Mamanda
Mamanda adalah seni teater atawa pamantasan tradisional nang ba'asal dari Kalimantan Selatan. Dibanding akan lawan seni pementasan nang lain, Mamanda ngini labih mirip lawan Lenong mun dilihati dari segi hubungan nang tajalin antara pamain wan panuntun. Interaksi ngini maulah panuntun manjadi aktif manyampaiakan kumintar-kumintar lucu nang kawa disambat maulah suasana manjadi labih hidup.
Nang maulah lain, Kesenian lenong damini labih maumpati jaman katimbang Mamanda nang kakaya ngitu haja maumpati jalan kisah karajaan. Sabab pada kasanian Mamanda tokoh-tokoh nang dimainkan adalah tokoh nang kada kawa diubah nangkaya Raja, Pardana Mantri, Mangkubumi, Wajir, Panglima Perang, Harapan Pamulaan, Harapan katalu, Khadam (Badut/ajudan), Parmaisuri dan Sandut (Puteri).[1]
Sajarah
[babak | babak asal-mulanya]Asalnya Mamanda adalah kasanian Badamuluk nang dibawa rumbungan Abdoel Moeloek dari Malaka tahun 1897. Dahulunya di Kalimantan Selatan bangaran Komedi Indra Bangsawan. Tatamunya kesenian lokal di Banjar wan Komedi Indra Bangsawan manimbulakan bantuk kasanian hanyar nang dingarani Ba Abdoel Moeloek atawa nang labih dikanal dangan Badamuluk. Kesenian ngini sampai wayah ini labih dikanal lawan sambatan mamanda.[1]
Aliran wan nilai budaya
[babak | babak asal-mulanya]Mamanda baisi talu aliran. Nang pamulaan adalah Aliran Batang Banyu nang hidup di pasisir sungai daerah Hulu Sungai yaitu di Margasari. Rancak jua disambat Mamanda Periuk. Katalu adalah Aliran Tubau nang bamula tahun 1937 M. Aliran ngini hidup di daerah Tubau, Rantau. Rancak dimainakan di daerah daratan. Aliran ini disambat jua Mamanda Batubau. Aliran ngini nang berkembang di Tanah Banjar.
Partunjukkan Mamanda baisi nilai budaya Yaitu partunjukkan Mamanda disamping sabagai acara hiburan, bafungsi jua gasan media pandidikan bagi urang Banjar. Kesah nang dikesahakan baik kaya kisah sajarah kahidupan, cuntuh taladan nang baik, karitik susial atau sindiran nang basifat mambangun, dimukratis, wan nilai-nilai budaya urang Banjar.[1]
Parkambangan Mamanda wayah ini
[babak | babak asal-mulanya]Wayah ini Mamanda mulai diparkanalkan pulang supaya kada punah, kesenian asli kalimantan selatan ngini wahini ditampilakan di taman budaya wan acara-acara pamarintahan kalimantan selatan.[2] Bahkan, wahini ada jua sanggar seni di Kalimantan Selatan nang ma'ajarakan kasanian mamanda ngini di sanggarnya.[3]
Referensi
[babak | babak asal-mulanya]- ^ a b c "Mamanda, Seni Pementasan Pulau Kalimantan : viva borneo. Informatif, Santun, Tak Terbatas". Diakses tanggal 2020-02-10.[permanent dead link]
- ^ "Dibanding Balamut, Bagandut dan Bapandung, Nasib 'Lenong Rumpi' Asli Banjar Ini Lebih Beruntung". Banjarmasin Post (dalam bahasa Indonesia). Diakses tanggal 2020-02-10.
- ^ "Terancam Punah, Sanggar Bina Banua Pendamai Ingin Lestarikan Mamanda dan Balamut". Banjarmasin Post (dalam bahasa Indonesia). Diakses tanggal 2020-02-10.