Kabudayaan Nok
Kabudayaan Nok marupakan sabuah kabudayaan bahari nang ditamuakan di parak kota Nok di Nigeria. Urang-urang matan kabudayaan Nok ngini kawa manggarap pahumaan wan maingu sapi. Paradaban ngini mamasuki zaman wasi sakitar tahun 1000 SM. Pas tahun 500 SM, masyarakat Nok ngini maulah patung terakota nang bagus babantuk binatang wan urang lawan bamacam baju wan parimata, nang mambari gambaran adanya kumpliksitas susial wan pulitik nang rinciannya masih balum taungkap sampai wayah ini.
Kabudayaan Nok maninggalakan sadikit paninggalan haja. Buhannya kada baisi basa batulis. Buhannya maulah rumah wan bangunan matan kayu wan bahan tatumbuhan nang lain, nang kada tahan lawas kaya batu wan bata. Lawan jua patung-patung Nok nang sudah ditamuakan ka'adaanya pacah wan harus diulah baasa matan pacahan-pacahannya tadi.
Tapi, pula-pula budaya nang kena cungul di Aprika mambari gambaran bahwa di Kabudayaan Nok, unit kahidupan adalah Kampung nang pamimpin utamanya adalah saurang tatuha, wan panduduk kampung adalah sabuting kula ganal.[1]
Catatan Batis[babak | babak asal-mulanya]
- ^ Ansary, Tamim, author, narrator., The invention of yesterday, ISBN 978-1-5491-5672-4, OCLC 1128835405, diakses tanggal 2020-05-28