Bekantan

?Bekantan
Satatus palastarian
Terancam
Klasifikasi ilmiah
Karajaan: Animalia Filum: Chordata Kelas: Mammalia Ordo: Primata Famili: Cercopithecidae Upafamili: Colobinae Genus: Nasalis É. Geoffroy, 1812 Spesies: N. larvatus
Ngaran binomial
Nasalis larvatus Wurmb, 1787

Bakantan (Nasalis larvatus), warik nang hidungnya panjang, rambutnya suklat habang, tamasuk mamarina Nasalis.

Ciri bakantan wan warik lainnya: hidungnya ganal panjang,bulunya kebanyakan bewarna kuning kemasaan, wan dianggap jagau. Kagunaan hidung bakantan nang panjang, kada pasti jua. Kikira marga sudah alamnya. Bakantan bini katuju lawan bakantan laki nang taganal wan tapanjang hidungnya. Marga hidungnya jua, bakantan disambat warik Walanda.

Kahidupan

Bakantan laki taganal pada nang bini. Ukurannya hingkat 75 sinti, baratnya bisa 24 kilu. Bakantan bini ukurannya 60 sintian, barat 12 kiluan. Parutnya ganal, marga katuju bamamakan. Lain pada buah-buahan wan bigi-bigian, bakantan makan daun-daunan, nang jadi gas di paparutannya. Ulih marga ngitu parut bakantan ganal.

Bakantan hidup di hutan bakau wan di rawa-rawa nang banyak puhun rambainya, wan di hutan pantai di banua Kalimantan. Bakantan rajin takumpulan 10-32 ikung di atas puhun. Bakantan kawa bakunyung, bahanu bakunyung manyubarang ka pulau lain.

Marga kada banyak lagi wan hutan wadahnya badiam bakurang, bakantan tamasuk satua nang dilindungi dalam IUCN Red List. Bakantan masuk daptar CITES Appendix I.

Wahini Bakantan tamasuk jenis hiwan nang langka gasan tamuakan bahkan di banua surang.