Kakicak
Kakicak atawa Kikicak atawa Kekicak adalah kue khas masyarakat Banjar, Kalimantan Selatan. Wadai ngini dikatahui matan tampatnya, yaitu bawarna hijau wan babantuk bulat baukuran halus kaya tutup botol. Bahan utamanya adalah tepung ketan nang maulah teksturnya licin. Salain itu, wadai ini jua biasanya dimakan basamaan lawan 'hinti' atawa kelapa parut nang dicampur gula merah. Salain matan tepung ketan, ada jua panjual kue ini nang maulahnya matan ubi kayu.[1]
Macam-macam[babak | babak asal-mulanya]
Kakicak Hijau Bahinti[babak | babak asal-mulanya]
Kakicak Hijau Bahinti marupakan wadai asli matan Banjar, Kalimantan Salatan. Kakicak Hijau bahinti marupakan parkambangan dari wadai kakicak hijau. Kakicak hijau bahinti marupakan wadai nang di ulah matan galapung lakatan, banyu, kapur, uyah, daun pudak atawa suji, wan nyiur nang diparut gasan hinti.
Kakicak hijau Bahinti, hinti kada dimasukakan kadalam nang kaya kalalapun tapi diandak diatas. Peandakan hinti baarti gasan paandakan utama nang baparan gasan palindung atawa gasan pamimpin nang malindungi wan mangayomi bagian matan angguta kalumpuk.
Kakicak hijau bahinti bawarna Hijau, warna hijau ujar buhan Banjar melambangakan keparakan lawan alam. Nang lain, gasan buhan nang islami buhan Banjar mayakini warna hijau marupakan warna nang di katujui Nabi Muhammad, S.A.W.[2]
Kakicak putih[babak | babak asal-mulanya]
Ada nang hijau, ada jua nang putih. Perbedaannya terletak pada gula nang dipakai.
Kakicak gumbili[babak | babak asal-mulanya]
Kakicak bawarna kuning nang diulah matan gumbili atawa ubi kayu.
Rujukan[babak | babak asal-mulanya]
- ^ "Resep Kikicak Gumbili Manis, Mudah Diolah dan Murah Meriah". Banjarmasinpost.co.id (dalam bahasa Indonesia). Diakses tanggal 2023-11-17.
- ^ Rahmawati, Neni Puji Nur,. Makna simbolik dan nilai budaya kuliner "wadai Banjar 41 macam" pada masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.
