Babi panggang habang

Babi panggang habang atawa dalam basa aslinya char siu (di antara banyak éjaannya di nusantara disambat jua cha siu, casiu, ca sau, chasio, chashao, atawa char siew). Diambat jua babi barbekyu manis wan daging barbekyu Cina di luar Cina, atawa hanya "babi barbekyu" di Tiungkuk, hidangan ngini yéto cara nang pupulir gasan mambari rasa wan mahidangkan babi dalam masakan Kanton. Hidangan ngini dikalasifikasikan sabagai sabuting macam masakan dari siu mei, daging panggang ala Kanton (Guangdong).

Hidangan ngini sudah dibawa manyabar ka barata'an dunia ulih imigran-imigran Tiunghua wan sudah mangalami prusés fusi (panggabungan) lawan banyak hidangan lukal barbagai nagara. Di nusantara Indunisia, hidangan ngini ma'alami pacampuran lawan cara masak nusantara, manjadi hidangan fusi nang lalu manjadi pupulér bangat di Walanda, sahingga dalam basa Walanda hidangan fusi ngintu gin disambat lawan ngaran basa Indunisianya, yéto babi panggang.

Masakan Tiunghoua

Istilah basa aslinya, "char siu" sacara harafiah ba'arti "dibakar/dipanggang di garpu" (char ba'arti "garpu" (nomina wan verba) wan siu yéto "bakar"/"panggang") matan mitode tradisional gasan mamasak hidangan ngini, yéto tatakan panjang daging babi kada batulang sabalumnya dibumbui wan disate di garpu panjang, lalu dipanggang di dalam oven tatutup atawa di atas api. Daging babi gasan hidangan ngini karancakannya dikair matan tatakan daging bahu babi tarnak (maskipun pada zaman kuno metode ngini dipakai jua gasan mamasak babi hutan atawa daging lain nang ada), nang dibumbui lawan campuran madu, bubuk lima rempah, tauju habang, kicap, saus huisin, pawarna makanan habang (lain bahan tradisiunal namun wayahini umum bangat dalam mamasak hidangan ngini) wan sherry atawa anggur baras (sasuai saléra). Bumbu-bumbu ngini maubah lapisan luar daging manjadi habang kadap. Maltosa kawa dipakai gasan mambarikan warna mangkilat char siu yang khas.