Merayu Sukma

Merayu Sukma, ngaran asli sidin Mohamad Sulaiman Hasan (1914 - 11 Marit 1951), adalah saikung panulis Indunisia, wan banyak manulis drama. Sidin ganal di kampung halaman, Banjarmasin, Kalimantan Selatan. Sidin kada bapandidikan tinggi, tagal barakat sumangat balajar nang tinggi wan kasabaran nang babujuran harat, sidin kawa jadi panulis nang pintar lagi harat. Sidin rancak mancitak babarapa majalah umun nang kaya Pelita Masyarakat, bujur usaha sidin kada rancak bahasil jua.

Merayu Sukma banyak manulis drama, apalagi wayah kapandudukan Jepang tahun 1942-1945. Wayah itu, karya-karya pina mambahas banyak propaganda pamarintah malitir Jepang nang bausaha mambawai bubuhan panduduk Indonesia mangganii dalam parang, malawani Amerika wan Inggris di Perang Dunia II. Karya sastra dijadiakan alat propaganda nang ta-pas, apalagi drama, marga masyarakat kawa langsung manarima pasan-pasan wan mancuntuh napa nang saharusnya digawi wayah parang nitu. Bubuhan saniman imbahnya dikumpulakan ulih Kantor Dinas Propaganda (Sedenbu) gasan bagawi dalam lapangan kasanian masing-masing gasan mambari sumangat Rakyat Indonesia.

Merayu Sukma maninggal 11 Marit 1951 di umur 37 tahun.