Mubil pekap
.jpg)
Mubil pekap atawa mubil pikap (bahasa Inggris: pickup truck) ialah kandaraan trak hampul nang baisi kabin tutup wan bak tabuka di balakang hagan mambawa barang bawaan atawa kargo.[1] Mubil ngini rancaknya dipakai hagan kaparluan kumersial atawa niaga wan dipakai hagan gawian-gawian nang mamarluaakan anjur-antar barang atawa muatan.
Tipe-tipe mubil pekap
[babak | babak asal-mulanya]Kabin Tunggal (Single Cabin)
[babak | babak asal-mulanya]
Mubil pekap kabin tunggal (Pickup Single Cabin) ialah tipe mubil pekap nang baisi sabuting kabin di muka hagan mambawa dua panumpang haja tamasuk supir. Mubil pekap mudil ngini rancak dikalasnya di bawah kabin ganda (Double Cabin), baisi toris mesin (CC) halus kurang labih (1.3-2.0 cc), rancak kada baisi 4x4 wan biasanya baminyak bensin, ada jua babarapa parian kabin tunggal nang baminyak sular, nang kaya pruduk merek Isuzu atawa Daihatsu, Toyota Hilux jua baisi duwa parian hagan tipe ngini, nang baminyak bensin wan sular.
Kabin Ganda (Double Cabin)
[babak | babak asal-mulanya]
Mubil pekap kabin ganda (Pickup Double Cabin) ialah tipe mubil pekap nang baisi duwa kabin di muka wan kawa mambawa 3-4 panumpang tarmasuk supir. Mubil pekap mudil ni rancak dilangkapi lawan torsi mesin (CC) ganal kurang labih (2,5cc kaatas), rancak baisi 4x4, wan baminyak sular. Kalas kabin ganal ngini harganya di atas nang kabin tunggal wan kada cuma dipakai hagan kaparluan kumersial haja, tatapi jua dipakai kapulisian, pamadam kabakaran, wan instansi-instansi lainnya maraga kaharatannya kawa malibas medan nang ngalih (off road). Tagal, mubil pikap tipe ganda kada bisi ruang bawaan saluas mubil pekap tunggal maraga sapalihnya dipakai hagan kabin panumpang. Merek mubil pekap tipe ngini biasanya nang kaya Ford Ranger, Toyota Hilux (tipe kabin dua), Mistubishi Strada, Nissan Navara, Isuzu D-Max, wan lain-lain.