Kararaban
Wadai kararaban ngitu wadai nang di katujui bubuhan Banjar, rasanya manis wan baunya harum. Wadai kararaban jadi wadai ciri has matan Kalimantan Selatan. Biasanya wadai kararaban banyak diulah urang Banjar sagan wadai pabukaan puasa, wan wadai kararaban ada jua disadia'akan rahat acara ganal kaya baaruh, wan lain-lain[1].
Cara baulah
[babak | babak asal-mulanya]Cara-cara maulah wadai kararaban ngitu, pamulaan, jarang dahulu banyu santan wan gula habang sampai gulanya larut. Imbah ngitu diamakan satumat. Lalu, campur lawan galapung baras wan galapung gandrum, tambahi hintalu, wan uyah sadikit. Aduk barataan sampai tacampur[2].
Imbah ngitu, campurakan banyu santan wan gula habang nang tadi dijarang. Amun sudah tuntung, andak adunan dalam wadah citakan. Biar wadainya bagus, hiasi atasnya wan rarampah adas manis, sangrai dahulu sampai babau harum. Imbah ngitu dikukus, adas manis nang sudah tuntung dikukus di campur lagi wan kayu manis bubuk, hanyar dipapai ka adunan wadai. Imbah ngitu kukus adunan sampai masak. Amun sudah masak, papai pulang adas manis wan kayu manis di atasnya biar wadainya harum[3]. Imbah ngitu wadainya jadi wan kawa dimakan.
Jujuhutan
[babak | babak asal-mulanya]- ^ KOMPUTER, UNIVERSITAS SAINS & TEKNOLOGI. "Kararaban" (dalam bahasa Inggris). Diakses tanggal 2023-09-10.
- ^ prokal.co. "Harumnya Kararaban | Radar Banjarmasin". kalsel.prokal.co (dalam bahasa Indonesian). Diakses tanggal 2023-09-10.
- ^ prokal.co. "Harumnya Kararaban | Radar Banjarmasin". kalsel.prokal.co (dalam bahasa Indonesian). Diakses tanggal 2023-09-10.