Tahun puga Cina

Tahun Puga Cina atawa Tahun Puga Imlék adalah parayaan nang paling panting gasan urang Cina. Parayaan tahun puga ini dimulai di hari panambayan bulan panambayan (Bahasa Cina: 正月; pinyin: zhēng yuè) di pananggalan Cina, tuntungnya limbah Cap Go Meh 十五冥 元宵节 di tanggal kalima walas (wayah bulan purnama). Malam tahun puga Cina dipinandui sawagay Chúxī nang artinya "malam bagantinya tahun". Di Cina, adat wan tradisi wilayah nang baraitan lawan parayaan Tahun Baru Cina banyak macamnya. Tagal banyak jua nang sama matan samunyaan kabiasaan nang banyak itu, nang kaya jamuan makan wayah malam tahun barunya lawan melikit kembang api.

Dirayakan di banua-banua nang banyak panduduk suku Cinanya, Tahun Baru Cina dianggap sawagay hari libur ganal gasan urang Cina wan ganal pengaruhnya ka nagari-nagari nang parak andakannya lawan Cina nang kaya Koréa, Mongolia, Népal, Bhutan, Viétnam, wan Japang (sabalum 1873). Di Cina Daratan, Hong Kong, Makau, Taiwan, Singapura, Indonésia, Malaysia, Pilipina, Thailand, wan nagari-nagari lain atawa daérah jumlah panduduk suku Cina Han nang signifikan, Tahun Baru Cina diraya'akan jua, wan pada derajat-derajat tartantu, sudah jadi hagian budaya tradisional nang ada di situ.