010.[2] Imbah bajaya di Inggris, One Direction dikuntrak ulih labal rakaman matan Amirika Utara, Columbia Records, matan tahun 2011.[3]

Matan bulan Nupimbir 2011, One Direction mangaluarakan album panambaian bubuhannya nang bajudul "Up All Night". Album ngitu manjadi album lawan panjualan pahancapnya matan tahun 2011 di Inggris.[4] Matan tahun nang sama, di Amirika Sarikat, album bubuhannya bajaya jua ba'andak di pusisi pa'atasan Billboard 200. "Up All Night" manguasai sapuluh ganal UK Singles Chart lawan singgal panambaian "What Makes You Beautiful". Liwat singgal ngini, One Direction bahasil mamanangakan Best British Single (singgal Britania Raya pambaiknya) di turai BRIT Awards tahun 2012.[5] One Direction bajaya jua manjual singgal ngitu sacara digital lawan tutal unduhan sabanyak 2.060.303. Album kadua bubuhannya nang bajudul "Take Me Home" dirilis matan tanggal 12 Nupimbir 2012.[6] Samantara ngitu, tur dunia One Direction di'adaakan matan tahun 2013. Tur ngini dimulai matan kuta-kuta di Inggris wan Irlandia imbahnya dilanjutakan ka nagara-nagara di Amirika Utara wan Australia.[7]

Diambil Matan[babak | babak asal-mulanya]

  1. ^ "AllMusic - One Direction". 
  2. ^ Lee, Cara (15 December 2010). "Simon Cowell snaps up Cher, Rebecca and One Direction | The Sun |Showbiz|TV|X Factor". The Sun. London. Diakses tanggal 2011-08-23. 
  3. ^ "One Direction sign US record deal with Adele label Columbia – Music News". Digital Spy. 22 November 2011. Diakses tanggal 2012-01-14. 
  4. ^ "One Direction Thank Fans For 'Up All Night' Chart Success". Capital FM. 28 November 2011. Diakses tanggal 14 January 2012. 
  5. ^ One Direction Win Best British Single At BRIT Awards 2012 Capital FM. Retrieved 15 March 2012
  6. ^ Album One Direction Rilis Nuvimbir ngini (Kapanlagi.com)
  7. ^ "One Direction sell out Aussie concerts planned 18 months from now – Dallas News". myFOXdfw.com. 2012-04-28. Diakses tanggal 2012-06-11.