Laskar Pelangi

Tumatan Wikipidia Banjar, kindai pangatahuan
Laskar Pelangi
Panulis Andrea Hirata
Negara Indunisia
Bahasa Indunisia
Genre Roman
Penerbit Bentang Pustaka (Yogyakarta)
Tanggal terbit 2005
Halaman xiv, 529 tungkaran
ISBN ISBN 979-3062-79-7

Laskar Pelangi adalah nupil panambaian ulahan Andrea Hirata nang dicungulakan ulih Bentang Pustaka wayah tahun 2005. Nupil ngini bakisah masalah kahidupan 10 kakanakan matan kulawarga miskin nang sakulah (SD wan SMP) di sabuag sakulahan Muhammadiyah di Belitung nang hibak lawan katabatasan. Bubuhannya adalah:

  1. Ikal alias Andrea Hirata
  2. Lintang; Lintang Samudra Basara bin Syahbani Maulana Basara
  3. Sahara; N.A. Sahara Aulia Fadillah binti K.A. Muslim Ramdhani Fadillah
  4. Mahar; Mahar Ahlan bin Jumadi Ahlan bin Zubair bin Awam
  5. A Kiong (Chau Chin Kiong); Muhammad Jundullah Gufron Nur Zaman
  6. Syahdan; Syahdan Noor Aziz bin Syahari Noor Aziz
  7. Kucai; Mukharam Kucai Khairani
  8. Borek alias Samson
  9. Trapani; Trapani Ihsan Jamari bin Zainuddin Ilham Jamari
  10. Harun; Harun Ardhli Ramadan bin Syamsul Hazana Ramadan

Bubuhannya basakulah wan balajar di kalas nang sama matan kalas 1 SD sampai kalas 3 SMP, wan manyambat bubuhan saurang sabagai Laskar Pelangi. Di palihan-palihan pahabisan kisah, angguta Laskar Pelangi batambah saikung kakanakan bibinian nang bangaran Flo, saikung murit pindahan. Katabatasan nang ada kada maulah bubuhannya pagat harapan, tagal maulah bubuhannya tapacu gasan maulah sasabuting nang tabaik.

Laskar Pelangi adalah buku panambaian matan Tetralogi Laskar Pelangi. Buku imbahnya adalah Sang Pemimpi, Edensor wan Maryamah Karpov. Buku ngini tacatat jadi buku sastra Indunisia palarisnya sapanjang sajarah.

Kisah ngini tajadi di kampung Gantung, Belitung Timur. Dimulai pas sakulah Muhammadiyah taancam dibubarakan ulih Depdikbud Sumsel amun kada mancapai siswa hanyar sabanyak 10 urang. Wayah ngitu hanyar takumpul 9 kakanakan nang mahadiri upacara pambukaan, tagal pas Pak Harfan, kapala sakulah, handak bapidatu manukup sakulah, Harun wan umanya datang gasan mandaptarakan diri ka sakulah halus ngitu.

Pilim adaptasi[babak | babak asal-mulanya]

Artikal utama: Laskar Pelangi (pilim)

Naskah Laskar Pelangi diadaptasi jadi sabuting pilim tahun 2008 nang judulnya sama lawan bukunya, Laskar Pelangi. Pilim Laskar Pelangi diulah ulih Miles Films wan Mizan Production, wan digarap ulih sutradara Riri Riza. Skinariu adaptasi ditulis ulih Salman Aristo digani'i ulih Riri Riza wan Mira Lesmana. Maumpat Andrea Hirata, lawan diadaptasinya Laskar Pelangi manjadi sabuting pilim, pasan-pasan nang tatian di bukunya diharapakan kawa labih maurak ka urang banyak.

Pilim ngini hibak lawan nuansa lukal Pulau Belitung, mulai pamakaian dialik Belitong sampai aktur-aktur nang jadi angguta Laskar Pelangi jua adalah kakanakan asli Belitong. Lukasi suting jua di Pulau Belitong nang biaya paruduksinya parak Rp8 Miliar.

Drama Musikal[babak | babak asal-mulanya]

Di bulan Pibruari 2011, hagian naya ditampilakan vérsi drama musikal nang balangsung di Taman Ismail Marzuki, Jakarta, Indonésia.

Sarial Tivi[babak | babak asal-mulanya]

Di vérsi sarialnya, kisah nang disajiakan labih kaya marga mamunculakan hagian-hagian dalam novél nang kada sawat tagarap di pélém layar libarnya. Walau sahikit balain lawan vérsi layar libarnya, tagal sarial naya tatap mampartahanakan hagian-hagian panting wan monuméntal dalam pélém wan novélnya. Tayang saban hari mulai tanggal 26 Disimbir 2011 di SCTV, lawan 15 épisode.

Itihi Jua[babak | babak asal-mulanya]

Ngaran panarbit wan negara nang manerbitakan Laskar Pelangi[babak | babak asal-mulanya]

  1. Amerika Serikat (Penerbit :Farrar, Straus and Giroux)
  2. Australia (Penerbit :Random House, Australia)
  3. New Zealand (Penerbit :Random House, Australia)
  4. India (Penerbit :Penguin)
  5. Pakistan (Penerbit :Penguin)
  6. Bangladesh (Penerbit :Penguin)
  7. Sri Lanka (Penerbit :Penguin)
  8. Nepal (Penerbit :Penguin)
  9. Jepang (Penerbit :Sunmark Publisher)
  10. Jerman (Penerbit : Hanser-Berlin)
  11. Belanda (Penerbit :Atlas- Contact)
  12. Spanyol (Penerbit :Temas de Hoy)
  13. Italia (Penerbit :Rizzoli)
  14. Turkey (Penerbit: Butik Yayinlari)
  15. Brasil (Penerbit :Editora Sextante)
  16. Korea (Penerbit : Theory and Praxis Publishing Co)
  17. Malaysia (Penerbit : PTS Malaysia)
  18. China (Penerbit :Yilin Press)
  19. Taiwan (Penerbit :Solo Press)
  20. Vietnam (Penerbit :Nha Nam Publishing)
  21. Portuguese (Publisher: Presenca),
  22. Hungary (Publisher: Geopen),
  23. Indonesia (Publisher: Bentang Pustaka)
  24. Spain (Publisher: Ediciones Planeta, Madrid),

Lihati jua[babak | babak asal-mulanya]

Tautan luar[babak | babak asal-mulanya]