Gitaan

Gitaan marupakan buah nang digulungakan dalam satu kaluarga gonol tanaman Apocynaceae atau kambuja-kambujaan. Sedangkan ngaran ilmiahnya nintu Willughbeia coriacea (Sinonim: Willughbeia firma BL) ngarannya. Buah gitaan bawarna jingga, nang rasa dagingnya manis dan sadikit masam. Buahnya saukuran ganggaman tangan urang tuha. Kulitnya tabal dangan parmukaan halus ditumbuhi samacam bulu-bulu. Daging kulitnya bawarna putih. Saat buah anum, di bagian daging kulitnya saparti spons pina padat dangan parmukaan bawarna hijau muda agak kakuningan. Dibawah kulitnya tadapat bagian buah nang bajumlah 5-8 bigi. Di dalam daging tadapat biji nang mampunyai kandungan lambaga bakaping talu.

Puhun buah gitaan mamiliki kulit batang bawarna cuklat tuha nang banyak di dalamnya gatah bawarna putih. Daunnya tumbuh pada batang dan cabangnya. Bantuk daunnya lonjong memanjang dangan tulang daun menyirip. Parmukaan daun ditumbuhi bulu-bulu halus, kada mencilang, nang bawarna hijau anum. Panjang daun kurang labih 11-20 sentimeter dangan libar 6-12 sentimeter.