New Jersey

Tumatan Wikipidia basa Banjar, insiklupidia bibas
Malacung ka napigasi, gagai

New Jersey, yéto sabuah nagara bagian nang ba'andak di wilayah Atlantik Tangah wan timur laut Amerika Sarikat. Ngarannya dijumput dari ngaran pulau Jersey di Salat Inggris. Nagara bagian ngini bahinggan di sabalah utara lawan New York, di sabelah timur lawan Samudera Atlantik, di barat daya lawan Delaware, wan di barat lawan Pennsylvania. Bahagian-bahagian dari New Jersey ta'andak di dalam wilayah metropolitan New York wan Philadelphia.

New Jersey didiami ulih orang-orang Indian selawas labih dari 2.800 tahun. Padiaman Eropa pamulaan di wilayah ngini diulah uleh urang-urang Swedia wan Walanda pada awal 1600-an.[1] Imbah ngintu bubuhan Inggris ma'ambil wilayah ngini, nang dibariakan lawan Sir George Carteret wan John Berkeley, Baron Berkeley ka-1 dari Stratton hagan koloni New Jersey. New Jersey yéto sabuah tampat panting salawas Perang Kamardikaan Amerika; sabagian partampuran nang menantuakan tarjadi di sini. George Washington duwa kali maulah markas musim dingin gasan tantara revolusinya di Morristown, nang disambat sabagai ibukota militer revolusi. New Jersey Journal, sabuting surat kabar nang ditarbitkan ulih Shepard Kollock, nang maulah usaha penerbitannya di Chatham selawas 1779, manjadi katalis dalam revolusi ngini. Habar-habar tentang berbagai kejadian dikirim langsung ka Kollock dari markas ganal Washington di Morristown nang kada jauh dari situ. Kollock menarbitkan sabarataan ngitu hagan maningkatkan samangat para angguta pasukan wan keluarga mereka. Inya jugma malakukan perdebatan nang hangat tantang hupaya-hupaya parjuangan kamardikaan lawan mereka nang kada katuju wan mandukung parjuangan nang didukungnya. Hanyar ni, kuta-kuta kalas pekerja nang kaya Paterson wan Trenton manggani'i gasan manunjul Revolusi Industri pada abad ka-19. Posisi New Jersey di pusat megalopolis BosWash, antara Boston, New York City, Philadelphia, Baltimore wan Washington, D.C., menunjul parkembangannya nang laju malalui ladakan suburbia pada 1950-an wan saimbahnya.

rujukan[babak | sunting sumber]