Masigit Raya Teluk Bayur

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

Masigit Raya Teluk Bayur atawa dikanal jua sabagai Surau Ateh adalah salah sabuting masigit panuwastu di Indunisia nang baandak di kawasan bandar Teluk Bayur, Kacamatan Padang Salatan, Kuta Padang, Sumatera Barat. Walau masigit nang sabalumnya wastu barupa surau ngini tacatat hudah badiri tumatan tahun 1600, tagal bangunan nang badiri di andakan masa ngini wastur baandak pada masa panjajahan Walanda.

Di masa ngini, salain digunaakan gasan kagiatan ibadah umat Islam, masigit nang baisi sabuting lantai ngini digunaakan jua sabagai wadah pandidikan agama wan pesantren kilat gasan palajar.

Sajarah[babak | babak asal mulanya]

Manurut Abdul Baqir Zein dalam bukunya nang bajudul Masigit-masigit Bersejarah di Indonesia, masigit ngini hudah badiri tumatan tahun 1600 tagal magunai barupa surau nang andakannya kada di andakan masigit ngini badiri damini. Surau nangitu didiriakan ulih saurang saudagar matan Arab bangaran Abdullah, nang dikatahui wafat marga dibunuh limbah taumpat dalam parlawanan kapada Kompeni nang pacang manguasai kawasan Teluk Bayur pada tahun 1696.

Masigit nang badiri masa ngini didiriakan manyusul dilakukannya palumbahan kawasan Teluk Bayur manjadi bandar ulih pamarintah Hindia-Walanda pada tahun 1888. Di wayah itu, sabarataan kagiatan pardagangan wan transportasi laut balangsung di bandar itu, tamasuk pambarangkatan bubuhan calun haji nang pacang manunaikan ibadah haji limbah sabalumnya maumpati kagiatan manasik di Masigit Raya Ganting. Marga andakannya nang baparakan lawan bandar Teluk Bayur, masigit ngini, nang di wayah itu jua magunai barupa surau, manjadi labih rami matan biasanya sawayah musim haji marga dipadati banyak urang nang pacang malapasakan bubuhan calun haji.

Di panambaiannya, bantuk masigit ngini diulah sadarhana, lawan tawing babahan kayu bahatap daun pua. Pada tahun 1911, hagan panambayannya digawiakan pamugaran, salah sabutingnya panggantian tawing lawan batu karang manggunaakan semen nang didatangkan matan pabrik semen di kawasan Indarung.

Sumbar[babak | babak asal mulanya]

  • Zein, Abdul Baqir (1999). Masjid-masjid Bersejarah di Indonesia. Jakarta: Gema Insani. ISBN 979-561-567-X.