Jumbatan Dewi

Jumbatan Dewi adalah jumbatan nang beandak di atas sungai martapura, kota Banjarmasin, Kalimantan Selatan. Jumbatan ngini mehubungakan jalan ahmad yani lawan Jl. Hasanuddin HM/ Jl. Ujung Murung atau nang dikenal wilayah pasar sudimampir. Jumbatan ngini merupakan jumbatan nang tatuha di Banjarmasin.

Sajarah

Jumbatan Dewi ngini baisi Kisah Sajarah nang panjang, bahari jumbatan ni dingarani Jumbatan Coen. jumbatan ngini diulah pas jaman Hindia Walanda. Ngaran jumbatan Coen baasal dari ngaran Gubernur Jenderal hinda walanda nang bangaran Jan Pieterszoon Coen.

Jumbatan ngini jua marupakan jumbatan ringkap tapanjang partama nang ada di daerah lawan jua mehubungakan wilayah pulau tatas ka jalan Oelin mearah hulu sungai.

Dalam parkambangannya, pas tahun 1935 ringkapan nang ditangah jumbatan takana di renovasi jadi kwa dialui Kapal Ganal.

Pas Japang masuk ka Banjarmasin, jumbatan Coen di ladakakan buhan pasukan Algemene Vernielings Corps (AVC) Walanda, sabalum maninggalakan Banjarmasin sekira kada kawa dipakai buhan Japang.

Pas Agustus 1942, japang meulah baasa jumbatan ngini imbahtu dingarani Jumbatan Yamato Bashi. imbah japang manyarah wan pasukan Sekutu tahun 1945, imbah nitu atawa tahun 1972, jumbatan ngini dipakai ulih Pemerintah Hindia Walanda nang bausaha pulang handak menajajah indonesia. Ngaran jumbatan Coen dipakai pulang sampai Walanda menyarahakan kedaulatan Indonesia.

Imbah Walanda maninggalakan Banjarmasin, Jumbatan ngitu baubah ngaran jadi Jumbatan Ahmad yani imbah tu diresmikan pas awal pelita 3 di era Orde Baru.