Datu Muning
Datu Muning marupakan salah sabuting kisah menganai riwayat datuk (datu-datu) dalam masyarakat Banjar.[1] Datu-datu dalam masyarakat Banjar digambarakan sabagai urang nang baisi kakuatan nang tinggi, kabal sanjata wan taat baagama.[2] Kawa disambat datuk marupakan urang super. Salain itu datu rancak baik wan mangasihi lawan nang lain. Datu Muning digalari jua Datu Suban nang bailmu tinggi. Inya dapat ilmunya matan Kitab Laduni. Kisah menganai riwayat Datu Muning ni imbahnya mamalopori kisah-kisah riwayat para muridnya. Murid-muridnya naitu: Datu Tamongkar, Datu Marukat, Datu Niang Talib, Datu Sanggul, Datu Taruna Barikin, Datu Kalua, Datu Labi Diluman, Datu Harun, wan Datu Pujung. Kisahni mengisahakan kayaapa Datu Muning mandapatakan warisan barupa kitab ilmu agama. Isinya marupakan ilmu Kaesaan Tuhan nang paling tinggi. Kamudian ulih para panarusnya kitab itu disambat kitab Laduni. Hagan kawa menyarap ilmu matan kitab itu, Datu Muning malakukan semadi wan mempalajari dalam-dalam isi kitab nya.
Rujukan[babak | babak asal-mulanya]
- ^ Hassan Sadhily. Ensiklopedi Indonesia. Jakarta: Ichtiar Baru-Van Hoeve. hlm. 759.
- ^ "Kamus Besar Bahasa Indonesia". Diakses tanggal 18 Juni 2014.