Muhammad Noor
,_p105.jpg) | |||
| Riwayat | |||
|---|---|---|---|
| Kalahiran |
Martapura (id)  | ||
| Kamatian |
15 Januari 1979 (77 tahun (id) ) Jakarta | ||
| Alkah | Kubah Sultan Adam Al-Watsiq Billah | ||
1956 – 1959 | |||
| Data pribadi (id) | |||
| Agama (id) | Islam | ||
| Pandidikan |
Institut Teknologi Bandung (id) | ||
| Gawian | |||
| Gawian |
Pegawai negeri sipil (id) wan hobnor | ||
|
Pangharagaan
| |||
 | |||
Ir. H. Pangeran Muhammad Noor diranakakan tanggal 24 Juni 1901 wan habis umur 15 Januari 1979 adalah bakas Mantri Pakarjaan Umum wan Hubnur Kalimantan wayah tahun 1945. Sidin adalah intah (cucu matan cucu) Raja Banjar Sultan Adam al-Watsiq Billah.
Imbah lulus matan HIS tahun 1917, sidin menarusakan ka janjang MULO wan lulus tahun 1921. Imbah itu sidin lulus matan HBS tahun 1923, matan 1923 sidin masuk Technische Hoogeschool te Bandoeng (THS) - sakulah Teknik tinggi di Bandung. Tahun 1927, sidin lulus wan mandapat galar insinyur.
Rahatan tahun 1935-1939, sidin manggantiakan kuitan laki sidin sagan manjadi wakil Kalimantan dalam Volksraad waktu pamarintahan Hindia Walanda sampai digantiakan ulih Mr. Tadjudin Noor. Sidin jua kawa manyatuakan bubuhan pajuang kamardikaan di Kalimantan dalam kalumpuk nang dibari ngaran Divisi IV ALRI Pertahanan Kalimantan nang dipimpin ulih Hassan Basry (1945-1949).
Matan 24 Maret 1956 - 10 Juli 1959, sidin diminta Prisidin Soekarno jadi Menteri Pekerjaan Umum. Rahatan manjabat, sidin merencanakan proyek, nang kaya Waduk Riam Kanan di Kalimantan Selatan wan Proyek Waduk Karangkates di Jawa Timur. Sidin jua mamulai Proyek Pasang Surut di Kalimantan wan Sumatra. Sidin menggagas Proyek Pangambangan Wilayah Sungai Barito nang dibagi 2 hagian, yaitu PLTA Rima kanan wan Pengarukan Muara/Ambang Sungai Barito nang digawi akhir tahun 1970.
Sidin dapat Anugerah Tanda Kehormatan Bintang Mahaputra Utama maraga jasa wan pengabdian sidin tahun 1973.
Tanggal 8 Nupimbir 2018, Pemerintah Ripublik Indunisia lewat Parisidin Joko Widodo mambari galar Pahlawan Nasiunal wan mangaluarakan Keppres No.123/TK/Tahun 2018, pasal Pambarian Galar Pahlawan Nasional.[1]
Sejarah
[babak | babak asal-mulanya]Tantara Sakutu datang begana di Kalimantan sakira kawa mambibasakan tahanan parang wan meambili paksa sanjata tantara Japang. Buhannya datang ka Kalimantan mulai matan handak Paruklamasi Kamardikaan Ripublik Indunisia, yakni bulan Juli 1945 di Kalimantan Timur wan bulan Agustus 1945 di Kalimantan Barat. Di Kalimantan Salatan, Sakutu datang 17 Siptimbir 1945. Datangnya Sakutu ngini , katia bubuhan tantara KNIL baumpatan lawan bubuhan tantara Sakutu.[2]
Imbah Paruklamasi Kamardikaan, kaadaan Kalimantan Salatan kada tapi manantu maraga habar nang kada tahu bujur kadanya imbah radiu banyak dirusaki bubuhan tantara Japang. Maraga ngitu, Pangiran Muhammad Noor mambarii macam-macam kabijakan sagan rakyat Kalimantan di Ripublik Indunisia, yakni manyatuakan barataan pajuang mulai matan Kalimantan samapi di luar banua wan.manyiapakan urganisasi nang kawa mandukung pamarintah Provinsi Kalimantan.[2]
Kantor Perwakilan Yogyakarta
[babak | babak asal-mulanya]Pangeran Muhammad Noor ialah salah sabuting pajuang nang mandapatakan kamardikaan di tanah Borneo, sakaligus Gubernur Borneo (sabalum diulah jadi babarapa provinsi) panambaian di Yogyakarta pas masa pamarintahan Sukarno. Gasan manjalankan tugas. Gubernur Pangeran Muhammad Noor mambuka Kantor Perwakilan Gubernur Kalimantan nang panambaian di Yogyakarta (Jalan Lapangan 2).[3]
Meninggal
[babak | babak asal-mulanya]
Pangiran Muhammad Noor habis umur tanggal 15 Januari 1979 dikubur di TPU Karet Bivak, Jakarta dihiga makam bini sidin, Gusti Aminah binti Gusti Mohamad Abi. Pada tahun 2010 janajahnya wan bini sidin dibawa bulik ka banuanya di Martapura marga ulih kaputusan kulawarga pangiran. Tanggal 18 Juni 2010 janajah Pangiran Muhammad Noor wan Gusti Aminah dipatak di Kubah Sultan Adam, Martapura mamakai acara katantaraan.[4][5][6][7] Ngarannya jua dipakai sagan mangarani Waduk di Riam Kanan, Kabupatin Banjar, yaitu "Waduk Ir. H. Pangeran Muhammad Noor".
Jujuhutan
[babak | babak asal-mulanya]- ^ Jordan, Ray. "Jokowi Anugerahi Gelar Pahlawan Nasional ke 6 Tokoh". detiknews (dalam bahasa Indonesia). Diarsipkan dari versi asli tanggal 2023-04-08. Diakses tanggal 2023-11-20.
- ^ a b Evita, Andi Lili (2017). Gubernur Pertama Di Indonesia. Jakarta: Direktorat Sejarah, Direktorat Jenderal Kebudayaan, Kementerian Pendidikan dan Kebudayaan. hlm. 177. ISBN 9786021289723.
- ^ Suriani (2015). Pasukan MN 1001/MTKI. Banjarbaru: PT Grafika Wangi.
- ^ Satu Liang dengan Makam Istri
- ^ Makam Gubernur PM Noor Pindah
- ^ PM Noor Dimakamkan Dekat Raja Banjar[permanent dead link]
- ^ Mengikuti Prosesi Pemindahan Makam PM. Noor di Martapura