Arguci

Arguci atawa Air Guci yaitu seni manyulam khas Banjar nang biasanya mamakai media kain, teknik manyulam ngini sudah dipinandui urang Banjar matan ratusan tahun bahari. Baharinya kain Arguci lain kain nang biasa haja, tapi kain nang istimiwa maraga kain ngini kawa dipakai buhan panguasa Kasultanan Banjar haja. Arguci kada sakadar baju biasa, tapi simbil kain kahurmatan Kasultanan Banjar. Urang-urang matan kula Kasultanan Banjar haja nang dibulihakan mamakai Arguci. Wahini Arguci kada dipakai buhan Kasultanan wara, tapi dipakai jua ulih buhan Banjar matan barataan gulungan, salawas ada usaha gasan manjaga tradisi ngini ulih buhan Banjar matan industri kain nang bamacam-macan..

Sejarah Air Guci

Manurut kisah dalam budaya tutur masyarakat Banjar nang sacara turun-tamurun tarus dijaga, konon arguci marupakan simbol kamewahan pambasar kasultanan Banjar dan para pagustian (bangsawan/kaluarga kerajaan).

Pada kajayaan kasultanan Banjar, kaindahan Sulam Arguci (payet) nang rata-rata digawi oleh anak binian lawan ibu-ibu rumah tangga ini talah manghias baju-baju kabasaran nang dipakai oleh raja-raja Banjar. Imbah itu jua mamparcantik dinding-dinding istana sampai ranjang para sultan jua kada luput dari ingkutan arguci dagan motif baragam nang umumnya baiisi pakem nang rikit.

Kayaknya tradisi lawan kabiasaan lingkungan istana Kasultanan Banjar nang salalu manjadiakan arguci sabagai elemen panting dan utama gasan mambangun kabagusan di barbagai kapantingan dan kaparluan estetis kasultanan sejak ratusan tahun nang lalu tu, ngini akar dari ciri khas dekorasi pelamainan, ragam hias pakaian adat wan jua hiasan tradisional khas Banjar.

Sabagai produk budaya tradisional, arguci jua kada talapas dari baragam mitos nang manyartai sabagian masih diparcayai masyarakat Banjar. Salah satu mitos nang paling banyak dikatahui umum tu baju kaganalan gasan raja/sultan Banjar nang harus barwarna kuning wan wajib bahias arguci. Kanapa harus kuning, amun dirunut dari tradisi masyarakat Melayu sacara umum, warna kuning dimaknai sabagai lambang/simbol kamakmuran. Artinya sacara logika siapa haja nang manjadi raja akan bausaha gasan mambawa rakyatnya kapada kemakmuran.

Wahini kain Sulam Arguci sudah banyak dipakai ulih masyarakat umum banjar, dan biasanya dipakai pada prosesi kawinan adat Banjar atawa bentuk acara/hajatan di Banjar, khususnya nang mamakai pelaminan atawa panggung,

Motif

Air Guci ― Sulam Arguci marupakan salah satu karajinan tangan bahari (tua/lama) biasanya barupa kain khas Banua Banjar nang sudah popular sajak ratusan tahun silam. Air Guci nin lain baya kain biasa, malainkan ampun sajarah kabaradaannya nang bagitu istimewa. Kaya kada, hanya panguasa Kerajaan Banjar haja nang dapat mamakai kain Air Guci. Masyarakat Banjar Kuala rancak menyebutnya Erguci. Air Guci tak hanya sekedar busana biasa, melainkan simbol kain kehormatan Kesultanan Banjar. Hanya ia dan dan keluarganya yang diperbolehkan mengenakan Air Guci. Kesakralan kain Air Guci kini kian luntur, seiring upaya palastariannya ulihh masyarakat Banjar. Mulai dibardayakan kerajinan Air Guci untuk menyelamatkannya dari industri tekstil yang beragam.