Kuta Ghotam (Batman)
Kota Gotham (/ˈɡɒθəm/ GOTH-əm), atawa disambat Gotham haja, adalah kuta fiksi nang cungul dalam buku komik Amerika nang ditarbitakan ulih DC Comics, liwar dipinandui lawan rumah Batman. Kuta ngini panambayan di diidentifikasi sawagai wadah badiam di Batman #4 (Disimbir 1940) wan mulai matan ngitu jadi latar kisah utama nang manampaiakan karakter nang ngitu.
Kuta Gotham sacara tradisiunal digambarakan baandak di nagara dahal New Jersey, parak lawanMetropolis. Salawas batahun-tahun, tatampaian wan suasan Gotham hudah dipangaruhi ulih kuta-kuta nang kaya Kota New York wan Chicago.[1][2]
Di dalam DC Extended Universe, film Suicide Squad
maungkapakan Kuta Gotham baandak di New Jersey.[3][4] Andakan nang dipakai sawagai inspirasi atawa andakan syutin gasan Kuta Gotham dalam film wan seri tivi Batman aksi nyata taumpat jua Chicago, Detroit, Pittsburgh, Los Angeles, New Jersey, wan Kota New York.
Asal-usul ngaran[babak | babak asal-mulanya]
Panulis Bill Finger, gasan pangaranan kuta wan ilah gasan maalih lokal Batman matan New York City jadi kuta fiksi, manyambat "Pamulannya aku pacangan manyambat Gotham City 'Civic City '. Imbahnya aku mancuba 'Capital City' imbah tu 'Coast City'. Imbah ngitu aku mambulak-balik buku telepon New York City wan malihat ngaran 'Gotham Jewelers', aku imbahnya bapandir surang 'ini nya', Gotham City. Kami kada manyambatnya New York maraga kami handak urang di kuta mana haja maidentifikasikannya."[5]
"Gotham" marupakan ngaran kiauan gasan New York City nang jadi tarpinandu di abad kasambilan walas; Washington Irving panambayan marikitakan ka New York dalam edisi 11 Nupimbir 1807 matan Salmagundi-nya, sabuting majalah baulang-ulang wan mancuring budaya wan pulitik New York. Irving maambil ngaran matan desa Gotham, Nottinghamshire, Inggris: sabuting wadah nang dihuni, manurut carita rakyat, ulih urang-urang bungul.[6][7] Ngaran desa baasal matan Basa Inggris Kuno nang baartii gāt 'kambing' wan hām "rumah", sacara harfiah baarti "rumah wadah kambing disimpan,"[8] wan diucap /ˈɡoʊtəm/ GOHT-əm, nang kaya kata kambing (lih. Chatham, /ˈtʃætəm/ CHAT-əm,
ngaran nang mirip lawan hurup-hurup nang mawakili alun "t" diumpati alun "h" nang hening matanpada alun "th"). The Joker maacu lawan etimologi ngini dalam Detective Comics #880, di mana inya mamadahi Batman bahwa kata ngitu bamakna "wadah nang aman gasan kambing." Sabaliknya, "Gotham" nang dipakai gasan New York baisi paalunan nang balain lawan analogi lawan kata lain dieja lawan "th" wan diucapakan sawagai /ˈɡɒθəm/ GOTH-əm,[9] nang kaya kata Goth.
Jujuhutan[babak | babak asal-mulanya]
- ^ "Film locations for Batman Begins". Movie-locations.com. Diarsipkan dari versi asli tanggal 2019-04-23. Diakses tanggal 2010-12-25.
- ^ Otto, Jeff (2006-06-05). "Interview: Christopher Nolan". IGN. Diarsipkan dari versi asli tanggal 2012-03-31. Diakses tanggal 2006-11-06.
- ^ "Review: 'Suicide Squad'". Asbury Park Press. 2016-08-05.
- ^ ""Suicide Squad": The Biggest Revelations From The Latest DC Film". comicbookresources.com. 2016-08-07. Diarsipkan dari versi asli tanggal 2016-08-19. Diakses tanggal 2019-01-02.
- ^ Steranko, Jim (1970). The Steranko History of Comics. Reading, PA: Supergraphics. hlm. 44. ISBN 978-0517501887.
- ^ "Gotham". World Wide Words. 1999-02-06. Diakses tanggal 2011-07-13.
- ^ Caroline Lowbridge (January 1, 2014). "The real Gotham: The village behind the Batman stories". BBC News. Diakses tanggal 20 Juni 2015.
- ^ Harper, Douglas (2001). "Gotham". Online Etymology Dictionary. Diakses tanggal 17 Desember 2009.
- ^ "Gotham | Define Gotham at Dictionary.com". Random House Dictionary. Dictionary.com. Diakses tanggal 7 Juli 2010.