Bagarakan Sahur

Bagarakan Sahur adalah aktipitas sakalumpuk kakanakan anum di Kalimantan Selatan wan Kalimantan Timur nang bangun wayah tangah malam salawas bulan puasa lawan tujuan manggarak umat Muslim gasan makan sahur. Kadada catatan nang manyambatakan awal mula digawinya bagarakan ngini. Ujar taradisi ngini sudah ada matan cungulnya Islam di tanah Banjar. Dahulu warga patuh lawan badadamaran atawa malikit lampu matan gatah kayu damar. Lampu-lampu suluh rancaknya diandak di tungkaran rumah wan di higa-higa kartak matan malam salikur sampai parak Hari Raya Pitrah.^[1] Taradisi bagarakan sahur ngini sudah matan lawas balangsung sacara turun tamurun.^[2]

Bagarakan Sahur jadi hiburan rakiat nang pupulir saban Ramadan. Wayah ngitu, kada wastu wasi tuha nang jadi pakakas nang dicatuk, tagal ditambah lawan suara saruling, gandang, wan gung.^[3]

Di Samarinda, Kalimantan Timur, bagarakan sahur dijuhut matan taradisi nang sama lawan masarakat Banjar di Kalimantan Selatan. Budaya lukal Banjar dasar liwar barikit di Samarinda maingat matan abat ka-15 Samarinda nang palihan matan wilayah Karajaan Kutai Kartanegara tamasuk vasal (dairah kakuasaan) matan Karajaan Banjar. Bubuhan kakanakan muslim di Samarinda manggawi bagarakan sahur lawan mambawa bamamacam pakakas. Wayah abat ka-20 sudah cungul pakakas-pakakas mudirin kaya piring sing, balik, susudu, palangan kaca, salain bilah paring taradisiunal. Wayah pamulaan abat ka-21 ada galun banyu 19 litar nang dipakai. Pakakas ngitu dibawa ulih saban kalumpuk di masing-masing kampung. Paumpat Bagarakan Sahur di Samarinda, kada wastu matan suku Banjar, tagal jua matan suku lainnya.^[4]

Rujukan[babak | babak asal-mulanya]

^ "Bagarakan Sahur Meriahkan Batola". bappeda.baritokualakab.go.id. Diakses tanggal 3 Juni 2017. ^{[permanent dead link]}^{[pranala nonaktif permanen]}
^ "Tradisi Bagarakan Sahur di Kalsel". adicita.com. 14 Agustus 2010. Diarsipkan dari versi asli tanggal 2021-04-14. Diakses tanggal 3 Juni 2017.
^ "Tradisi Buka dan Sahur Mancanegara". satuislam.org. 26 Juni 2016. Diakses tanggal 3 Juni 2017. ^{[permanent dead link]}^{[pranala nonaktif permanen]}
^ "Tradisi Bagarakan Sahur di Samarinda (Asal Usul, Sejarah, dan Penyelewengannya)". samarindabahari.com. 20 Juni 2017. Diarsipkan dari versi asli tanggal 2018-07-27. Diakses tanggal 3 Juli 2017.

[1] "Bagarakan Sahur Meriahkan Batola". bappeda.baritokualakab.go.id. Diakses tanggal 3 Juni 2017. ^{[permanent dead link]}^{[pranala nonaktif permanen]}

[2] "Tradisi Bagarakan Sahur di Kalsel". adicita.com. 14 Agustus 2010. Diarsipkan dari versi asli tanggal 2021-04-14. Diakses tanggal 3 Juni 2017.

[3] "Tradisi Buka dan Sahur Mancanegara". satuislam.org. 26 Juni 2016. Diakses tanggal 3 Juni 2017. ^{[permanent dead link]}^{[pranala nonaktif permanen]}

[4] "Tradisi Bagarakan Sahur di Samarinda (Asal Usul, Sejarah, dan Penyelewengannya)". samarindabahari.com. 20 Juni 2017. Diarsipkan dari versi asli tanggal 2018-07-27. Diakses tanggal 3 Juli 2017.

[1]

[2]

[3]

[4]