Fat Man

Tumatan Wikipidia Banjar, kindai pangatahuan
Fat Man
Gambar senjata asli
TypeSenjata nuklir
Place of originAmerika Serikat
Specifications
Mass10213 pon (4633 kg)
Length10,7 kaki (3,3 m)
Diameter5 kaki (1,5 m)

Fillingplutonium
Blast yield21 kt ~75 juta batang dinamit.

Fat Man adalah ngara kudi matan bom nuklir nang digugurakan Amirika Sarikat di Nagasaki, Japang pas 9 Agustus 1945. Waktu tu Fat Man marupakan bom nuklir kadua nang dipakai dalam parang lawan marupakan laduman nuklir ulahan manusia nang katalu. Dibari ngaran Fat Man (Urang Lamak) sacara umum badasarakan desain senjata nuklir awal sanjata AS nang bangaran mudil "Fat Man". Bom ngini baisi laduman janis sanjata nang intinya plutonium, mirip lawan "Gadget", parangkat ikspirimental diladumakan kada lawas sabulan dahulunya di New Mexico.[1]

"Fat Man" nang kamungkinan dingarani Winston Churchill,[2] biar Robert Serber manyambat dalam riwayat hidup inya bahwa sabagai "Fat Man" Bom ngitu bulat wan lamak, inya dingarani imbah salah sabuting tukuh Sydney Greenstreet kisah "Kasper Gutman" dalam The Maltese Falcon.

Target nang asli gasan bom ngitu sabujurnya kuta Kokura, tapi gara-gara awan manutupi banar maulah buhannya maubah arah wan target nang lainnya ada di Nagasaki. "Fat Man" digugurakan matan B-29 bomber Bockscar, dikamudiakan oleh Charles Sweeney matan 393d Bomb Squadron wan maladum pas jam 11:02 AM (JST), pas katinggiannya kira-kira 1,650 kaki (0,503 m), wan hasil matan laduman nang ganalnya kira-kira 21 kiloton TNT atawa 88 terajoules. Mitsubishi-Urakami Ordnance Works, pabrik nang maulah torpedo tipe 91 nang dirilis dalam serangan di Pearl Harbor, hancur dalam laduman ngitu.[3] Gara-gara awan nang maulah pandangan kada tapi jalas, bom kahilangan hinti paladuman nang sasuai lawan tujuannya, wan kerusakan kada tapi luas matan ngitu di Hiroshima. 39.000 orang diparkiraakan mati langsung ulih pangaboman di Nagasaki, wan 25.000 labih luka. Ribuan nang lainnya maninggal imbah ngitu matan laduman nang takait wan luka tabakar, wan ratusan lainnya matan panyakit radiasi matan paparan radiasi pamulaan bom ngitu. Sarangan bom di Nagasaki baisi tingkat kamatian tatinggi katalu dalam Perang Dunia II imbah serangan nuklir di Hiroshima wan serangan bom api di Tokyo.

Lihati juaa[babak | babak asal-mulanya]

  • Little Boy
  • Proyek Manhattan
  • Pengeboman atom Hiroshima dan Nagasaki
  • Tsar Bomba

Referensi[babak | babak asal-mulanya]

  1. ^ Hakim, Joy (1995). A History of Us: War, Peace and all that Jazz. New York: Oxford University Press. ISBN 0-19-509514-6. 
  2. ^ "1945: Atom bomb hits Nagasaki". BBC News. August 9, 1945. Diakses tanggal May 2, 2010. 
  3. ^ Cook, Haruko & Theadore (1992). Japan at War: An Oral History. New York: The New Press. ISBN 0-7322-5605-4.