Lalakian
Lalakian/Lelakian atawa (lakian,laki-laki atawa lalaki) adalah salah satu janis kalamin nang ada pada manusia, janis kalamin nang sabutingnya lagi adalah bibinian.
Lamun di dalam basa Inggris, ada bida antara istilah lalakian nang sudah akil balig (sudah bujang) lawan lalakian nang masih kakanakan. Kakanakan lakian dikiaw lawan istilah boy (bjn:bui), mun nang sudah ganal wan liwat akil balig dikiaw man (bjn:min). Tagal mun di Bahasa Banjar atawa Bahasa Indonésia kadada parbidaan kaya ini.
Ciri-ciri kalamin sékundér
[babak | babak asal-mulanya]
Manusia manunjukakan parbidaan bantuk awak antara lakian lawan binian nang kadada hubungan langsung lawan kamampuan bakambang-biak, tagal kabanyakan ciri-ciri ini ada hubungannya lawan sarana daya tarik séksual.
Ada kecenderungan awak lakian labih ganal atawa labih tinggi panjang daripada awak bibinian. Tagal ini kada kawa dipupuh-rata. Ada jua lalakian nang héndép, wan bibinian gin ada jua nang pancaw.
Di bawah ini ada setabul ciri-ciri sékundér manusia lalakian, nang didapatakan wayah kakanakan lalakian ma'alami akil balig atawa jua kawa jua didapat imbah inya tuha:
- Labih banyak rambut nang tumbuh di sakitar alat kalamin lawan katiak
- Labih banyak rambut nang tumbuh di muha
- Tangan wan batis nang labih ganal daripada ampun bibinian
- Bahu wan dada nang labih lumbah
- Massa otot nang labih ganal
- Jakun nang labih mancungul wan suara nang labih garaw
- Tulang karing nang labih panjang
Sistim kambang-biak
[babak | babak asal-mulanya]
Organ kalamin lalakian adalah palih sistim kambang-biak, nang tadiri matan pénis (butuh), téstis (biji pelér), vas déferens (saluran spérma), wan kelenjar prostat. Fungsi sistim kambang-biak lalakian adalah gasan mahasilakan banyu mani nang mambawa spérma wan informasi génetik nang kawa basatu lawan ovum (hintalu) nang ada di dalam awak bibinian. Spérma masuk rahim bibinian imbah itu tuba fallopi mambuahi hintalu nang kaéna barkambang jadi janin ataw anak, sistim kambang-biak lalakian imbah itu kada baisi peran panting lagi salawas masa batianan. Kajian soal kambang-biak lalakian wan organ nang bahubungan disambat andrologi.