Ian Kasela

Tumatan Wikipidia Banjar, kindai pangatahuan

Ian Kasela adalah sabuting personil grup musik Indunisia matan Banjarmasin ngarannya "Radja". Beliau tagabung segrup lawan dingsanak kandungnya saurang ngarannya Moldy. Diranakakan pada tanggal 17 September 1974, Ian Kasela bisi ngaran asli Iandika Mulya Ramadhan[1]. Ian lawan dangsanaknya, maulah grup musik lawan 2 kawannya, Shuma dan Adit bangaran "Radja" pada tanggal 17 Maret 1999. Mei 2003, personilnya beubah jadi Ian, Moldy, Seno, lawan Indra. Tapi pada April 2010, Indra lawan Seno kaluar matan grupnya. Grup musik Radja pun ampihan matan hari itu.

Biugrafi[babak | babak asal-mulanya]

Imbah 3 tahun jadi panyanyi balakang, dan seikut pruduser malihat putinsi suara Ian nang bagus, Ian ditawari jadi panyanyi. Album pamulaannya "Tak Mau Sendiri" baisi 10 lagu diprudusuri ulih Metrotama Record. Sayangnya maraga kurang gancang prumusinya, panjualan album ngini kada sasuai harapan. Satahun imbahnya, Ian maulah album pulang judulnya "Melayang" diprudusuri ulih Gita Gemilang. Di tahun nang sama, Ian jua baulah album kumpilasi bajudul "Cinta Negeri Serumpun" yang diulah ulih Satria Kurnnia Utama Record. Salah sauting lagunya, Ian baduet lawan lady rocker tahun 80-an, Sylvia Saartje. Nasib panjualan album ngini kada jauh beda lawan album sumalam.

Ian baampih satumat matan dapur rakaman, gasan meumpati kakanya banyanyi dari kafe ke kafe. Tahun 1999, Ian lawan Moldy mambawai Shuma lawan Adit baulah grup musik Radja. Buhannya ini lalu marakam album bajudul "Lepas Masa Lalu" dengan lagu haratnya "Biar Aku Menjagamu". Sayangnya album ngini kada kawa diprumusikan behimat maraga masalah di dalam awak studiu rakamannya waktu itu, Universal Musik Indonesia.

Panangahan 2002, Shuma lawan Adit kaluar pada grup. Pusisinya diganti ulih Indra (bass), Seno (drum) matan bulan Mai 2003. Lawan furmasi hanyar ngini, buhannya masuk dapur rakaman pulang. Baulah album kadua bajudul "Manusia Biasa" dengan lagu haratnya "Cinderella" lawan "Jujur" nang dipruduksi ulih Malta Music Indonesia. Album ngini kada kawa jua diprumusikan behimat sampai ayungannya buhannya manulak memperpanjang kuntrak gawian di tahun 2004.

Akhir tahun 2004, Radja bagabung lawan EMI Music Indonesia, buhannya baulah album hanyar bajudul "Langkah Baru" nang isinya lagu-lagu matan album bahari ditambahi lawan 3 lagu hanyar. Awal tahun 2005, kada disangka album ngini maladum panjualannya, dan dapat panghargaan Golden Award gasan penjualan kaset sabanyak 75.000 buting. Keberhasilan album ngini, diumpati jua ulih album salanjutnya nang kaya "Aku Ada Karena Kau Ada" (2006), "1000 Bulan" (2006), "Untuk Semua" (2007).

  1. ^ "Ian Kasela Kenang Kesuksesan Radja, Blak-blakan Honor Manggung hingga Strategi Bisnis". merdeka.com (dalam bahasa Inggris). 2021-11-25. Diakses tanggal 2022-11-20.