Bal tangan

Tumatan Wikipidia Banjar, kindai pangatahuan

Bal tangan adalah cikang malumbar urat bagarumbung di mana dua garumbung lawan masing-masing 7 pamain (6 pamain wan 1 panjaga gawang) bausaha mamasukakan sabuting bal ka gawang musuh. Pamainan ngini mahirip lawan sipak bal, tagal cara maugahakan bal adalah lawan tangan pamain, lain batis.

Lapangan bal tangan baukuran 50 m x 20m lawan garis pahalat di tangah wan gawang di tangah kadua higa handap. Di sakuliling gawang diulah garis gasan manciri dairah nang wastu kawa dimasuki panjaga gawang. Bal nang dipakai tahalus daripada sipak bal. Bal tangan dimainakan salawas 2 x 30 manit. Pinalti digawi matan intang 29 mitir. Bal tangan dituraiakan jua di Ulimpiada. Tugas tatambaian kipar bal tangan adalah mahalangi tim lain mancitak gul. Sabuting tim musti manunjuk saikung pamain di lapangan jadi panjaga gawang. Tagal, saikung kipar kawa baugah ka lapangan pabila haja salawas paturaian. Gasan manggawi ngini, inya parlu diganti wan melangganti saragam kiparnya jadi saragam pamain lapangan. Saikung pamain lapangan kawa maambil pusisi panjaga gawang lawan cara nang sama. Aturan 5 '' Panjaga Gawang '' maatur sabarataan aturan nang baraitan lawan kipar wan bamamacam aturan husus pasal dairah gawang. Di dalam dairah ngini panjaga gawang dibariakan manjapai bal lawan saban palihan awaknya gasan manangkis bal. Suwalih ngitu, sapalih aturan kada balaku gasan kipar di dalam dairah gawang.