Kacang balimbing
| ?Kacang balimbing | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Klasifikasi ilmiah | ||||||||||||||||||||||
| ||||||||||||||||||||||
| Ngaran binomial | ||||||||||||||||||||||
| Psophocarpus tetragonolobus (L.) D.C.[1] | ||||||||||||||||||||||
| Sinonim | ||||||||||||||||||||||
Kacang balimbing (Psophocarpus tetragonolobus (L.) D.C.) adalah tumbuhan bakayakap angguta suku Fabaceae (Leguminosae). Taruk wan polong nang anum dipakai jadi lalap. Di Sumatra dipinandui lawan ngaran kacang botol atawa kacang belingbing (pantai barat Sumatra, dan Mnk.[6]), wan kacang embing (Palembang). Ngaran lainnya adalah jaat (Sd.);[7] cipir, cicipir, kēcipir (Jw.); kēlongkang (Bl.), duwa biraro (Manado, Ternate);[8] kacang botor, k. botol, wan k. kumbotor (Ptk.). Dalam basa Inggris disambat lawan ngaran Winged bean, Winged pea, Four-angled bean (mengacu lawan tagas buahnya); tagal juwa dingarani Goa bean wan Asparagus pea.
Garambas
[babak | babak asal-mulanya]Rapunnya bakayakap, memanjat atawa malilit, maulah perdu,[7] atawa semak nang manahun. Dalam budi daya rajin dibarii panyangga, tagal amun dibiarakan haja cagaran manukupi tanah. Batangnya silindris, babuku-buku, jarang mangayu, sampai ma 4 m panjangnya. Baakar banyak, nang akar higa nang panjang, manjalar datar parak atas tanah, sapalih inya bakandal lawan jadi bungkahan[9]
Daun-daun majemuk lawan tiga anak daun, duduk daun basulang sali; daun penumpu tagas bulat intalu-lanset, panjang lk. 1 cm, kada rontok; tangkai daun 3–12 cm, rakis 1,5–5,5 cm. Aanakan daun tagas bulat intalu hingga segitiga, 4–15 cm × 3.5–12 cm, mambulat atawa tatatak di pangkalnya, maruyung di hujungnya; partulangan manyirip, kalir hijau. Kambang parian kupu-kupu, dalam karangan baisi 2–10 kuntum nang tumbuh matan katiak daun, tangkai karangan kambang 5–15 cm, rakisnya 1–10 cm, pina babulu. Kambang bakalamin dua, batangkai hingga 5 mm; kalupaknya batabung sapanjang 4–6 mm, bataju kada seragam, hingga 2 mm, hijau hingga habang-bigi ramania kadap; mahkuta biru, biru pucat, krem, atawa mahabang, lawan bandira handak bulat atawa lonjong-libar, hingga 4 cm × 3.5 cm, bahalar wan lunasnya pina tahadap; benang sari 10, dalam dua tukal (9 + 1); bakal buah menumpang. Buah polong tagas garis atawa lonjong mamanjang, batagas sagi ampat lawan buncu bahalar nang baringgit, 6–40 cm × 2–3,5 cm, bakalir hijau wayah anum wan jadi hirang duwa karing bila tuha, babigi 5–21 buting. Marga tagasnya nang bahal mahirip atawa bahkan nangkaya belimbing, di Sumatra tumbuhan naya dipinandui juwa kacang bělingbing (Mink.).[6] biginya bulat lawan diameter 5–10 mm, bakalir kuning, habuk sampai hirang, bahanu putih, bahanu berbintik.[9]
Kagunaan
[babak | babak asal-mulanya]
Di Indonesia, Kacang balimbing rajin ditanam gasan diambil buahnya nang anum, nang duwa taruk wan daun-daun nang anum rancak dijarang gasan kikimulan[8] (misalnya gasan lalap, pecal, atawa urap) atawa dikambuh ka dalam gangan.[7][10] Di Bangladesh, Kacang balimbing dimakan baimbai daging atawa iwak.[11] Ujar Rumphius, bungkah akarnya kawa dimakan imbah dijarang, tagal bungkah ngini musti dipanen sabalum buah Kacang balimbingnya batuha.[8] Rasa bungkahnya ngini mahirip lawan bingkuang.[10] Bigi-biginya nang tuha (Sd. botor, Jw. cipir) dimakan nangkaya kacang-kacangan imbah disangrai badahulu.[8] Ringkasnya, Kacang balimbing kawa diulah jadi makanan. Diulah jadi minyak, galapung, kambuhan kupi, susu, atawa tempe.[11]
Daunnya kawa juwa dijadiakan tatamba. Ampas daun Kacang balimbing wayah bahari digunakan gasan mananambai mata nang bangkak wan sakit talinga. Daun Kacang balimbing nang diremas wan dikambuh duwa adas pulasari dipakai gasan maampihi bisul.[8] Urang Arab, Pakistan, wan Cina rajin manambahi Kacang balimbing di ramuan tatamba buhannya.[11] Bigi wan daun baisi flavonoid, saponin, wan tanin.
Kacang balimbing tamasuk dalam tumbuhan panukup tanah wan pupuk hijau marga lakas hidup wan tamasuk dalam pengikat nitrogen matan udara nang tabaik. Dalam budidaya, kada diparluakan banar pamupukan N.
Tiba
[babak | babak asal-mulanya]
Urang ahli balain pandapat parihal tiba Kacang balimbing; marga kada dipinandui lagi hudah jenis liarnya. Keanekaragaman Kacang balimbing nang tertinggi dikawai di Papua, wilayah perbukitan di timur laut India, serta di wilayah Burma nang bertetangga; sehingga diduga wilayah-wilayah itu merupakan pusat-pusat domestikasinya.[9] Namun, menurut Setijati Sastrapradja, asal Kacang balimbing adalah berasal matan Indonesia dan Papua Nugini. Kacang balimbing banyak dikawai di Asia Tenggara dan menyukai tanah nang baik serta sinar matahari nang cukup. Tumbuh baik hingga pada ketinggian 1000 mdpl. Ditanam sebagai tanaman sampingan pada musim hujan.[10] Pada tahun '80-an di Indonesia, Kacang balimbing dipakai sebagai tanaman sela di antara tanaman pekarangan. Petani-petani ini sadar akan nilai tinggi Kacang balimbing, tapi karena pemasarannya kada seramai kubis dan kangkung, akhirnya tumbuhan ini kada terlalu diusahakan secara komersial.[6] sapalih pakar menduga bahwa Kacang balimbing diturunkan matan jenis-jenis Psophocarpus nang lain matan Afrika (misalnya P. grandiflorus atawa P. scandens); sementara pakar nang lain beranggapan bahwa Kacang balimbing berasal matan jenis liar Asia nang kini telah punah.[9]
Wayah tahun '60an, Kacang balimbing diprumusikan sawagai tanaman sarabaguna.[9] Wayahini ditanam di barbagai wilayah tropis wan subtropik di dunia.[12] Wayah tahun 1980, panalitian Kacang balimbing hudah mulai di nagara barkambang wan Indonesia juwa.[10]
Jujuhutan
[babak | babak asal-mulanya]- ^ de Candolle, A.P. & A. de Candolle 1825. Prodromus systematis naturalis regni vegetabilis, sive, Enumeratio contracta ordinum generum specierumque plantarum huc usque cognitarium, juxta methodi naturalis, normas digesta. Pars 2: 403. Parisii :Sumptibus Sociorum Treuttel et Würtz,1824-73.
- ^ Rumpf, G.E. 1741-50. Herbarium Amboinense :plurimas conplectens arbores, frutices, herbas, plantas terrestres ... Pars 5: 374, Tab. 133. Amstelaedami : Apud Fransicum Changuion, Hermannum Uytwerf.
- ^ Linne, C. von. 1759. Systema naturae per regna tria naturae :secundum classes, ordines, genera, species, cum characteribus, differentiis, synonymis, locis.. T. 2: 1162. Editio Decima, Reformata. Holmiae : Impensis Laurentii Salvii.
- ^ Kuntze, C.E.O. 1891. Revisio Generum Plantarum: vascularium omnium atque cellularium multarum secundum leges nomeclaturae internationales cum enumeratione plantarum exoticarum in itinere mundi collectarum ... 1: 162. Leipzig.
- ^ Graham, R. 1832. A Numerical List of dried specimens of plants in the East India Company's Museum: collected under the superintendence of Dr. Wallich of the Company's botanic garden at Calcutta. London. n. 5540. [1831-32]
- ^ a b c Soeseno, Slamet (1985). Sayur-Mayaur untuk Karang Gizi. hal.28Citakan:Spaced ndash30. Jakarta:Penebar Swadaya.
- ^ a b c Supriatna, Nana (2007). Bercocok Tanam Sayuran. Hlm.7Citakan:Spaced ndash10. Jakarta:Azka Press. ISBN 978-979-1211-78-9.
- ^ a b c d e Heyne, K. 1987. Tumbuhan Berguna Indonesia 2: 1068-69. Badan Penelitian dan Pengembangan Kehutanan, Bogor. (edisi 1916: 348)
- ^ a b c d e Grubben, G.J.H. 2004. Psophocarpus tetragonolobus (L.) DC.[pranala nonaktif permanen] [Internet] Record from PROTA4U. Grubben, G.J.H. & Denton, O.A. (Editors). PROTA (Plant Resources of Tropical Africa / Ressources végétales de l’Afrique tropicale), Wageningen, Netherlands. <http://www.prota4u.org/search.asp Archived 2013-11-08 at the Wayback Machine>. Accessed 11 September 2013.
- ^ a b c d Sastrapradja, Setijati; Lubis, Siti Harti Aminah; Djajasukma, Eddy; Soetarno, Hadi; Lubis, Ischak (1981). Sayur-sayuran. 6:54Citakan:Spaced ndash55. Jakarta:Balai Pustaka bekerjasama dengan LBN-LIPI.
- ^ a b c Astawan, Made (2009). Sehat dengan Hidangan Kacang dan Biji-Bijian. hlm.69Citakan:Spaced ndash74. Jakarta:Penebar Swadaya. ISBN 979-002-366-9.
- ^ ILDIS: Psophocarpus tetragonolobus