Arba Habuk

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Arba Habuk
Crossofashes.jpg
Salib ditandai matan habuk atawa dabu di dahi saurang umat
Dirayaakan ulih Banyak umat Karistin
Kagiatan Misa, Kabaktian garija, Kabaktian Ilahi, Liturgi Ilahi
Mangasaiakan habuk di dahi
Tanggal Arba dalam minggu kapitung sabalum Paskah
Tahun 2021 17 Pibuari
Frekuensi Tahunan
Tarait lawan Shrove Tuesday/Mardi Gras
Karnapal
Prapaskah
Paskah

Arba Habuk adalah sabuah hari raya Karistin gasan baibadat wan bapuasa, saupama lain marupakan sabuah hari raya wajip,[1] sawagai tanda pakabungan, pataubatan, wan marandahakan diri manuju kamanangan kabangkitan Kristus.[2] Dalam garija Kristen taradisi/ritus barat (tamasuk Garija Katolik Roma wan Protestanisme), Arba Habuk adalah hari panambaian wayah Pra-Paskah dalam liturgi tahunan garijawi. Hari ngitu ditantuakan gugur wayah hari Arba, 40 hari sabalum hari Paskah kada usah mahitung hari-hari Ahat, atawa 44 hari (tamasuk hari Ahat) sabalum hari Jumahat Agung.

Ngaran Arba Habuk babibit matan pangasaian habuk pataubatan di dahi bubuhan jamaat diumpati lawan ucapan "Bataubatlah wan parcayalah lawan Injil" atawa diktum "Ingatlah lamun ikam adalah dabu, wan ikam cagar babulik jadi dabu".[3][2] Habuk ngitu disiapakan lawan manyalukut daun palam matan parayaan Minggu Paskah tahun sabalumnya. Wayah hari ngitu umat nang datang ka Garija dahinya dibari tanda salib matan habuk sawagai ciciri upacara ngini. Ciciri ngini maingatakan umat gasan ritual Israil kunu di mana sasaurang mamarupui habuk di atas kapalanya atawa di sabarataan awaknya sawagai tanda kamaristaan, panyasalan, wan pataubatan (umpamanya kaya dalam Kitab Ester, yaitu Citakan:Alkitab). Dalam Citakan:Alkitab panyasalan digambarakan jua lawan "mamakan habuk":

"Marga aku makan habuk kaya ruti, wan maharu kinumanku lawan tangisan."

Rancak wayah hari ngini bacaan di Garija dijuhut matan Alkitab palihan kitab 2 Samuel 11-12, pasal raja Daud nang bajinah wan bataubat.

Banyak urang Katolik maanggap hari Arba Habuk sawagai hari gasan maingat kasanangan sasaurang. Wayah hari ngini umat Katolik baumur 18–59 tahun diwajipakan bapuasa, lawan watasan makan kanyang paling banyak sakali, wan bapantang.

Jujuhutan[babak | babak asal mulanya]

  1. ^ "The Liturgical Calendar" (dalam bahasa Inggris). Reformed Church in America. 2018. Diakses tanggal 13 March 2018. 
  2. ^ a b "Renungan Harian®: Februari 2016". Yayasan Gloria. Diakses tanggal 16 Maret 2019. 
  3. ^ "The Roman Missal [Third Typical Edition, Chapel Edition]". Diarsipkan dari versi asli tanggal 24 March 2016.