Musium Rakyat Hulu Sungai Selatan
Musium Rakyat Hulu Sungai Selatan marupakan wadah gasan manyimpani kuleksi banda besejarah di sakitar Hulu Sungai Selatan. Museum ngini baalamat di Jalan Jenderal Sudirman, Kandangan, HSS, Kalimantan Selatan.[1] Musium Rakyat HSS dibuka lima hari kerja matan Senayan sampai Jumahat. Buka matan jam 07.30 sampai 13.30. Akhir pekan atawa tanggal habang tutup. Gasan mendatangi ke musium ngini, kada perlu bayar apa-apa alias garatis.[2]
Musium ngini baraitan wan pajuangan rakyat HSS melawani panjajah Ulanda. Musium ngini jua manyimpan paninggalan Brigjend H Hasan Basry, salah sabuting pahlawan nasional matan Kabupatin HSS nang suah jadi Gubernur Tentara ALRI Divisi IV Kalimantan. 2 buting kapal tarabang nang ujar nang meharagu musiumnya marupakan roket paninggalan TNI AU, diandak di halaman musium. Kada cuman manyimpani kuleksi banda bersejarah, musium ngini jua manyimpan barang budaya Banjar.[3]
Peresmian
[babak | babak asal-mulanya]Berdasarkan sajarahnya, Gedung ngini nang jadi musium wahini dipakai jadi Gedung Juang Tentara ALRI Divisi IV Pertahanan Kalimantan. Sekaligus jadi salah sabuting kantor Divisi TNI Angkatan Laut matan 15 Agustus 1996. Tapi, imbah proses paalihan aset ke pemerintah daerah, tanggal 31 Disimbir 2015 Pemerintah Kabupatin HSS dirasmiakan jadi Musium Rakyat. Peresmian tersebut dilakukan oleh Bupati dan Wakil Bupati Kabupaten Hulu Sungai Selatan, Bapak H. Achmad Fikry dan Bapak H. Ardiansyah. Sub Koordinator Cagar Budaya, Permusiuman, wan Sejarah Dinas Pendidikan wan Kebudayaan HSS, Samlani bekisah, Museum Rakyat dibangun gasan meingatakan perjuangan rakyat wan Pasukan ALRI Divisi IV Pertahanan Kalimantan.[4]
Di ruang tangah, ada etalase nang manyimpani kuleksi banda-banda nang jadi bukti sejarah perjuangan H Hasan Basry wan masyarakat Hulu Sungai merabuti kemerdekaan di Kalimantan Selatan. Koleksi ngitu antara lain aneka senjata perang, nangkaya lading ,samurai, parang sampai senapan laras panjang nang dipakai pahlawan nasional ngitu.
Adalagi kuleksi perlengkapan angkatan laut, foto-foto dokumentasi gawian wan lokasi bersejarah perjuangan H Hasan Basry. Pengunjung kawa jua meliati piring melamin, guci wan alat masak matan Cina wan Walanda.
Di lantai 2 menyimpani alat gasan bahuma zaman bahari. Ada jua alat menangkap iwak tradisional, poster ganal nang ada pemandangan banyu rawa wan kalang Hadangan. Lengkap wan gambar urang nang begana di rawa wan jua alat angkut jukung. Di ruangan lain, ada alat musik khas Banjar wan Khas Dayak, alat bemainan tradisional Banjar sampai sepeda ontel ada jua.
Bahan Itihan
[babak | babak asal-mulanya]- ^ "KalselPedia : Museum Rakyat HSS, Simpan Benda Bersejarah Pahlawan Nasional Brigjend H Hasan Basry". Banjarmasinpost.co.id (dalam bahasa Indonesia). Diakses tanggal 2023-10-15.
- ^ Fitriawan, M Randi (22 April 2019). "Museum Rakyat HSS Jadi Wadah Edukasi". Apahabar Banjarmasin. Diakses tanggal 2023-10-15.
- ^ "KalselPedia : Museum Rakyat HSS, Simpan Benda Bersejarah Pahlawan Nasional Brigjend H Hasan Basry". Banjarmasinpost.co.id (dalam bahasa Indonesia). Diakses tanggal 2023-10-15.
- ^ Arief (2023-03-03). "Museum untuk Mengenang Jasa Jenderal". Radar Banjarmasin (dalam bahasa Indonesia). Diakses tanggal 2023-10-15.