Jamaluddin

Jamaluddin
Makam K.H. Jamaluddin (ulama matan Martapura) di Martapura, Kabupatin Banjar, Kalimantan Selatan.
Maninggal	1919
Pagawian	Pendiri dan pimpinan pertama PP Darussalam
Dipinandui marga	Ulama
Agama	Islam

KH nang Jamaluddin (diranakakan 28 Marit 1887 - 17 Nupimbir 1940) adalah ulama matan Martapura nang dipinandui sawagai pandiri wan pimpinan wayah panambayan Punduk Pasantrin Darussalam Martapura. Sidin mamimpin PP Darussalam matan 1914 sampai 1919.

Sajarah

Sidin mandiriakan Punduk Pasantrin Darussalam wayah 14 Juli 1914. Sabalumnya di kuta Martapura sudah diulah banyak pandidikan agama nang basipat sadarhana wan tradisiunal, yaitu sistim mangaji duduk. Pambantukan Pesantren Darussalam oleh K.H Jamaluddin ini kawa disambat sabagai pangambangan labih lanjut tradisi pandidik nang hudah ada, lawan labih tatuju. Pamulaannya, sistimnya masih basipat halaqah, di mana buhan santri bakuliling ka wadah guru gasan mandangar pambacaan kitab. Wayah panambayan ngini ajaran/pandidikan barlaku sacara ajaran halaqoh. Pandidikan ngitu mambandingakan pandidikan Walanda nang disusun batingkat mulai polk school, for folk school, MULO, HIS wan satarusnya.

Kaputusan KH. Djamaluddin gasan manyatuakan pesantren dilandasiakan lawan sumangat dalam rangka mangambangakan agama Islam di wilayah Kalimantan Selatan. Salain ngitu, dairah ngini mimang dikatahui baisi tradisi agama nang kuat banar. Bahkan, babarapa ulama Indunisia nang paling tarkamuka tiba dairah ini. Ulih marga ngitu, KH. Djamaluddin imbahtu malihat bahwa pesantrin adalah sabuting upaya nang paling baik wayah itu gasan mangambangakan Islam, khususnya di wilayahnya.

Ikhtiar ngini imbahtu dilanjutakan wan diulah ulih KH Hasan Ahmad. Sistem klasik imbah ngitu diulah ulih KH Kasyful Anwar nang menggantikan Kiai Hasan Ahmad. Sidin mamutusakan sistim batingkat mulai dari Tahdiriyah salawas 3 tahun, Ibtidaiyah 3 tahun, wan Tsanawiyah 3 tahun.