Nan Sarunai

**Nan Sarunai**
	Nan Sarunai
Ibu kota	Kota Raden, Banua lawas
Bahasa	Bahasa Maanyan
Agama	Kaharingan
Bentuk pemerintahan	Monarki
Presiden
Sejarah

Kerajaan Nan Sarunai ialah pamarintahan bahari nang mancungul dan bakambang di wilayah nang wahini masuk dalam daerah administratif Provinsi Kalimantan Salatan, Indunisia, andakan pasnya ada di antara wilayah Kabupatin Hulu Sungai Utara dan Kabupaten Tabalong.^[1] Kerajaan Nan Sarunai palihan pamulaan matan kisah panjang Kesultanan Banjar, salah sabuting pamarintahan karajaan paling ganal nang suah ada di Kalimantan Selatan.^[1] Karajaan Nan Sarunai takait banar lawan kahidupan urang-urang Suku Dayak Maanyan, salah sabuting sub Suku Dayak penuhanya di tanah Borneo.^[1]

Nan Sarunai didirikan urang-urang Dayak Maanyan, salah sabuting sub suku Dayak nang paling tuha di Nusantara, khususnya di Kalimantan bagian tangah wan salatan. Apakah Nan Sarunai sudah kawa disambat kerajaan atawa baluman masih jadi bahan pandiran. Nang jalas, pemerintahan di Nan Sarunai sudah lawas banar ada.^[2]

Sajarah

Suku Banjar adalah salah satu suku bangsa nang paling ganal nang mandiami dairah Kalimantan Selatan. Tapi, Ngaran urang asli Kalimantan Selatan masih manjadi perdebatan, sabab wilayah ini di didiami ulih bamacam-macam urang dari barbagai suku bangsa. Identitas Urang Banjar (orang Banjar) nang asli Malayu atawa Urang Dayak (orang Dayak) manjadi tema pardabatan masyarakat manganai asal usul masyarakat Banjar (Yusuf Hidayat, dalam Jurnal Sosiologi Universitas Airlangga, 2006). Istilah Urang Banjar dimaksudkan gasan manyambat mayuritas panduduk nang mandiami hampir sabarataan dairah di Provinsi Kalimantan Selatan, maskipun kada sabarataan urang Kalimantan Selatan baetnis Banjar asli. Dalam buku Urang Banjar dalam Sejarah, mencubai mambari jalan tangah atas kada sapahaman nang tajadi antara urang Malayu wan urang Dayak ngini. Masyarakat nang dingarani sabagai Urang Banjar paling kada tardiri matan etnis Malayu sabagai etnis nang duminan wan ditambahi unsur urang-urang Suku Dayak, tarmasuk Suku Dayak Maanyan.

Bukti-bukti kabaradaan

Sampai wayah ini balum banyak referensi nang basifat ilmiah dan sacara parupursional manjalaskan tantang Kisah Karajaan Nan Sarunai mangingat umur karajaan ngini nang sudah tuha banar. Sumber-sumber nang dipakai panambayan ini adalah kisah tutur nang ada dalam Hikayat Banjar. Sajarah Indunisia biasanya dalam manjalaskan sabuah nagara tradisiunal snang batumpu banar lawan historiograﬁ tradisional, nang kaya babad, hikayat, atau cerita rakyat. Historiograﬁ tradisiunal baisi ciri-ciri nang manunjul dan saling bakaitan, yaitu etnosentrisme, rajasentrisme, dan antroposentrisme (Sartono Kartodirdjo, 1993:7). Informasi nang diambil matan Hikayat Banjar ditandai ulih sifat-sifat mistis, legendaris, nang kadada unsur waktu dalam urutan kisahnya.^[3] Hikayat Banjar ditulis sepanjang 4.787 baris atau 120 halaman.^[3] Tapi, parak sabarataan isi hikayat ngini labih banyak mangisahakan karajaan-karajaan imbah Karajaan Nan Sarunai, yakni Kerajaan Negara Dipa, Kerajaan Daha, dan Kesultanan Banjar.^[3] Riwayat Nan Sarunai sadikit banar, apalagi pas handak kahancurannya.^[3] Kisah tKerajaan Nan Sarunai dalam Hikayat Banjar labih mirip teradisi lisan, yakni nyanyian buhan Suku Dayak Maanyan (wadian) imbah ngitu disampaikan sacara turun temurun.^[4] Teradisi lisan urang Dayak Maanyan nang mangisahakan bahwa bubuhannya sudah baisii nagara suku bangaran Nan Sarunai.^[4] Nyanyian wadian mangisahakan peristiwa tragis tentang runtuhnya Karajaan Nan Sarunai gara-gara sarangan matan Kerajaan Majapahit pas sakitar abad ke-13.^[3]

Rujukan

1 2 3 . Suriansyah Ideham, eds., 2007. Urang Banjar dan kebudayaannya. Banjarmasin: Badan Penelitian dan Pengembangan Daerah Provinsi Kalimantan Selatan dan Pustaka Banua
↑ Raditya, Iswara N. "Jejak Panjang Nan Sarunai, Kerajaan Purba di Kalimantan". tirto.id (dalam bahasa Indonesia). Diakses tanggal 2020-02-08.
1 2 3 4 5 M. Suriansyah Ideham, eds., 2003. Sejarah Banjar. Banjarmasin: Badan Penelitian dan Daerah Propinsi Kalimantan Selatan
1 2 MZ Ariﬁn Anis, 1994, “Struktur birokrasi dan sirkulasi elite di Kerajaan Banjar pada abad XIX”, tesis Fakultas Pasca Sarjana Universitas Gadjah Mada Yogyakarta

[Ideham2007-1] 1 2 3 . Suriansyah Ideham, eds., 2007. Urang Banjar dan kebudayaannya. Banjarmasin: Badan Penelitian dan Pengembangan Daerah Provinsi Kalimantan Selatan dan Pustaka Banua

[2] Raditya, Iswara N. "Jejak Panjang Nan Sarunai, Kerajaan Purba di Kalimantan". tirto.id (dalam bahasa Indonesia). Diakses tanggal 2020-02-08.

[Ideham-3] 1 2 3 4 5 M. Suriansyah Ideham, eds., 2003. Sejarah Banjar. Banjarmasin: Badan Penelitian dan Daerah Propinsi Kalimantan Selatan

[Ariﬁn_Anis-4] 1 2 MZ Ariﬁn Anis, 1994, “Struktur birokrasi dan sirkulasi elite di Kerajaan Banjar pada abad XIX”, tesis Fakultas Pasca Sarjana Universitas Gadjah Mada Yogyakarta

[1]

[2]

[3]

[4]