Daihatsu Hijet
Citakan:Infobox automobileDaihatsu Hijet merupakan mubil batipe Kei Car, yakni mubil batipe kacui nang baasal matan Jepang wan marupakan parintin minibis di Indunisia. Hijet panambayannya masuk ka Indunisia pas tahun1972[1].
Sajarah
[babak | babak asal-mulanya]Imbah Perang Dunia ka-2, kaparluan kandaraan maningkat pesat di Jepang. Daihatsu marispun parmintaan nangitu lawan maulahakan mini trak baban tiga yakni Midget mudil DKA. Diulah haratan tahun 1957, Midget mudil DKA barupa mini track baban tiga mamakai mesin bakapasitas 249 cc, kawa maangkut barang sampai 300 kg, wan mamaki lawang . Pas tahun 1959, Daihatsu mangambangaakan Midget mudil MP3 lawan kalabihannya nang kawa maangkut urang tabanyak, maningkatakan kualitas mudil wan desain, wan maningkatakan kapasitas nang diangkut. Maningkatnya parmintaan pasar di luar negeri, Daihatsu marispun lawan maeskpur Midget, contohnya ka Thailand pas tahun 1959[2]
Masuk di Indunisia
[babak | babak asal-mulanya]Daihatsu Hijet panambayannya masuk ka Indunisia pas tahun 1972. Pamarintah Jepang mambarii Daihatsu Hijet tipe S37 Ganarasi katiga. Mubil nangitu dibarii ulih pamarintah Jepang hagan bantuan pananggulangan bancana gunung maladum pas tahun 1972. Daihatsu Hijer tipe S37 marupakan kandaraan bastatus Completely Built Up (CBU) atawa impur sabijian. Di bagian mesinnya, Daihatsu Hijet tipe S37 mamakai mesin Daihatsu ZM 2 tak wan 2 silinder baisi pandingin cairan[1].
Ekspansi dilakukakan Daihatsu lawan bakerjasama lawan Astra pas tahun 1978 wan mandiriakan P.T. Daihatsu Indonesia (atawa P.T. Astra Daihatsu Motor)[2]. Prugram panambayan P.T. Daihatsu naitu manjuali Daihatsu Hijet tipe S38 Ganarasi ka ampat, barupa minivan partama di Indunisia. Daihatsu Hijet tipe S38 masih kandaraan bastatus Completely Built Up (CBU). Di bagian mesinnya, Daihatsu Hijet batipe S38 mamakai mesin ZM 2 tak wan 2 silinder bakapasitas 360 cc[3]. Imbah tahun 1978, Daihatsu Hijet tipe S38 digantiaakan lawan Daihatsu Hijet tipe 55[4].
Daihatsu Hijet 55 Wide (atawa Daihatsu Hijet tipe S60 Ganarasi kalima) dipinanduakan pas tahun 1979 dikaranakan parmintaan pasar akan minibus. Daihatsu Hijet 55 Wide mamakai mesin bakapasitas 547 cc lawan panjang 3.195 mm , lebar 1.395 mm, tinggi 1.660 - 1.820 mm wan jarak sumbu roda 1.820 mm[4] wan bakapasitas 2 panumpang wan 1 pangemudi[3].
Daihatsu Hijet 1000 (atawa Daihatsu Hijet tipe S65 Ganarasi kaanam) marupakan pangembangan matan Daihatsu Hijet 55 Wide. Daihatsu Hijet 1000 persi Pekap diulah mulai 1983 lawan mamakai mesin bakapasitas 1000 cc 3 silinder sarta paubahan interior wan eksterior mubil[3].
Pas tahun 1986. P.T. Daihatsu Indonesia bakerjasama lawan Sojitz Corporation wan parusahaan lukal hagan mandiriakan P.T. Daihatsu Engine Manufacturing Indonesia (DEMI) hagan supaya nyaman promosi Daihatsu Hijet wan maningkatakan kualitas kandaraan wan manjadiakan Daihatsu Hijet tamurah ulih masyarakat Indunisia[5].
Pagantian ira
[babak | babak asal-mulanya]Haratan tahun 1987, Daihatsu merilis Daihatsu Hijet S89 Ganarasi kalapan wan baganti ngaran manjadi Daihatsu Zebra. Mengusung kunsip Minibus full pressed body, Daihatsu Zebra mamakai mesin bakapasitas 1000 cc wan 1300 cc pas tahun 1990. Haratan April 1995, Daihatsu marilis Daihatsu Zebra Espass nang babida dibandingakan Daihatsu Hijet, nangkaya status kendaraan lain Completely Built Up (CBU), baisi parian mesin bakapasitas 1300 cc wan 1600 cc[3], kabin taganal, wan lawang kawa di geser[6].
Mulai 2007, Daihatsu Zebra kada baproduksi lagi wan digantiakan Daihatsu Gran Max nang mamakai basis Daihatsu Hijet Ganarasi kasepuluh[6]. Hijet generasi kesepuluh dijual di Indonesia lawan ngaran Hi-Max matan Nupimbir 2016 sampai Nupimbir 2019.
Referensi
[babak | babak asal-mulanya]- ^ a b "Mengenal 'Mbah' Daihatsu di Indonesia". teknologi (dalam bahasa Inggris). Diakses tanggal 2019-12-22.
- ^ a b "DAIHATSU HISTORY｜Company｜DAIHATSU". www.daihatsu.com. Diakses tanggal 2019-12-22.
- ^ a b c d "Mengenal Sejarah Produk Minivan Daihatsu di Indonesia". Seva.id (dalam bahasa Inggris). 2019-08-14. Diakses tanggal 2019-12-22.
- ^ a b "Mulai dari Hijet S37 hingga Hijet 1000". Suara Merdeka. Diakses tanggal 2019-12-22.
- ^ "DAIHATSU HISTORY｜Company｜DAIHATSU". www.daihatsu.com. Diakses tanggal 2019-12-22.
- ^ a b "Apa Kabar Daihatsu Hijet, Sang "Legenda" Perintis Minibus di Indonesia". FaktualNews.co (dalam bahasa Indonesia). 2019-01-24. Diarsipkan dari versi asli tanggal 2022-02-08. Diakses tanggal 2019-12-22.