Gadis lawan Bonel-bonel Mutiara

Tumatan Wikipidia Banjar, kindai pangatahuan
Gadis Lawan Bonel-Bonel Mutiara
Girl with a Pearl Earring
SanimanJohannes Vermeer
Tahunsekitar 1665
TipeCat minyak di atas kanvas
AndakanMauritshuis (sedang dipinjamkan untuk pameran di Amerika Serikat dan Jepang sementara Mauritshuis sedang direnovasi. Renovasi direncanakan selesai pada pertengahan tahun 2014.), Den Haag

Gadis lawan Bonel-bonel Mutiara (bahasa Belanda: Het Meisje met de Parel atau basa Inggris: Girl with a Pearl Earring) adalah salah sabuting lukisan adikarya palukis Walanda Johannes Vermeer. Nang kaya ditulis di judulnya, pusat parhatian lukisan ngini adalah bonel-bonel mutiara nang dipakai saikung gadis. Wayahini lukisan ngini disimpan di galeri Mauritshuis, Den Haag. Lukisan ngini kadang-kadang disambat Mona Lisa matan Utara atawa "Mona Lisa Walanda".

Latar balakang[babak | babak asal-mulanya]

Sacara umum, pangatahuan tentang Vermeer wan karya-karyanya liwar sadikitnya. Lukisan ngini ditandatanganinya sabagai "IVMeer" tatapi kada dibari angka tahun. Lukisan ngini bisa marupakan karya nang digawi oleh palukis lain, tatapi kada dikatahui palukisnya. Kamungkinan lukisan ngini dimaksud'akan sabagai sabuah potret konvensional.[1]

Literatur Vermeer nang tahanyar manyambat lukisan ngini sabagai sabuah lukisan tronie atawa definisi Walanda abad ke-17 gasan lukisan muha/kapala nang kada dimaksud'akan sabagai sabuah potret. Imbah lukisan ngini direstorasi pas tahun 1994, skema warna nang halus wan keintiman dalam pandangan mata gadis sudah barhasil diparkuat.[2] Sawaktu direstorasi, latar belakang nang barwarna kadap (maski wayahini talihat pina kada bagus) dikatahui pamulaannya dimaksudkan palukis gasan bawarna hijau tuha. Efek ngini dihasilakan matan mangulas lapisan cat transparan kandal nang disambat glasir, di atas latar balakang bawarna hirang nang kalihatan wayah ini. Tapi, dua pigmen urganik matan glasir hijau, indigo wan weld sudah kada tapi kalihatan.

Atas saran Victor de Stuers nang sudah batahun-tahun bausaha mangati karya langka Vermeer dijual ka pihak-pihak di luar negeri, Arnoldus Andries des Tombe manukari lukisan ngini matan sabuting lelang di Den Haag pas tahun 1881 saharga dua guilder talu puluh sen. Pas waktu ngitu, lukisan ngini dalam kaadaan parah. Des Tombe kada baisi pawaris lalu manyumbang'akan lukisan ngini lawan lukisan nang lainnya ka Mauritshuis pas tahun 1902.

Pas tahun 1937, lukisan nang mirip banar bajudul Smiling Girl nang waktu ngitu diparkira'akan sabagai karya Vermeer, disumbang'akan oleh kolektor Andrew W. Mellon ka National Gallery of Art di Washington, D.C. Lukisan ngitu wayahini ditarima sacara luas sabagai lukisan palsu. Pakar Vermeer bangaran Arthur Wheelock dalam panalitiannya pas tahun 1995 manyimpul'akan bahwa lukisan ngitu sabagai karya artis abad ke-20 bangaran Theo van Wijngaarden nang dikanal jua sabagai pemalsu lukisan. Wijngaarden bakawan lawan Han van Meegeren.

Karya fiksi[babak | babak asal-mulanya]

Tracy Chevalier manulis sabutinh novel sajarah nang bajudul sama, <i id="mwOg">Girl with a Pearl Earring</i> (1999). Novel ini baisi kisah tentang rekaan kajadian pas lukisan ngini diulah. Di dalam novel, Johannes bahubungan parak lawan palayan fiktif bangaran Griet (tokoh ngini tainspirasi oleh kawan parak Chevalier bangaran Georgia Kendall). Palayan ngini disuruh Vermeer bagawi sabagai asisten, wan bapose sabagai model lukisan sambil mamakai sabalah bonel-bonel ampun Nyonya Vermeer.[3] imbah ngitu novel ini manjadi inspirasi gasan sabuting film bajudul sama, Girl with a Pearl Earring pas tahun 2003,[4] wan sabuting sandiwara bajudul sama pas tahun 2008[5] Film ngini diproduksi pas tahun 2003, dibintangi oleh Scarlett Johansson sabagai gadis nang mamakai bonel-bonel mutira. Griet. Johansson dinominasia'akan sabagai panarima babagai panghargaan, tamasuk Golden Globe Award wan BAFTA Award wan Kategori Artis Pamatan Utama Tarbaik.

Lihat jua[babak | babak asal-mulanya]

  • Daftar lukisan Johannes Vermeer

Referensi[babak | babak asal-mulanya]

  1. ^ "Johannes Vermeer - Girl with a pearl earring". Mauritshuis. 
  2. ^ Wadum, Jørgen (1994), Vermeer illuminated. Conservation, Restoration and Research., The Hague 
  3. ^ Winant, Johanna (2000-01-26), "Novel paints a picture of a famous painting", Chicago Tribune, hlm. Tempo, pg. 3 
  4. ^ Ebert, Roger (2003-12-26), "'Girl' painted in subtle shades", Chicago Sun-Times, hlm. 43, diarsipkan dari versi asli tanggal 2012-10-09, diakses tanggal 2020-05-10 
  5. ^ Billington, Michael (2008-10-01), "Pearl's delicate shades get lost in the broad canvas of the stage", The Guardian, hlm. 36 

Bacaan salanjutnya[babak | babak asal-mulanya]

Pranala luar[babak | babak asal-mulanya]